អង្គការ​ជាតិ-អន្តរជាតិ​ចំនួន៣០ ទាំងនៅក្នុងស្រុក និងក្រៅស្រុក បានចេញសេចក្ដី​ថ្លែងការណ៍​រួមមួយ នៅថ្ងៃទី៩ ខែកក្កដា ឆ្នាំ២០២០នេះ ស្នើឲ្យមានស៊ើបអង្កេត ទៅលើ​ករណី​បាញ់សម្លាប់លោកបណ្ឌិត កែម ឡី កាលពី៤ឆ្នាំមុន ដោយមានការចូលរួម ពីអង្គការ​សហប្រជាជាតិ (អ.ស.ប)។

លោក កែម ឡី ដែលជាអ្នកវិភាគ និងជាអ្នកធ្វើអត្ថាធិប្បាយនយោបាយ ដ៏ល្បីឈ្មោះ ត្រូវ​បានឃាតករឈាមត្រជាក់បាញ់សម្លាប់ កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅ​ខណៈ​លោក កំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយចាក់​ប្រេង​​ឥន្ទនៈ ស្ដុបបូកគោ កណ្ដាលរាជធានីភ្នំពេញ។

មកដល់ថ្ងៃនេះ មានតែបុរស អឿត អាង ហៅ ជួប សម្លាប់ តែម្នាក់គត់ ដែលត្រូវបាន​ចាប់ខ្លួន និងផ្ដន្ទាទោស នៅចំពោះអំពើមនុស្សឃាតខាងលើ។

សម្រាប់អង្គការជាតិ-អន្តរជាតិ ទាំង៣០ បានអះអាងថា អាជ្ញាធរកម្ពុជា មិនបាន​«ធ្វើការ​ស៊ើបអង្កេត ជាបន្ទាន់ ហ្មត់ចត់ និងដោយឯករាជ្យ»ទេ ខណៈជនសង្ស័យខាងលើ ដែល​អាជ្ញាធរចាប់ខ្លួនបាន គឺជាបុរសម្នាក់ ដែលបាន “សារភាព” ថាខ្លួនជាឃាតករ។

សេចក្តីថ្លែងការណ៍បានរៀបរាប់​ថា លោក អឿត អាង ត្រូវបានផ្តន្ទាទោស ដោយដាក់​ពន្ធនាគារ​អស់មួយជីវិត បន្ទាប់ពីឆ្លងកាត់ការជំនុំជម្រះ រយៈពេលកន្លះថ្ងៃ នៅថ្ងៃទី២៣ ខែមីនា ឆ្នាំ២០១៧ ដែលរងការរិះគន់យ៉ាងច្រើន ថាគ្មានបទដ្ឋានជំនុំជម្រះ ដែលអាច​ទទួល​យក​បាន និងគ្មានបទដ្ឋាន ជាលក្ខណៈអន្តរជាតិ។

ក្រុមអង្គការសមាគម ជាតិ-អន្តរជាតិ ទាំងនោះ បានសរសេរថា៖

«ចាប់តាំងពីឆ្នាំ២០១៦ អង្គការសិទ្ធិមនុស្សជាតិ និងអន្តរជាតិជាច្រើន បានអំពាវនាវ​ជាបន្តបន្ទាប់​ឱ្យរដ្ឋាភិបាលកម្ពុជា បង្កើតគណៈកម្មការស៊ើបអង្កេត​ឯករាជ្យមួយ ដើម្បី​ធ្វើការស៊ើបអង្កេតជាបន្ទាន់ ដោយមិនលម្អៀង និងមានប្រសិទ្ធភាព នៅក្នុងករណី​ឃាតកម្ម​នោះ ដោយមានគូសបញ្ជាក់ ទាក់ទងនឹងការពិនិត្យ លើជនដែលមានចំណែក​ត្រូវទទួលខុសត្រូវ ក្នុងបទល្មើសព្រហ្មទណ្ឌដទៃផ្សេងទៀត ក្រៅពីជនដៃដល់ ស្របតាម​បទដ្ឋានអន្តរជាតិ ដែលមានចែងក្នុងកតិកាសញ្ញាអន្តរជាតិ ស្តីពីសិទ្ធិពលរដ្ឋ និងសិទ្ធិនយោបាយ (ក.អ.ស.ព.ន)។»

