វប្បធម៌ និងជីវិតស្នេហា

ប្រយោគ​សំខាន់ៗ ដែល​អ្នក​ត្រូវ​រំឭក​ខ្លួនឯង​ពេល​ដែល​ស្នេហា​បែកបាក់

ពេលខូចចិត្តព្រោះរឿងស្នេហា ឬការដែលត្រូវបានគេក្បត់ ឬការបែកបាក់គ្នា ដោយហេតុផលណាមួយក៏ដោយ សុទ្ធតែធ្វើឱ្យយើងឈឺចាប់។ ពេលអារម្មណ៍ឈឺចាប់កើតឡើង គំនិតអវិជ្ជមានជាច្រើន ក៏លេចឡើងដូចគ្នា ដែលបុគ្គលចាប់ផ្តើមបន្ទោសខ្លួនឯង ឬមើលឃើញថាខ្លួនអន់ ខ្លួនមិនល្អគ្រប់គ្រាន់ ទើបគេមិនស្រលាញ់ ឬមិនអាចស្មោះ។

ទោះបីជាយ៉ាងណាក៏ដោយ កាលណា យើងបណ្តោយឱ្យអារម្មណ៍ ឬការគិតមិនល្អ ចូលមកក្នុងខួរក្បាលយើងច្រើនពេក យើងក៏កាន់តែពិបាកទាញខ្លួនឯង ឱ្យក្រោកឈរឡើងវិញដែរ។ ហើយបើអ្នកគិតថា មិនចង់ចែករំលែករឿងខូចចិត្តនេះ ជាមួយនរណាទេ អ្នកអាចជួយខ្លួនឯងបាន ដើម្បីបំបាត់នូវគំនិតអវិជ្ជមាន ដោយប្តូរ ទៅជាការលើកទឹកចិត្តខ្លួនឯងវិញ។

ខាងក្រោមនេះ គឺជាឃ្លាប្រយោគ ដែលជួយអ្នកឱ្យមើលឃើញពីគុណតម្លៃរបស់ខ្លួនឡើងវិញ៖

១. ខ្ញុំមិនមែនជាមនុស្សឯកាទេ មានមនុស្សជាច្រើន កំពុងលើកទឹកចិត្តខ្ញុំ និងចង់ឃើញខ្ញុំញញឹម។

២. ហេតុអ្វីត្រូវខ្វល់ ពីមនុស្សតែម្នាក់ ដែលមិនស្រលាញ់ខ្ញុំ បើខ្ញុំមានមនុស្សជាច្រើនទៀត ដែលយកចិត្តទុកដាក់ចំពោះខ្ញុំ។

៣. បើគេមើលមិនឃើញពីតម្លៃ ដែលយើងផ្តល់ឱ្យគេ យើងគួរយកតម្លៃនោះ ទៅប្រគល់ឱ្យអ្នកផ្សេង ដែលមើលឃើញ និងឱ្យតម្លៃវា។

៤. ការឈឺចាប់នេះ នឹងបាត់ទៅវិញ ព្រោះខ្ញុំកំពុងជួយខ្លួនឯង ឱ្យរឹងមាំ

៥. ទោះខ្ញុំបន្តខូចចិត្ត ក៏អ្នកដែលធ្វើឱ្យខ្ញុំខូចចិត្ត មិនអើពើជាមួយខ្ញុំដែរ ដូច្នេះ ខ្ញុំត្រូវតែជួយខ្លួនឯង កុំឱ្យខូចចិត្តទៀត

៦. ខ្ញុំបាត់បង់គេនៅពេលនេះ វាល្អជាងបាត់បង់គេ នៅពេលក្រោយ ព្រោះវាមិនធ្វើឱ្យខាតពេលវេលា នៅថ្ងៃមុខរបស់ខ្ញុំ

៧. ការបាត់បង់គេ ជាឱកាសដែលធ្វើឱ្យខ្ញុំ អាចរកមើលអ្នកផ្សេង ដែលល្អជាងគេ។

៨. គេមិនទាន់ក្លាយជាមនុស្សចុងក្រោយ របស់ខ្ញុំនោះទេ ដូច្នេះ អ្នកចុងក្រោយ ត្រូវតែជាមនុស្ស ដែលមិនធ្វើឱ្យខ្ញុំខូចចិត្ត។

៩. ទឹកភ្នែករបស់ខ្ញុំយំ មិនគួរយំ ដើម្បីមនុស្សដែលមិនត្រូវការខ្ញុំនោះទេ។

១០. ពេលវេលាដែលខ្ញុំចំណាយលើមនុស្សខុស វាជាមេរៀនសម្រាប់ខ្ញុំ ឱ្យពិនិត្យឱ្យបានច្បាស់ កុំឱ្យរើសខុសទៀត

