រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។

រូបថតនោះ ត្រូវបានម្ចាស់គណនេយ្យទ្វីសធើរម្នាក់ យកមកបង្ហោះ ដោយសរសេរអមជាមួយថា៖

«ក្លាហានឡើង ហ្សង់ កាស្ដិក… ថ្ងៃនេះជាថ្ងៃសុក្រហើយ (ចង់សម្ដៅថា ឈានដល់ថ្ងៃចុងសប្ដាហ៍ហើយ)។»

អង្គុយនៅលើកៅអីបត់បាន លោក កាស្ដិក មានទឹកមុខធម្មតា ភ្នែកសម្លឹងទៅមុខ និងមានកាបូបស្ពាយនៅខ្នង ដាក់នៅផ្ទាល់ដី។ មើលទៅ បុរសវ័យ​៥៧ឆ្នាំរូបនេះ ដែលចាកចេញពីកៅអី ជានាយករដ្ឋមន្ត្រីបារាំង កាលពី៤ខែកន្លងទៅ ទំនងជាបានវិលត្រឡប់ ក្លាយជាជនសាមញ្ញម្នាក់វិញ ដូចពលរដ្ឋទូទៅដូច្នេះ។

រូបថតខាងលើ ត្រូវបានប្រព័ន្ធផ្សព្វ​ផ្សាយ «FranceInfo» របស់បារាំងរាយការណ៍ថា ជារូបថតពិត ដោយស្រង់ប្រភពស្និតនឹងលោក កាស្ដិក មកបញ្ជាក់។

ក្នុងនាមជារដ្ឋបុរស ដ៏កំពូលមួយរូប លោកអតីតនាយករដ្ឋមន្ត្រី មានបុព្វសិទ្ធិច្រើនណាស់ ក្នុងនោះមានដូចជា លោកអាចទទួលបាន នូវរថយន្ដរដ្ឋមួយគ្រឿង ដោយមានអ្នកបើកបរ និងការការពារពីកងកម្លាំងនគរបាល នៅរៀងរាល់ការធ្វើដំណើររបស់លោក។

តែប្រភពពីសារព័ត៌មានក្នុងស្រុក បានអះអាងថា លោក ហ្សង់ កាស្ដិក បានបដិសេធបុព្វសិទ្ធិទាំងនេះ ហើយចូលចិត្តធ្វើដំណើរ ទៅណាមកណាតែម្នាក់ឯង តាមរថភ្លើងក្រោមដី ឬតាមរថយន្ដក្រុងជាដើម។

កាលពីដើមខែកក្កដា លោកអតីតនាយករដ្ឋមន្ត្រី ធ្លាប់ត្រូវបាន​បណ្ដាជនថតរូប​លោកកំពុងអង្គុយ ក្នុងរថភ្លើងក្រោមដីម្ដងដែរ។ កាលនោះ លោកពាក់តែអាវដៃខ្លី និងខោខូវប៊យមួយសម្រាប់ប៉ុណ្ណោះ៕



លំអិតបន្ថែមទៀត

ដំណឹង

ជនសង្ស័យ​បង្កៃគ្រាប់បែក​បាន​«សារភាព» និង​ត្រូវបញ្ជូន​ឲ្យ​ចៅក្រម​សម្រេច

ជនសង្ស័យសំខាន់ជាងគេ នៅក្នុងហេតុការណ៍ បំផ្ទុះកញ្ចប់ផ្លុងចោល កណ្ដាលក្រុងលីយ៉ុង (ភាគខាងត្បូងបារាំង) កាលពីថ្ងៃសុក្រសប្ដាហ៍មុន បាន«សារភាព»ទង្វើរបស់ខ្លួន នៅចំពោះអ្នកស៊ើបអង្កេត។ បន្ទាប់ពីត្រូវបានអាជ្ញាធរចាប់ខ្លួន កាលពីថ្ងៃទីចន្ទ ទី២៧ ខែឧសភារួច យុវជនជាតិអាហ្សេរី ...
កំសាន្ដ

បុណ្យ១៤កក្កដា៖ ទស្សនីយភាព​នៃកាំជ្រួចជ្វាលា ពីតួរអេហ្វែល

ពីតួរអេហ្វែល (La Tour Eiffel) រដ្ឋធានីប៉ារីស ទស្សនីយភាពនៃកាំជ្រួចជ្វាលា មានសភាពធំហ៊ឹកហាក់ណាស់ ដើម្បីអបអរបុណ្យជាតិបារាំង ថ្ងៃ​«១៤កក្កដា»។ កម្មវិធីនេះ​ចាប់ផ្ដើម​ពីម៉ោង២៣ យប់ថ្ងៃទី១៤ ខែកក្កដា ឆ្នាំ២០២១ ...
ដំណឹង

សារមន្ទីរ លូវ្រ៍ (ប៉ារីស) មាន​ភ្ញៀវ​ចូល​ទស្សនា​ច្រើន​ជាង​គេ​​បំផុត​ក្នុង​ឆ្នាំ២០១៨

សម្រាប់ឆ្នាំ២០១៨កន្លងទៅ នេះសារមន្ទីរ លូវ្រ៍ (Louvre) កណ្ដាលរដ្ឋធានីប៉ារីស បានបំបែកឯកត្តកម្ម ដោយបានក្លាយខ្លួន ជាសារមន្ទីរអន្តរជាតិ ដែលមានភ្ញៀវចូលទស្សនា ច្រើនជាងគេបំផុត នៅលើពិភពលោក។ នេះ បើតាមការប្រកាស ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...
កំសាន្ដ

អេនជឺលីណា ជូលី បង្ហាញវត្តមាន​នៅអ៊ុយក្រែន តែត្រូវ​ជម្លៀសខ្លួន​ភ្លាមៗ…

កំពូលតារាហូលីវូដ នាង អេនជឺលីណា ជូលី (Angelina Jolie) បានបង្ហាញវត្តមានដ៏ភ្ញាក់ផ្អើល នៅក្នុងប្រទេសអ៊ុយក្រែន កាលពីចុងខែមេសា​កន្លងមក។ ដំណើរទស្សនកិច្ចនោះ ធ្វើឡើងក្នុងក្របខណ្ឌ នៃតំណាងស្នងការជាន់ខ្ពស់ របស់អង្គការសហប្រជាជាតិ ...