«គោលការណ៍នៃអង្គការសហប្រជាជាតិ ស្តីពីការទប់ស្កាត់ ដោយប្រសិទ្ធភាព លើ​ការសម្លាប់​ក្រៅប្រព័ន្ធច្បាប់ ដោយបំពាន និងដោយឆាប់រហ័ស ក៏ដូចជា ពិធីសារបន្ថែម​រដ្ឋមីនីសូតា ស្តីពីការស៊ើបអង្កេត​លើការស្លាប់ក្រៅច្បាប់ បានគូសបញ្ចាក់យ៉ាងច្បាស់ ដល់​តួនាទី​របស់​រដ្ឋាភិបាល ក្នុងការស៊ើបអង្កេតការស្លាប់ ក្រៅច្បាប់នានា ព្រមទាំង​អោយ​បង្កើត​​គណៈកម្មការ​ស៊ើប​អង្កេត​ឯករាជ្យ នៅពេលដែលរដ្ឋនានា ដូចជាប្រទេស​កម្ពុជា​ជាដើម ដែលបញ្ហានីតិវិធីប្រកបដោយប្រសិទ្ធភាព ក្នុងការស៊ើបអង្កេត អនុលោម​តាម​បទដ្ឋាន​​អន្តរជាតិ នៅមានកម្រិតនោះ។»

អង្គការ​ជាតិ-អន្តរជាតិ​ចំនួន៣០ ខាងលើ បានហៅភាពមិនអើពើ របស់របបក្រុងភ្នំពេញ នៅ​ចំពោះករណី​ឃាតកម្ម​នេះ ថាជាការបង្ហាញ​អំពី«វិសមានចិត្ត»មួយ នៃ​«ការសងសឹក»​ទៅលើលោក កែម ឡី។ សេចក្ដី​ថ្លែងការណ៍​បានសរសេរថា៖

«ការបន្តមានវិសមានចិត្ត​របស់រដ្ឋាភិបាល ចំពោះករណីរបស់លោកបណ្ឌិត កែម ឡី នេះ បង្កើននូវវិមតិសង្ស័យថា ការធ្វើឃាតលោកនោះ គឺជាការសងសឹក ដោយសារលោក​បំពេញ​ការងារ ជាអ្នកការពារសិទ្ធិមនុស្ស។ លោកបណ្ឌិត កែម ឡី បានធ្វើការវិភាគបញ្ហា ទាក់ទងនឹងសង្គម និងនយោបាយជារឿយៗ។»

​អ្នកពាក្យនាំក្រសួងយុត្តិធម៌ លោក ជិន ម៉ាលីន ត្រូវបានស្រង់សំដី ដោយសារព័ត៌មាន​ក្នុង​ស្រុក មកអះ​អាង​ថា កម្ពុជា​មិន​ធ្វើ​តាម​ការ​ទាមទារ ​របស់​ក្រុម​អង្គការសង្គមស៊ីវិល​ខាងលើ ដែលលោក​ហៅ​ថា មាន​និន្នាការ​ប្រឆាំង និង​មាន​«គំនុំ​»ជាមួយ​រដ្ឋាភិបាល​ឡើយ។ អ្នកនាំពាក្យបានបញ្ជាក់ទៀតថា ជនដៃដល់ត្រូវបានចាប់ខ្លួន និងផ្ដន្ទាទោស​រួចរាល់ ខណៈអ្នកពាក់ព័ន្ធផ្សេងទៀត កំពុងស្ថិតក្នុងដំណើរការស៊ើបអង្កេត និង​នីតិវិធី​តុលាការ។

