ដំណឹងបារាំង

ចាក់មនុស្សនៅលីយ៉ុង៖ ជនសង្ស័យ​ថាបាន​ទទួល​បញ្ជា​ពី​«សម្លេងអរូបី»

ជនសង្ស័យកាន់កាំបិត ដើរចាក់មនុស្ស ក្នុងក្រុង វីឡឺបាន (Villeurbanne – ជាយក្រុង លីយ៉ុង ភាគខាងត្បូងបារាំង) បានឆ្លើយប្រាប់អ្នកស៊ើបអង្កេត ថានៅពេលកើតហេតុនោះ ខ្លួនបានស្ដាប់ឮ«សម្លេងអរូបី» ដែលបញ្ជាឲ្យសម្លាប់មនុស្ស។

ហេតុការណ៍បានកើតឡើង កាលពីថ្ងៃសៅរ៍ ទី៣១ ខែសីហាម្សិលមិញ វេលារសៀល ម៉ោងប្រមាណជាង១៦។ ប្រដាប់ដោយកាំបិតមួយ នៅក្នុងដៃ ជនសង្ស័យបានធ្វើសកម្មភាព ដើរចាក់មនុស្ស ពីម្នាក់បន្តទៅម្នាក់ នៅខាងមុខស្ថានីយរថភ្លើង «Laurent Bonnevay»។ ជនរងគ្រោះម្នាក់ បានស្លាប់ និង៨នាក់ផ្សេងទៀត បានរងរបួស (ក្នុងនោះ បីនាក់របួសធ្ងន់)។

លោក «Nicolas Jacquet» រដ្ឋអាជ្ញានៃសាធារណរដ្ឋបារាំង ប្រចាំនៅក្រុង លីយ៉ុង បានលើកយកចម្លើយសារភាព របស់ជនសង្ស័យ មកបញ្ជាក់ក្នុងសន្និសីទសារព័ត៌មាន នារសៀលថ្ងៃទី១ ខែកញ្ញានេះ ដោយអះអាងថា ជនសង្ស័យកំពុងស្ថិត ក្រោមការត្រួតពិនិត្យ ផ្នែករោគចិត្ត ពីសំណាក់អ្នកជំនាញ។

លោករដ្ឋអាជ្ញាថា ជនសង្ស័យដែលគេស្គាល់ថា ជាជនជាតិអាហ្វហ្គានីស្តង់ អាយុជាង៣០ឆ្នាំ បានទទួលស្គាល់ទង្វើខ្លួនមួយភាគ និងបានថ្លែងទម្លាក់កំហុស ទៅលើ«សម្លេងអរូបី» ដែលបុរសរូបនេះអះអាងថា បានស្ដាប់ឮ។

លោក «Nicolas Jacquet» ថ្លែងថា៖

«ការលើកឡើង របស់ជនសង្ស័យ មានលក្ខណៈមិនគួរឲ្យជឿ និងមិនទំនង ដោយអះអាងថា ខ្លួនបានស្ដាប់ឮសម្លេងអរូបិ ដែលជេរប្រមាថ ដល់ព្រះជាម្ចាស់ និងបញ្ជាឲ្យខ្លួន ត្រូវសម្លាប់មនុស្ស។»

លោករដ្ឋអាជ្ញាបន្តថា អ្នកស៊ើបអង្កេតបានរកឃើញថា នៅមុនធ្វើសកម្មភាព ជនសង្ស័យបានស្ថិតក្រោមឥទ្ធិពល នៃសារធាតុញៀនស្រវឹង​យ៉ាងក្រាស់ក្រែល (ជក់កញ្ឆា)។ លោកបានស្រងសំដីជនសង្ស័យ មកបញ្ជាក់បន្តថា៖

«ជននេះបានគិតទៀតថា ខ្លួនបានស្គាល់ជនរងគ្រោះដំបូងគេម្នាក់ ដែលជនសង្ស័យថា ធ្លាប់មានរឿងរ៉ាវជាមួយ កាលពីពេលខ្លួនរស់នៅ ក្នុងប្រទេសអង់គ្លេស ពីប៉ុន្មានឆ្នាំមុន។»

អាជ្ញាធរបានរកឃើញថា ជនសង្ស័យមានអត្តសញ្ញាណចំនួនពីរ និងមានថ្ងៃខែឆ្នាំកំណើតចំនួន៣ ដែលធ្វើឲ្យជននេះមានអាយុ ៣៣ឆ្នាំ​ ៣១ឆ្នាំ និង២៧ឆ្នាំ។ បុរសជាតិអាហ្វហ្គានីស្ដង់ បានចូលមកប្រទេសបារាំង កាលពីវ័យជំទង់ម្ដងហើយ និងបានត្រឡប់ចូលមករស់នៅ សារជាថ្មី ចាប់ពីខែមិថុនា ឆ្នាំ២០១៦ រហូតមកដល់បច្ចុប្បន្ន៕



លំអិតបន្ថែមទៀត

ដំណឹង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។ តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ ...
លោក អេម៉ានុយអែល ម៉ាក្រុង ប្រធានាធិបតីបារាំង នៅក្នុងវិមានប្រធានាធិបតី។ (រូបថតលើទ្វីសធើរ)
ដំណឹង

Covid-19៖ បារាំងប្រកាស​ដាក់តំបន់​មួយចំនួន ក្នុង​ភាពអាសន្នវិញ

ចាប់ពីថ្ងៃសៅរ៍ខាងមុខនេះ រហូតដល់យ៉ាងតិច ៤សប្ដាហ៍ខាងមុខ តំបន់មួយចំនួន នៃប្រទេសបារាំង ត្រូវបានដាក់ ក្នុង​ភាពអាសន្នវិញ ដោយបិទការធ្វើដំណើរ រវាងពីម៉ោង​៩យប់ រហូតដល់ម៉ោង៦ភ្លឺ។ ប្រធានាធិបតីបារាំង លោក អេម៉ានុយអែល ...
ដំណឹង

ត្រាំ ព្រមានថា «ការគម្រាម»​របស់​​អៀរ៉ង នឹង​ត្រឡប់​មករក​អៀរ៉ង់​ខ្លួនឯង​វិញ

ប្រធានាធិបតីអាមេរិក លោក ដូណាល់ ត្រាំ (Donald Trump) បានបញ្ចេញសារព្រមានប្រទេសអៀរ៉ង់ថា «ការគម្រាម»ទាំងឡាយ ដែលប្រទេសនេះកំពុងធ្វើ នឹងវិលត្រឡប់ មករកប្រទេសអៀរ៉ង់ខ្លួនឯងវិញ យ៉ាងអាណោចអាធ័ម មិនដែលធ្លាប់មាន ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...