ដើម្បីចូលរួមខួបទី៣០ នៃការសាងសង់កោនកញ្ចក់ កណ្តាលសារមន្ទីរលូវ្រ៍ (Louvre) របស់រដ្ឋធានីប៉ារីស វិចិត្រករ «JR Art» បានបង្កើតស្នាដៃ ដ៏អស្ចារ្យមួយនេះឡើង។ ផ្ទាំងរូបភាព បែប «3D» ដ៏ធំសម្បើម ត្រូវបានយកទៅបិតផ្ទាល់ ពីលើទីលាន «Napoléon» ដែលនៅជុំវិញកោនកញ្ចក់ នៃប្រអប់ពីរ៉ាមីដ ។
ស្នាដៃនេះ មានឈ្មោះថា «អាថ៌កំបាំងនៃប្រអប់ពីរ៉ាមីដដ៏មហិមា»។ ផ្ទាំងរូបភាពទាំងអស់ នឹងត្រូវបិតពីលើផ្ទៃដី ១៧០០០ម៉ែត្រការ៉េ សឹងតែពេញមួយទីលាន។ អ្នកស្ម័គ្រចិត្តប្រមាណជា ៤០០នាក់ បានចូលរួមក្នុងគម្រោងនេះ។
![](https://pbs.twimg.com/media/D23AcQDWoAA5qWI.jpg:large)
កោនកញ្ចក់ នៃសារមន្ទីរលូវ្រ៍ បានធ្វើខួបទី៣០របស់ខ្លួន កាលពីថ្ងៃសុក្រទី២៩ ខែមិនា ឆ្នាំ២០១៩កន្លងមក ហើយស្នាដៃរបស់វិចិត្រករ «JR Art» នឹងបន្តដាក់ជូនសាធារណជនទស្សនា ឬដើរជាន់ពីលើ រហូតដល់យប់ថ្ងៃអាទិត្យម្សិលម៉ិញ៕
![](https://pbs.twimg.com/media/D25KBHCWoAAdJ54.jpg:large)
![](https://pbs.twimg.com/media/D2-28muXgAAsYgV.jpg:large)
![](https://pbs.twimg.com/media/D3AqrBCX0AE4lAz.jpg:large)
(រូបភាពដោយវិចិត្រករ)