បើ«មានលិង្គតូចជាងគេ» ចូរបុរសកម្ពុជាទាំងឡាយកុំតូចចិត្ត ព្រោះវាជាខ្នាតគិតជាមធ្យម សិក្សាដោយបណ្ណាល័យវេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ«National Library of Medicine» ដែលបានចាត់ចំណាត់ថ្នាក់ ទៅលើបណ្ដាប្រដាប់ភេទ របស់បុរសសឹងតែគ្រប់ប្រទេស នៅលើពិភពលោក។
តែបុរសកម្ពុជាមិនអន់រហូតដល់ចុងគេបង្អស់នោះដែរ ព្រោះនៅមានបុរសកូរ៉េ (ទាំងពីរ៖ ទាំងខាងត្បូង និងខាងជើង) ដែលមានលិង្គតូចជាងគេបំផុត ពោលគឺប្រវែងមិនដល់១តិក (១០សង់ទីម៉ែត្រ) ផងទេ នៅពេលពួកគេមានចំណង់រួមភេទម្ដងៗ។
ប្រទេស៦ ដែលជាប់លេខចុងក្រោយគេ៖
- កូរ៉េខាងត្បូង និងកូរ៉េខាងជើង : ៩.៦៦ សង់ទីម៉ែត្រ
- កម្ពុជា : ១០.០៤ សង់ទីម៉ែត្រ
- ថៃ និងឥណ្ឌា : ១០.១៦ សង់ទីម៉ែត្រ
- ចិន : ១០.៩២ សង់ទីម៉ែត្រ
ខាងក្រោមនេះ ជាផែនទីបង្ហាញពីទំហំលិង្គ ដែលគិតជាមធ្យម និងទៅតាមតំបន់នានា នៅជុំវិញពិភពលោក៖
ងាកទៅបណ្ដាប្រទេស ដែលពលរដ្ឋរបស់ខ្លួន មានប្រដាប់ភេទវែងជាងគេ ភាគច្រើនគឺស្ថិតក្នុងទ្វីបអាហ្វ្រិក និងអាមេរិកខាងត្បូង។ ខាងក្រោមនេះ ជាចំណាត់ថ្នាក់ទាំង១១ (ពីតូចទៅធំ) ៖
- ចាម៉ៃអិក (កោះនៅអាមេរិកកណ្ដាល) : ១៦.៣០ សង់ទីម៉ែត្រ
- ស៊ូដង់ (អាហ្វ្រិក) : ១៦.៤៧ សង់ទីម៉ែត្រ
- បូលីវី (អាមេរិកខាងត្បូង) និងហុងគ្រី (អ៊ឺរ៉ុប) : ១៦.៥១ សង់ទីម៉ែត្រ
- កាមេរូន (អាហ្វ្រិក) : ១៦.៦៧ សង់ទីម៉ែត្រ
- កូឡំប៊ី (អាមេរិកខាងត្បូង) : ១៦.៧៥ សង់ទីម៉ែត្រ
- លីបង់ (មជ្ឈិមបូព៌ា) : ១៦.៨២ សង់ទីម៉ែត្រ
- វេណេហ្សុយអេឡា (អាមេរិកខាងត្បូង) : ១៦.៩៣ សង់ទីម៉ែត្រ
- នីហ្សេរីយ៉ា (អាហ្វ្រិក) : ១៧.០០ សង់ទីម៉ែត្រ
- ហ្គាណា (អាហ្វ្រិក) : ១៧.៣១ សង់ទីម៉ែត្រ
- អេក្វាទ័រ (អាមេរិកខាងត្បូង) : ១៧.៧៧ សង់ទីម៉ែត្រ
- កុងហ្គោ (អាហ្វ្រិក) : ១៧.៩៣ សង់ទីម៉ែត្រ៕
