អាវកាសយានិក​២រូប លោក «Bob Behnken» និងលោក «Doug Hurley» បានហោះ​ចាកចេញពីផែនដី ជាមួយយានអាវកាស របស់ក្រុមហ៊ុន «SpaceX» កាលពី​ប៉ុន្មាន​នាទី​មុន។ យានមួយនេះ ជាកម្មសិទ្ធិ របស់ក្រុមហ៊ុនឯកជនដំបូងគេ ដែលទទួល​បេសកកម្ម ពី​ភ្នាក់ងារ «NASA»។ រូបភាពផ្សាយផ្ទាល់ របស់ភ្នាក់ងារ «NASA» ដែលត្រូវបាន បណ្ដាញទូរទស្សន៍នានា ក្នុង​ពិភពលោក ចាប់យកទៅផ្សាយបន្ត បានអះអាងថា ការហោះចេញ ពីមជ្ឈមណ្ឌល «Kennedy» ក្នុងរដ្ឋផ្លរីដា បានប្រព្រឹត្តិទៅ នៅវេលាម៉ោង ១៥ និង២២នាទី (ម៉ោងក្នុង​ស្រុក) ...