នៅចំពោះការអះអាង របស់នាយករដ្ឋមន្ត្រីចាស់វស្សា នៅកម្ពុជា ដែលថ្លែងអួតអាង ដោយមោទនភាព អំពីការដឹកនាំជិត៤០ឆ្នាំរបស់ខ្លួននោះ អ្នកឃ្លាំមើលស្ថានការណ៍នយោបាយ និងសង្គមកម្ពុជា បានប្រតិកម្មយ៉ាងសាមញ្ញថា គឺស្ថានការណ៍ភូមិសាស្ត្រនយោបាយតំបន់ និងពិភពលោក បង្ខំឲ្យយួនត្រូវ«ដកទ័ព» ចេញពីកម្ពុជា ហើយកម្ពុជាមិនអាចដួលរលំបានទេ ព្រោះប្រទេសនេះត្រូវបានដាក់ ឲ្យស្ថិតក្រោមការគ្រប់គ្រង របស់បេសកកម្មអង្គការសហប្រជាជាតិ ហៅថា អ៊ុនតាក់ (UNTAC)។ ថ្លែងក្នុងពិធីប្រារព្ធខួបអនុស្សាវរីយ៍ លើកទី៤០ នៃការបង្កើតធនាគារជាតិនៃកម្ពុជាឡើងវិញ នៅក្រោយរបបខ្មែរក្រហម ក្នុងថ្ងៃទី១០ ខែតុលា ឆ្នាំ២០១៩នេះ នាយករដ្ឋមន្ត្រីកម្ពុជា លោក ហ៊ុន សែន បានថ្លែងថា គ្មានប្រទេសណា ដែលមានកងទ័ពបរទេស ចូលមកជួយហើយ ...

បន្ទាប់ពីខកខាន លែងបានហាត់ប្រាណ អស់រយៈពេលជាច្រើនសប្ដាហ៍ លោកនាយករដ្ឋមន្ត្រី ហ៊ុន សែន បានធ្វើការហាត់ប្រាណនេះឡើងវិញ នៅថ្ងៃនេះ និងបានឆ្លៀតផ្ញើរសារ ទៅកាន់គូប្រកួតរបស់លោក ឲ្យ«ហ្វឹកហាត់​ឲ្យ​ស្ទាត់» ដើម្បីកុំឲ្យ«ចាញ់ដូចមុនៗ»។ ការផ្ញើរសារនោះ ទំនងជាលោកនាយករដ្ឋមន្ត្រី ថ្លែងទៅកាន់ដៃគូ លេងកីឡាកូនគោល ជាមួយនឹងរូបលោក។ ជាមួយនឹងរូបថតច្រើនសន្លឹក បង្ហោះនៅលើបណ្ដាញសង្គម បុរសខ្លាំងកម្ពុជា​ដែល​អង្គុយ​ នៅក្នុង​អំណាច តាំងពី៣៥ឆ្នាំមក បានសរសេរឲ្យដឹងថា៖ «ថ្ងៃទីមួយ បានហាត់ប្រាណឡើងវិញ បន្ទាប់ពី៧០ថ្ងៃ មិនបានហាត់ ដោយសារគ្រេចស្មា។ រត់លើម៉ាសុីន៣០នាទី ធាក់កង់៦៥នាទី ដុតកាលឡូរី៥៦០ បែកញើសគ្រប់គ្រាន់ល្មម។ កីឡាវាយកូនគោលរង់ចាំ រដូវប្រាំងងាយស្រួលលេង ជាងរដូវវស្សា។» លោក ...

ឯកអគ្គរដ្ឋទូតអាមេរិកថ្មី ប្រចាំកម្ពុជា លោក ផាទ្រីក មរហ្វី (W. Patrick Murphy) បានថ្លែង«សារដំបូង»របស់លោក ទៅកាន់ពលរដ្ឋកម្ពុជា ក្នុងថ្ងៃនេះ ដោយមានពាក្យពេចន៍មួយចំនួនអះអាងថា លោកនឹងផ្ដល់ការគាំទ្រ ជួយឲ្យប្រទេសកម្ពុជា មានភាពរឹងមាំ រ៉ុងរឿង មានលទ្ធិប្រជាធិបតេយ្យ និងឯករាជ្យ។ «ជម្រាបសួរ ពុកម៉ែ បងប្អូន ប្រជាជនខ្មែរទាំងអស់គ្នា» នេះ ជាការចាប់ផ្ដើម នៅក្នុងសារដំបូងនោះ របស់លោកឯកអគ្គរដ្ឋទូតថ្មី ដែលត្រូវបានយកមកបង្ហោះ នៅលើទំព័ររបស់ស្ថានទូត នៅលើបណ្ដាញសង្គម។ បន្ទាប់ពីរៀបរាប់ត្រួសៗ អំពីបទពិសោធន៍ការងាររបស់លោក ក្នុងវិស័យមនុស្សធម៌ និងការទូតដ៏ក្រាស់ក្រែលរួច លោក មរហ្វី ...