សូមបញ្ជាក់ដែរថា ការជួបជុំនានា ដើម្បីធ្វើពិធីសាសនា ដើម្បីឧទ្ទិសឲ្យដួងវិញ្ញាណក្ខន្ធ លោកបណ្ឌិត កែម ឡី ក្នុងខួបឆ្នាំទី៤នេះ បានត្រូវបានអាជ្ញាធរកម្ពុជា ចាត់វិធានការ​ហាមឃាត់ និងធ្វើការ​រឹតត្បិត រាប់ចាប់​តាំង​ពី​ថ្ងៃទី៨ ខែកក្កដាមក ដោយបង្ហាញ​ហេតុផល ពីការប៉ះពាល់ ផ្នែក​សណ្ដាប់ធ្នាប់​សាធារណៈ ឬដើម្បីទប់ស្កាត់រោតរាតត្បាត «Covid-19»៕



លំអិតបន្ថែមទៀត

ទំព័រហ្វេសប៊ុករបស់ចលនាមាតាធម្មជាតិ នៅមុន និងក្រោយការបាត់រូប ពីលើបណ្ដាញសង្គម។ (រូបថតផ្តិតពីអេក្រង់)
កម្ពុជា

ទំព័រហ្វេសប៊ុក«មាតាធម្មជាតិ» បាន​បាត់រូប​ពីបណ្ដាញសង្គម

នៅពេលនេះ ទំព័រហ្វេសប៊ុកផ្លូវការ របស់ចលនា​«មាតាធម្មជាតិ» ដ៏ល្បីល្បាញ បាន​បាត់រូប​ពីបណ្ដាញសង្គម បន្ទាប់ពីសកម្មជនរបស់ចលនានេះ ចំនួន៣នាក់ ត្រូវបាន​អាជ្ញាធរ​​របបក្រុងភ្នំពេញចាប់ខ្លួន កាលពីថ្ងៃព្រហស្បត្តិ៍ ទី៣ ខែកញ្ញាម្សិលម្ងៃ។ ទំព័រហ្វេសប៊ុករបស់ចលនា«មាតាធម្មជាតិ» មានអាស័យដ្ឋាន ...
កម្ពុជា

CNRP អះអាងថា មិនភ្លេចជន​ដែល​ត្រូវបាន​សម្លាប់ ក្រោមរបប ហ៊ុន សែន

គណបក្សសង្គ្រោះជាតិ (CNRP) អះអាងថា ខ្លួននឹងមិនភ្លេច​ជនរងគ្រោះ​ជាច្រើន​នាក់ ដែលត្រូវបានសម្លាប់ យ៉ាងឃោរឃៅ និងអយុត្តិធម៌ នៅក្រោមរបបដឹកនាំ​របស់​លោក​​នាយករដ្ឋមន្ត្រី ហ៊ុន សែន ឡើយ។ នេះ បើតាមសារនយោបាយមួយ ...
កម្រមាន

រ៉ុស្ស៊ី៖ ប្រវត្តិវិទូម្នាក់ជាប់គុក​១២ឆ្នាំ​កន្លះ ពីបទ​កាប់គូស្នេហ៍​ជាដុំៗ

លោក «Oleg Sokolov» ប្រវត្តិវិទូជាតិរ៉ុស្ស៊ីម្នាក់ បានរងការផ្ដន្ទាទោស ឲ្យជាប់ពន្ធនាគារចំនួន១២ឆ្នាំកន្លះ ពីបទកាប់គូស្នេហ៍ជាដុំៗ ដោយតុលាការក្រុង «Saint-Pétersbourg» (ភាគខាងលិចប្រទេសរ៉ុស្ស៊ី) កាលពីថ្ងៃសុក្រទី២៥ ខែធ្នូម្សិលម៉ិញ។ សំនុំរឿងដ៏កក្រើក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...