កំពូលតារាហូលីវូដ នាង អេនជឺលីណា ជូលី (Angelina Jolie) បានបង្ហាញវត្តមានដ៏ភ្ញាក់ផ្អើល នៅក្នុងប្រទេសអ៊ុយក្រែន កាលពីចុងខែមេសា​កន្លងមក។ ដំណើរទស្សនកិច្ចនោះ ធ្វើឡើងក្នុងក្របខណ្ឌ នៃតំណាងស្នងការជាន់ខ្ពស់ របស់អង្គការសហប្រជាជាតិ ទទួលបន្ទុកជនភៀសខ្លួន (UNHCR)។

បើតាមសារព័ត៌មាន«The Kyiv Independent» របស់ប្រទេសអ៊ុយក្រែន បានឲ្យដឹងថា នៅថ្ងៃទី៣០ ខែមេសា កំពូលតារាភាពយន្ដ​រូបនេះ បានចុះសួរសុខទុក្ខកុមារទាំងឡាយ ដែលកំពុងសម្រាក​ព្យាបាលរបួសរបស់ផងខ្លួន ក្នុងក្រុង«Lviv» ភាគខាងលិចនៃប្រទេសអ៊ុយក្រែន។ កុមារទាំងនោះ បានរងគ្រោះដោយការផ្លោងគ្រាប់របស់កងទ័ពរ៉ុស្ស៊ី ចូលក្នុងក្រុង«Kramatorsk» (ភាគខាងកើត) ដែលបានបង្កឲ្យមនុស្សស្លាប់ និងរបួសច្រើនសិបនាក់។

នៅលើបណ្ដាញសង្គម តារាភាពយន្ដអាមេរិក ដែលមានសញ្ជាតិកម្ពុជាដែររូបនេះ ត្រូវបានបណ្ដាជនថតវីដេអូ ឃើញនៅក្នុងហាងកាហ្វេមួយ កណ្ដាលក្រុង តាំងពីព្រឹកព្រលឹម។ លោក «Maxim Kozystski» អភិបាលក្រុង «Lviv» បានឧទាន​ជាសំណេរឡើងថា៖

«សម្រាប់យើងទាំងអស់គ្នា ដំណើរទស្សនកិច្ចនេះ (របស់តារាភាពយន្ដ) បានបង្កភាពភ្ញាក់ផ្អើលមួយ ដែលមិននឹកស្មានដល់។»

ប៉ុន្តែដំណើរទស្សនកិច្ចរបស់នាង អេនជឺលីណា ជូលី បានជួបនឹងភាពរអាក់រអួល ដោយហេតុថា នាងត្រូវគេជម្លៀសខ្លួនភ្លាមៗ ចេញពីមន្ទីរពេទ្យ ទៅកាន់ជម្រកសុវត្ថិភាព បន្ទាប់ពីសម្លេងសារ៉ែនប្រកាសអាសន្ន បានរោទ៍ឡើង ព្រមានពីការផ្លោងគ្រោប់ចូលក្នុងក្រុង «Lviv» ពីសំណាក់កងទ័ពរ៉ុស្ស៊ី។

នៅចំពោះសំណួរ ដែលសួរកំពូលតារាសម្ដែងថា តើនាងមានការភិតភ័យឬទេ? តារាវ័យ៤៦ឆ្នាំបានតបថា នាងមិនមានអាការៈអ្វីប្លែកទេ និងបានប្រាប់ម្ចាស់សំណួរឲ្យថែខ្លួន​ឲ្យបានល្អ នៅចំពោះព្រឹត្តិការណ៍ដ៏អកុសល ដែលកំពុងកើតមាន នៅក្នុងប្រទេសរបស់ពួកគេ។

