ដំណឹងបារាំង

បារាំង៖ នាយករដ្ឋមន្ត្រីថ្មី បានផ្ដល់​បទសម្ភាស​ដំបូង និយាយ​ពីអ្វីខ្លះ?

បន្ទាប់ពីបានចូលកាន់តំណែង បានប៉ុន្មានម៉ោង លោកនាយករដ្ឋមន្ត្រី ហ្សង់ កាស្តិក (Jean Castex) បានផ្ដល់​បទសម្ភាស​ដំបូង តាមកញ្ចក់ទូរទស្សន៍ «TF1» កាលពីមុន​នេះ​បន្តិច។ តើនាយករដ្ឋមន្ត្រីថ្មីថ្មោង របស់ប្រទេសបារាំង និយាយ​ពីអ្វីខ្លះ នៅក្នុងកិច្ច​សន្ទនា​នោះ?

បើកឲ្យមានការពិគ្រោះយោបល់ ជាទូទៅ

លោក កាស្តិក បានថ្លែងថា កិច្ចការរបស់លោក នៅចំពោះមុខ ក្នុងតំណែង​ជាប្រមុខ​រដ្ឋាភិបាល គឺ«ផែនការ​ឲ្យប្រទេស ងើបដើរឡើងវិញ» បន្ទាប់រងការបំបាក់ ដោយវិបត្តិ «Covid-19»។ លោកបានរៀបរាប់ ពីវិធីសាស្ត្រ ដែលលោកត្រៀមយកមកប្រើ ដូច្នេះថា៖

«ខ្ញុំចង់បើកឲ្យមាន នូវការពិគ្រោះយោបល់ កិច្ចពិភាក្សា ជាមួយដៃគូសង្គម​ទាំងឡាយ ដើម្បីនាំ​ពួកគេ ឲ្យចូលក្នុង​ការស្វែង​រក​ដំណោះស្រាយ និងធ្វើកិច្ចការ​ទាំងអស់គ្នា ក្នុង​”កញ្ចប់​ដំណោះស្រាយ​​សង្គមថ្មី”​មួយ។»

បរិស្ថានកិច្ច មិនមែនជាជម្រើស

នៅចំពោះការខកចិត្ត របស់អ្នកនិយមបរិស្ថាន (ឆ្វេងនិយម) លោក ហ្សង់ កាស្តិក បាន​ធ្វើការ​ធានា​អះអាងថា វិស័យមួយនេះ មិនមែនជាជម្រើស ដែលគេអាចរើស ឬមិនរើស​យក នោះឡើយ។ លោកថា៖

«វិស័យនេះ ជាបេះដូងនៃអាទិភាពជាច្រើន ដែលលោកប្រធានាធិបតី បានចាត់​ឲ្យខ្ញុំ​ទទួល​បន្ទុក ក្នុងការស្វែងរកដំណោះស្រាយ។»

សុន្ទរកថាពីគោលនយោបាយ នឹងធ្វើនៅសប្ដាហ៍ក្រោយ

បន្ទាប់ពី បានផ្ដល់​បទសម្ភាស​ដំបូង តាមកញ្ចក់ទូរទស្សន៍ ក្នុងយប់ថ្ងៃនេះ ប្រមុខ​រដ្ឋាភិបាល អាយុ៥៥ឆ្នាំ បានបញ្ជាក់ថា លោកចង់ធ្វើកិច្ចការរបស់លោក ឲ្យបាន​លឿន ​តាមតែអាចធ្វើបាន ជាពិសេសលោក នឹងធ្វើសុន្ទរកថា ទៅកាន់ប្រជាជាតិ ពីគោល​នយោបាយនៃរដ្ឋាភិបាលលោក នៅពាក់កណ្ដាល​សប្ដាហ៍ក្រោយ។

