«ម្ឈូសបុរាណ​ធ្វើពី​សំណ»មួយ ដែលមានវ័យចំណាស់ ទំនងតាំងពីសតវត្សទី១៤ ត្រូវបានកាយរកឃើញ នៅក្រោមព្រះវិហារ«Notre-Dame» នៃរដ្ឋធានីប៉ារីស ប្រទេសបារាំង។ នៅក្នុងរណ្ដៅកំណាយ នៅកណ្ដាលព្រះវិហារ ក្រុមអ្នកបុរាណវិទូនៅបាន​រកឃើញ​វត្ថុបុរាណ ជាច្រើនផ្សេងទៀត ដែលមានទម្រង់ជាសំណល់សាកសព តែអ្វីដែលគួរឲ្យកត់សម្គាល់ជាងគេ គឺ«ម្ឈូសបុរាណ​ធ្វើពី​សំណ»នេះតែម្ដង។

កំណាយរបស់ក្រុមអ្នកបុរាណវិទូ គឺជាផ្នែកមួយ នៃការជួសជុលឡើងវិញ នូវព្រះវិហារដ៏ល្បីមួយនេះ ដែលត្រូវបានអគ្គិភ័យលេបត្របាក់អស់មួយភាគ កាលពីខែមេសា ឆ្នាំ២០១៩។

សម្រាប់ក្រសួងវប្បធម៌បារាំង បានឲ្យដឹងថា ការកាយរកឃើញនូវវត្ថុបុរាណទាំងនេះ គឺ«គុណតម្លៃមានលក្ខណៈវិទ្យាសាស្ត្រ ដ៏គួរឲ្យកត់សម្គាល់»។ ជាពិសេស គឺការរកឃើញនូវម្ឈូសបុរាណធ្វើពីសំណ ដោយរក្សាបាននូវរូបរាងដើមទាំងស្រុង របស់វា។ ក្រសួងបញ្ជាក់ទៀតថា ម្ឈូសបុរាណមួយនេះ ទំនងជាបានខ្ចប់សពឥស្សរជនជាន់ខ្ពស់ណាម្នាក់ តាំងពីសតវត្សទី១៤។

ក្នុងថ្ងៃអង្គារទី១៥ ខែមីនា ឆ្នាំ២០២២នេះ អ្នកស្រី«Roselyne Bachelot» រដ្ឋមន្ត្រីក្រសួងវប្បធម៌ ដែលបានចុះទៅមើលផ្ទាល់ ដល់រណ្ដៅកំណាយបានលើកឡើង អំពី«វិញ្ញាសារផ្នែកបច្ចេកវិទ្យាដ៏អស្ចារ្យ» ដែលក្រុមអ្នកធ្វើកំណាយ បានរកឃើញបុរាណវត្ថុទាំងនេះ៕



You may also like

ដំណឹង

អគ្គិភ័យ Notre-Dame៖ ការសង្ស័យ​ព្រហ្មទណ្ឌ ត្រូវបានទម្លាក់ចោល

ការសង្ស័យផ្នែកព្រហ្មទណ្ឌ ដែលនិយាយពីទង្វើឧក្រិដ្ឋ នៅពីក្រោយ«អគ្គិភ័យ» ឆេះកម្ទេចដំបូលព្រះវិហារ «Notre-Dame» នៃរដ្ឋធានីប៉ារីស កាលពីថ្ងៃទី១៥ ខែមេសាកន្លងទៅ ត្រូវបានស្ថាប័នអយ្យការទម្លាក់ចោល និងមិនត្រូវបានយកមកស្រាវជ្រាវទៀតទេ។ ស្ថាប័នអយ្យការនៃរដ្ឋធានីប៉ារីស ដែលជំនាញខាងការស៊ើបអង្កេត សំនុំរឿងឧក្រិដ្ឋកម្មធំៗ ...
ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
កំសាន្ដ

Covid-19៖ ម៉ាស់​និង​ស្រោមដៃ កំពុង​បំពុល​ទឹកសមុទ្រ​មេឌីទេរ៉ាណេ

ម៉ាស់​និង​ស្រោមដៃ ដែលជាឧបករណ៍ពេទ្យ​ដ៏សំខាន់ ក្នុងការព្យាបាល ឬថែរក្សាអ្នកជំងឺ «Covid-19» ត្រូវបានប្រទះឃើញជាច្រើន នៅក្នុងទឹកសមុទ្រ មេឌីទែរ៉ាណេ។ ក្រុមអ្នក​ស្រឡាញ់​ធម្មជាតិ មកពីសមាគម «Opération Mer Propre ...

Comments are closed.

គំនូរ ចម្លាក់

«អាថ៌កំបាំង» នៃប្រអប់ពីរ៉ាមីដ របស់​សារមន្ទីរ​លូវ្រ៍ រដ្ឋធានី​ប៉ារីស