ភ្លាមៗ នៅពេលប្រទេសរ៉ុស្ស៊ី ក្រោមបញ្ជារបស់លោកប្រធានាធិបតី វ្លាឌីមៀរ ពូទីន (Vladimir Putin) បានលើកទ័ពចូលឈ្លានពានប្រទេសអ៊ុយក្រែន នៅថ្ងៃទី២៤ ខែកុម្ភៈ ឆ្នាំ២០២២ នាង អេនជឺលីណា ជូលី ដែលពេលនោះ​កំពុងស្ថិតក្នុងប្រទេសកម្ពុជា បានបង្ហោះសារលើទំព័រអ៊ិនស្ថាហ្គ្រាមរបស់នាង សំដែងសមានចិត្តចំពោះប្រជាជនអ៊ុយក្រែន និងសំដែងការប្រឆាំងរាល់ដំណោះស្រាយទាំងឡាយ ដែលធ្វើឡើង​តាមផ្លូវអាវុធ៕



លំអិតបន្ថែមទៀត

ដំណឹង

សង្គ្រាមនៅ​អ៊ុយក្រែន៖ កុមារអាយុ១១ឆ្នាំ ភៀសខ្លួន​ឆ្លងប្រទេស​តែម្នាក់ឯង

កុមារអាយុ១១ឆ្នាំ បានធ្វើដំណើរតែម្នាក់ឯង ដើម្បីភៀសខ្លួន ចេញពីសង្គ្រាមឈ្លានពាន បង្កឡើងដោយប្រទេសរ៉ុស្ស៊ី។ កុមារ បានចាកចេញពីលំនៅដ្ឋានខ្លួន ដែលស្ថិតក្នុងក្រុង«Zaporijjia» ភាគខាងកើតអ៊ុយក្រែន និងធ្វើដំណើរឆ្លងព្រំដែនអ៊ុយក្រែន-ស្លូវ៉ាគី (ភាគខាងលិច) ដោយមាននឹងខ្លួនត្រឹមតែសម្ពាយមួយ លិខិតឆ្លងដែន​របស់កុមារ ...
ដំណឹង

សង្គ្រាមនៅអ៊ុយក្រែន៖ រ៉ុស្ស៊ី ផ្លោងគ្រាប់​សំដៅ​«អង់តែនទូរទស្សន៍»នៅគៀវ

មនុស្ស៥នាក់បានស្លាប់ និង៥នាក់ផ្សេងទៀត បានរងរបួស នៅក្នុងការផ្លោងគ្រាប់ដោយកងទ័ពរ៉ុស្ស៊ី សំដៅកម្ទេច«អង់តែនទូរទស្សន៍» នៅរដ្ឋធានីគៀវ ប្រទេសអ៊ុយក្រែន កាលពីប្រមាណជា​មួយម៉ោងមុននេះ។ នេះ បើតាមតុល្យភាពដំបូង ដែលផ្ដល់ដោយអាជ្ញាធរអ៊ុយក្រែន ទទួលបន្ទុកគ្រប់គ្រងភាពអាសន្ន។ ការវាយប្រហារនោះ ...
ដំណឹង

អគ្គិភ័យ​ក្នុង​នាវា​មុជទឹក​នុយក្លេអ៊ែ របស់​កងទ័ព​រ៉ុស្ស៊ី ស្លាប់​១៤នាក់

នៅក្នុងនាវាមុជទឹកនុយក្លេអ៊ែររ៉ុស្ស៊ី «មានការផ្ទុះប្រព័ន្ធហ្គាស» ដែលបង្កឲ្យមានអគ្គិភ័យឡើង និងបណ្ដាលឲ្យមនុស្ស«ស្លាប់​១៤នាក់» ដោយសារឈ្លក់នឹងផ្សែង។ នេះ បើតាមការអះអាង របស់អាជ្ញាធរនៃប្រទេសន័រវេស ដែលបញ្ជាក់ថា ខ្លួនបានទទួលព័ត៌មានទាំងនេះ ពីកងទ័ពរ៉ុស្ស៊ី កាលពីថ្ងៃអង្គារម្សិលម៉ិញ។ សម្រាប់កងទ័ពរ៉ស្ស៊ីផ្ទាល់ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...