ដំណឹងបារាំង

អាជ្ញាធរបារាំង​តាមប្រមាញ់​«ជនជិះកង់» ក្នុង​ការបំផ្ទុះ​គ្រាប់បែក​បង្កៃ​នៅលីយ៉ុង

អាជ្ញាធរបារាំង​កំពុងតាមប្រមាញ់​«ជនជិះកង់»​ម្នាក់ យ៉ាងសកម្ម​បំផុត។ ជនម្នាក់នេះ ទំនងជាប់សង្ស័យ នៅក្នុងហេតុការណ៍បំផ្ទុះកញ្ចប់ផ្លុងចោល នៅខាងមុខហាងនំប៉័ង កណ្ដាលក្រុងលីយ៉ុង (ភាគខាងត្បូង) កាលពីថ្ងៃសុក្រសប្ដាហ៍មុន។

រហូតមកដល់ម៉ោងនេះ ការបំផ្ទុះ ដែលបង្ករបួសដល់មនុស្សច្រើននាក់ មិនមានក្រុមណាមួយចេញមុខ មកទទួលខុសត្រូវទេ។

កាលពីល្ងាចថ្ងៃសៅរ៍ នគរបាលជាតិបារាំង បានបញ្ចេញរូបភាពថ្មីៗទៀត អំពីជនសង្ស័យខាងលើ ដែលមានអាយុប្រមាណជាង៣០ឆ្នាំ និងដែលត្រូវបានថតជាប់ ដោយកាម៉េរ៉ាសុវត្ថិភាព ឃើញបានយកស្បោង – ទំនងជាផ្ទុកដោយគ្រាប់បែកបង្កៃ – ទៅដាក់នៅទីកន្លែងកើតហេតុ។

ប្រភពពីអ្នកស៊ើបអង្កេត បានឲ្យដឹងថា ស្លាកស្នាម «ADN» ត្រូវបានរកឃើញនៅលើកញ្ចប់ផ្លុងចោលនោះ ប៉ុន្តែនៅមិនទាន់​ស្គាល់​អត្តសញ្ញាណ ពីម្ចាស់«ADN»នេះ​នៅឡើយ។ រីឯគ្រាប់បែកបំផ្ទុះនោះ ឆ្នៃឡើងដោយដៃ និងមានកម្លាំងខ្សោយ។

កាលពីរសៀលថ្ងៃសៅរ៍ បណ្ដាជនអ្នករស់នៅ និងអ្នករកទទួលទាន នៅតាមបណ្ដោយផ្លូវដែលកើតហេតុ បានជួបជុំគ្នា ដើម្បីបង្ហាញកម្លាំងរួមគ្នា ប្រាប់ទៅជនប្រព្រឹត្តិថា ទង្វើដ៏កំសាក ដូចយ៉ាងការបង្កៃគ្រាប់បែកនេះ នឹងមិនធ្វើឲ្យពួកគេក្លបខ្លាច ឬប្ដូរទម្លាប់នោះទេ។

បើតាមតុល្យភាពចុងក្រោយ នៅក្នុងហេតុការណ៍នោះ បានបង្ហាញថា មនុស្ស១៣នាក់បានរងរបួសស្រាល ក្នុងនោះ៩នាក់ជាស្ត្រី ដោយមានម្នាក់ ជាកុមារីអាយុ១០ឆ្នាំ។ មនុស្សរងរបួស១១នាក់ ត្រូវបានបញ្ជូនទៅសម្រាកព្យាបាល នៅឯមន្ទីរពេទ្យ។

បើតាមរូបភាពដែលផ្ដល់ដោយអាជ្ញាធរ បញ្ជាក់ថា ជនជិះកង់​ពាក់អាវពណ៌បៃតងចាស់ ស្លៀកខោខ្លីត្រឹមជង្គង់ពណ៌ស និងមានសាកាដូ​នៅពីក្រោយខ្នង។ អាជ្ញាធរក្រុងលីយ៉ុង បានប្រកាសពង្រឹងសន្តិសុខ ក្នុងចុងសប្ដាហ៍នេះ និងបានប្រកាសថា នឹងប្រើគ្រប់មធ្យោបាយ ដើម្បីតាមស្វែងរកជនសង្ស័យនោះ មកផ្ដន្ទាទោស។

មកដល់ម៉ោងនេះ រដ្ឋាភិបាលបារាំងនៅមិនទាន់សន្និដ្ឋានថា ទង្វើខាងលើជាអំពើភេរវកម្មនៅឡើយ៕



You may also like

ដំណឹង

បារាំង​បើក​ការ​ប្រកួត​ជា​អន្តរជាតិ​គម្រោងសង់​«កំពូល Notre-Dame»

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានប្រកាសក្នុងថ្ងៃពុធនេះ អំពីការបើកប្រកួតប្រជែង ជាលក្ខណៈអន្តរជាតិ នូវគម្រោងស្ថាបត្យកម្ម ដើម្បីសង់«កំពូល»ចុងស្រួច នៃព្រះវិហារ «Notre-Dame» ...
បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
ដំណឹង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។ ហេតុការណ៍បានកើតឡើង ...
ដំណឹង

កម្ពុជា​ថ្កោលទោស​ភេរវកម្ម​បំផ្ទុះ​គ្រាប់បែក នៅ​ស្រីលង្កា

ប្រទេសកម្ពុជាតាមរយៈក្រសួងការបរទេស​ បានចេញសេចក្ដីថ្លែងការណ៍ ដែលទើបទទួលបានក្នុងថ្ងៃនេះ ថ្កោលទោសអំពើភេរវកម្ម ដោយការបំផ្ទុះគ្រាប់បែកច្រើនកន្លែង នៅ​ស្រីលង្កា កាលពីម្សិលម៉ិញ។ សេចក្ដីថ្លែងការណ៍របស់របបក្រុងភ្នំពេញ ដែលបានចុះថ្ងៃខែ នៅថ្ងៃទី២១ ខែមេសា បានឲ្យដឹងថា កម្ពុជាថ្កោលទោសយ៉ាងខ្លាំងក្លា ...

Comments are closed.

ដំណឹង

ដូណាល់ ត្រាំ អាចនឹងត្រូវ​ហាមឃាត់ ការឈរឈ្មោះ​ជាប្រធានាធិបតី

ដំណឹង

យន្ដហោះ«Boeing 737 MAX»នឹង«ហោះហើរ​ជាថ្មី»នៅអ៊ឺរ៉ុប

នៅសប្ដាហ៍ខាងមុខ ភ្នាក់ងារអ៊ឺរ៉ុបទទួលបន្ទុកសន្តិសុខ នៃការហោះហើរ ហៅកាត់ថា «EASA» នឹងអនុញ្ញាត​ឲ្យយន្ដហោះ «Boeing 737 MAX» ហោះហើរ​ជាថ្មី នៅក្នុងលំហរមេឃ នៃសហភាពអ៊ឺរ៉ុប បន្ទាប់ពីយន្ដហោះប្រភេទនេះ ...
ដំណឹង

ចេញវីសេតវិមាន ត្រាំ ត្រឡប់​ទៅរស់នៅ​ក្នុងភូមិគ្រឹះ «Mar-a-Lago»

គឺនៅក្នុងភូមិគ្រឹះដ៏ស្កឹមស្កៃ «Mar-a-Lago» ដែលស្ថិតនៅឆ្នេរខាងកើត ឈ្មោះ«Palm Beach» នៃរដ្ឋផ្លរីដា ដែលលោក ដូណាល់ ត្រាំ (Donald Trump) ប្រធានាធិតីទី៤៥ នៃសហរដ្ឋអាមេរិក ...