លោកបញ្ជាក់ទៀតថា លោកនឹងធ្វើអ្វីៗគ្រប់យ៉ាង ដើម្បីឲ្យគណៈរដ្ឋមន្ត្រីមួយថ្មី ចេញជា​រូបរាង យូរបំផុត​នៅ​ថ្ងៃចន្ទ ដើមសប្ដាហ៍នេះ។

«អ្នកនិយមឌឺហ្គោល ដែលនិយមសង្គមកិច្ច»

ឆ្លើយនឹងសំណួរ​ដែលចង់ដឹងពី បុគ្គលិកលក្ខណៈ និងគោលជំហរ​របស់លោក នាយករដ្ឋមន្ត្រី​​ថ្មីថ្មោង បានប្រកាសខ្លួន ជា«អ្នកនិយមឌឺហ្គោល ដែលនិយមសង្គមកិច្ច (Gaulliste social)​ ដោយមិនបាន​លាក់បាំង​សោះឡើយ អំពីនិន្នាការនិយមស្ដាំ របស់លោក។ លោក កាស្តិក បញ្ជាក់ថា៖

«ជាជំហរនយោបាយ គឺខ្ញុំមាននិន្នាការស្ដាំ ហើយខ្ញុំទទួលស្គាល់ ពីនិន្នាការនេះទាំងស្រុង។»

លោកបានបន្ថែម អំពីគុណតម្លៃរបស់លោក រួមមាន៖

«ការទទួលខុសត្រូវ ព្រោះគេមិនត្រូវទន្ទឹង ឲ្យរដ្ឋធ្វើអ្វីៗគ្រប់យ៉ាង សម្រាប់ខ្លួននោះទេ – ការមិនពាក់ព័ន្ធ​នឹងសាសនា ព្រោះខ្ញុំមិនអាចទទួលយកបានទេ នូវការដាក់ខ្លួន ពីលើ​ច្បាប់ ដូចជានិន្នាការសហគមនិយម ផ្ដាច់ខ្លួនមួយចំនួន  និងចុងក្រោយ គឺសិទ្ធិអំណាច ដែលជាឆ្មាំថែរក្សា ចំពោះសេរីភាពជាមូលដ្ឋាន របស់សាធារណរដ្ឋបារាំង៕»



លំអិតបន្ថែមទៀត

ដំណឹង

ផ្ទុះ​ការប៉ះទង្គិច​ ក្នុង​រលក​ទី៨នៃ​បាតុកម្ម​អាវកាក់​លឿង នៅ​ប៉ារីស

ការប៉ះទង្គិចគ្នាជាថ្មី រវាងកងកម្លាំងអាជ្ញាធរ និងក្រុមបាតុករ អាវកាក់លឿង បានកើតមានឡើង នារសៀលថ្ងៃសៅរ៍ ទី៥ ខែមករា ឆ្នាំ២០១៩នេះ ក្នុងរដ្ឋធានីប៉ារីស ប្រទេសបារាំង។ នៅជាច្រើនក្រុងធំៗ នៃប្រទេសបារាំង ...
ដំណឹង

បារាំង​បើក​ការ​ប្រកួត​ជា​អន្តរជាតិ​គម្រោងសង់​«កំពូល Notre-Dame»

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានប្រកាសក្នុងថ្ងៃពុធនេះ អំពីការបើកប្រកួតប្រជែង ជាលក្ខណៈអន្តរជាតិ នូវគម្រោងស្ថាបត្យកម្ម ដើម្បីសង់«កំពូល»ចុងស្រួច នៃព្រះវិហារ «Notre-Dame» ...
ដំណឹង

Covid-19៖ បារាំងបិទ​គ្រឹះស្ថានសិក្សា លើ​ផ្ទៃ​ប្រទេស និងព្រមាន​បិទព្រំដែន

ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានថ្លែងទៅកាន់ប្រជាជាតិ លើ​ផ្ទៃ​ប្រទេស អំពីវិធានការ «បន្ទាន់» មួយចំនួន ជាពិសេសការបិទគ្រឹះស្ថានសិក្សា​ទាំងអស់ ដើម្បីទប់ស្កាត់ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...