១១. កុំខូចចិត្តយូរពេក ខ្ញុំត្រូវទុកពេលវេលាដែលមានតម្លៃ ដើម្បីពង្រឹងខ្លួនឯងឱ្យរឹងមាំឡើងវិញ។

១២. ខ្ញុំយំ គេសើច វាអយុត្តិធម៌ពេកហើយ។ ដូច្នេះ ខ្ញុំក៏ត្រូវតែសើចដែរ ព្រោះសប្បាយចិត្តដែលភ្លឺភ្នែកពេលដឹងថាគេមិនសាកសមសម្រាប់ខ្ញុំ។

១៣. ខ្ជះខ្ជាយពេលវេលាលើមនុស្សខុសហើយ ហេតុអីខ្ញុំត្រូវខ្ជះខ្ជាយពេលវេលាមកអង្គុយខូចចិត្តទៀត។ ដល់ពេលដែលត្រូវរឹងមាំឡើងវិញហើយ។

១៤. ស្នេហា មិនមែនជារឿងអាទិភាព ដែលត្រូវយកមកដាក់ នៅលំដាប់ទីមួយទេ។ អ្វីដែលត្រូវគិតនៅពេលនេះ គឺចំណាយពេលជាមួយគ្រួសារ និងការងារ ឱ្យបានល្អ។

១៥. ស៊ូឡើងណា! ខ្ញុំត្រូវតែរឹងមាំ ដើម្បីមនុស្សជាច្រើនទៀត ដែលស្រលាញ់ខ្ញុំ។ កុំទន់ជ្រាយដោយសារតែមនុស្សម្នាក់ ដែលបំផ្លាញទឹកចិត្តយើង៕



You may also like

វប្បធម៌ និងជីវិត

ហេតុផល៧យ៉ាង ដែល​ឈាន​ដល់​ការ«លែងលះ»

ការ«លែងលះ» ជារឿងមួយដែលគ្រប់គ្នាមិនដែលប្រាថ្នា ព្រោះគិតថា វានឹងធ្វើឱ្យប៉ះពាល់ ដល់កិត្តិយសខ្លួនឯង និងគ្រួសារ។ ខណៈពេលដែលចំណងអាពាហ៍ពិពាហ៍ គឺជាទ្រព្យសម្បត្តិដ៏មានតម្លៃ សម្រាប់ជីវិតគូ តែសាមីខ្លួននៅតែជ្រើសរើស យកការលែងលះ ដោយសារតែមិនអាចទ្រាំនឹងបញ្ហាដែលកើតឡើង ការឆ្អែតចិត្ត ...
វប្បធម៌ និងជីវិត

ស្ដ្រីរឹងមាំស្រលាញ់មនុស្សប្រុស«ប្រភេទណា»?

មនុស្សប្រុស«ប្រភេទណា» ៖ មុនពេលមនុស្សស្រីម្នាក់ ក្លាយជាមនុស្សរឹងមាំ ក្នុងជីវិតរបស់នាង អាចជួបរឿងស្មុគស្មាញជាច្រើន ដែលនាងបានឆ្លងកាត់ មិនថាបញ្ហាលុយកាក់ គ្រួសារ ឬស្នេហាខកបំណងជាដើម។ បទពិសោធទាំងនោះហើយ បង្រៀននាងឱ្យឈប់ទន់ជ្រាយ ហើយប្រឹងដើរទៅមុខ ...
វប្បធម៌ និងជីវិត

បញ្ហា៨ចំណុច ​ដែល​កើត​ឡើង​ទូទៅ ក្នុង«​ជីវិត​អាពាហ៍ពិពាហ៍»

មានបញ្ហាជាច្រើននៅក្នុង«ជីវិត​អាពាហ៍ពិពាហ៍» ហើយភាគច្រើននៃបញ្ហាទាំងនោះ ចួនកាលត្រូវបានសាមីខ្លួនគេចវេះ ឬដោះស្រាយ ដោយប្រើវិធីសាស្រ្តខុសៗគ្នា។ ខាងក្រោមនេះ គឺជាបញ្ហាផ្សេងៗ ក្នុងជីវិតអាពាហ៍ពិពាហ៍ដែលមានជាទូទៅ។ ១. ភាពមិនស្មោះត្រង់ ភាពមិនស្មោះត្រង់ គឺជាបញ្ហាទូទៅនៅក្នុងទំនាក់ទំនង។ វារួមបញ្ចូលនូវការភូតកុហក ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...