មេដឹកនាំប្រឆាំង លោក សម រង្ស៊ី បានថ្លែងតបពីរដ្ឋធានី ប៉ារីស ប្រទេសបារាំងថា ទង្វើរបស់លោក ហ៊ុន សែន ជុំវិញការបញ្ជូនដីកាតុលាការកម្ពុជា ទៅកាន់បណ្ដាប្រទេសអាស៊ាន ឲ្យចាប់ខ្លួនលោកនោះ ជាទង្វើរបស់មនុស្ស«ល្ងង់» ដោយហេតុថា ដីកាតុលាការកម្ពុជា គ្មាន​ឥទ្ធិពលអ្វីលើ​លោកទេ ខណៈលោកកាន់លិខិតឆ្លងដែនបារាំង។ លោក សម រង្ស៊ី បានថ្លែងដូច្នេះ ដើម្បីតបទៅនឹងការលើកឡើង របស់លោកនាយករដ្ឋមន្ត្រី ហ៊ុន សែន ដែលបានថ្លែងនៅចំពោះនាយករដ្ឋមន្ត្រីឡាវ កាលពីថ្ងៃព្រហស្បត្តិ៍ម្សិលម៉ិញថា ​លោក សម រង្ស៊ី ដែលប្រកាសវិលចូលកម្ពុជា នៅថ្ងៃទី៩ ខែវិច្ឆិកាខាងមុខ និងអាចតាម​រយៈ​ប្រទេស​ឡាវនោះ ថា​​ជា​រឿងមិនអាច​ទៅ​រួច។ ...

សហរដ្ឋអាមរិកបានបន្តជំរុញ ទៅរបបដឹកនាំឯកបក្ស នៅក្នុងប្រទេសកម្ពុជា ឲ្យស្ដារលទ្ធិប្រជាធិបតេយ្យឡើងវិញ ដោយរាប់បញ្ចូល ទាំងការ«ដោះលែង»ប្រធានគណបក្សប្រឆាំង លោក កឹម សុខា ដែលត្រូវបានដាក់ឲ្យជាប់ឃុំ នៅក្នុងពន្ធនាគារ និងប្ដូរមកក្នុងគេហដ្ឋាន តាំងពីជាង២ឆ្នាំ និងអនុញ្ញាតឲ្យសង្គមស៊ីវិល ក៏ដូចជាសារព័ត៌មានឯករាជ្យ ឲ្យមានដំណើរការឡើងវិញ ដោយគ្មានការគំរាមកំហែង។ អ្នកនាំពាក្យ​ក្រសួងការបរទេស​អាមេរិក អ្នកស្រី ម័រហ្គិន អ៊ថាហ្គឹះស៍ (Morgan Ortagus) បានថ្លែងអះអាងជាថ្មី ពីជំហររបស់ប្រទេសមហាអំណាច ចំពោះសំនុំរឿងមួយនេះ តាមរយៈវីដេអូមួយ ដែលត្រូវបានយកមកបង្ហោះ នៅលើ​ទំព័រហ្វេ​ស​ប៊ុ​ក នៃ​ស្ថានទូត​អាមេរិក​ប្រចាំ​កម្ពុជា ក្នុងឱកាសខួបពីរឆ្នាំ នៃការឃុំឃាំងលើមេដឹកនាំគណបក្សប្រឆាំង។ អ្នកស្រីបានគូសបញ្ជាក់ថា ការ​ចោទប្រកាន់លើ​លោក កឹម ...

កឹម សុខា – សម រង្ស៊ី – ប្រធានគណបក្សសង្គ្រោះជាតិ លោក កឹម សុខា បានយកឱកាសនៃខួបលើកទី២ នៃការចាប់ខ្លួនលោក ដោយរដ្ឋអំណាច របស់លោក ហ៊ុន សែន ដើម្បីបញ្ជាក់ថា លោក«មិនមែនល្ងង់» បង្កឲ្យមានការចាប់ខ្លួនមួយ ដែលលោកថាពោរពេញ ដោយការឈឺចាប់នោះឡើយ។ បើទោះជាមិនចេញឈ្មោះ ក៏សាររបស់មេដឹកនាំប្រឆាំងរូបនេះ ត្រូវបានគេមើលឃើញថា ជាសារឆ្លើយតប ត្រឡប់ទៅលោក សម រង្ស៊ី ដៃគូនយោបាយ ក្នុងគណបក្សតែមួយ ដែលបានថ្លែងតាមប្រព័ន្ធផ្សព្វផ្សាយ ថាលោក«មិនមែនល្ងង់» វិលត្រឡប់ចូលប្រទេសកម្ពុជាវិញ ដើម្បីឲ្យអាជ្ញាធរលោក ហ៊ុន ...