តារាង«ប្រតិទិននៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាលទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបានជាមុន នូវវិស្សមកាលទាំង៥ នៃឆ្នាំសិក្សា ២០២១-២០២២ សម្រាប់កូន-ក្មួយ-ចៅ ដែលជាសិស្សានុសិស្ស រាប់តាំងពីថ្នាក់ មតេយ្យសាលា រហូតដល់ថ្នាក់ វិទ្យាល័យ។
ថ្ងៃខែទាំងនេះ ជាការដកស្រង់ ចេញពីប្រតិទិនផ្លូវការ ដែលចេញផ្សាយ ដោយក្រសួងសិក្សាធិការជាតិ នៃសាធារណរដ្ឋបារាំង និងមានសុពលភាព សម្រាប់តែទឹកដីបារាំង«ដីគោក»ប៉ុណ្ណោះ (សម្រាប់ទឹកដីបារាំង ឯនាយសមុទ្រ ថ្ងៃខែវិស្សមកាល មិនដូចដីគោកទេ)។
ប្រតិទិន នៃវិស្សមកាល អាចនឹងមានការផ្លាស់ប្ដូរ ក្នុងករណីប្រធានស័ក្ដិ ទៅតាមការសម្រេច របស់គ្រឹះស្ថានសិក្សាផ្ទាល់ ឬបណ្ឌិត្យសភា ប្រចាំតំបន់នីមួយៗ។
គួរបញ្ជាក់ដែរថា ពេលវេលាដែលចាប់ផ្ដើមវិស្សមកាល គឺបន្ទាប់ពីថ្នាក់រៀន ត្រូវបានបញ្ចប់ ហើយគ្រឹះស្ថានសិក្សានានា ត្រូវបញ្ជាក់ អំពីលក្ខខណ្ឌនេះ ឲ្យបានច្បាស់។ សូមជូនជាឧទាហរណ៍ ៖
«វិស្សមកាល នៃបុណ្យ “Toussaint” នឹងចាប់ផ្ដើមពីថ្ងៃសៅរ៍ ទី២៣ ខែតុលា ឆ្នាំ២០២០។»
«សម្រាប់ថ្នាក់រៀនណា ដែលមានម៉ោងរៀន នៅព្រឹកថ្ងៃសៅរ៍ ទី២៣ ខែតុលានោះ ថ្នាក់រៀននោះ ត្រូវបញ្ចប់ម៉ោងរៀន នៅថ្ងៃនោះរួចរាល់សិន ទើបសិស្សអាចចាប់ផ្ដើម ចេញទៅវិស្សមកាលបាន។ រីឯថ្នាក់រៀនណា ដែលគ្មានម៉ោងរៀន នៅព្រឹកថ្ងៃសៅរ៍នោះទេ សិស្សអាចចាប់ផ្ដើម ចេញទៅវិស្សមកាលបាន តាំងពីល្ងាចថ្ងៃសុក្រ ទី២២ ខែតុលា៕»
សូមជូន «ប្រតិទិននៃវិស្សមកាល ឆ្នាំសិក្សា ២០២១-២០២២»
| តំបន់វិស្សមកាល » | តំបន់ A | តំបន់ B | តំបន់ C |
| Besançon, Bordeaux, Clermont-Ferrand, Dijon, Grenoble, Limoges, Lyon et Poitiers | Aix-Marseille, Amiens, Caen, Lille, Nancy-Metz, Nantes, Nice, Orléans-Tours, Reims, Rennes, Rouen et Strasbourg | Créteil, Montpellier, Paris, Toulouse et Versailles | |
| បវេសនកាល នៃសិស្សានុសិស្សទាំងអស់ » | ថ្ងៃព្រហស្បត្តិ៍ ទី២ ខែកញ្ញា ឆ្នាំ២០២១ (ដូចគ្នាគ្រប់តំបន់) | ||
| វិស្សមកាល នៃបុណ្យ “Toussaint” » | ពីថ្ងៃសៅរ៍ ទី២៣ ខែតុលា រហូតដល់ថ្ងៃចន្ទ ទី៨ ខែវិច្ឆិកា ឆ្នាំ២០២១ (ដូចគ្នាគ្រប់តំបន់) | ||
| វិស្សមកាល នៃបុណ្យ “Noël” » | ពីថ្ងៃសៅរ៍ ទី១៨ ខែធ្នូ ឆ្នាំ២០២១ រហូតដល់ថ្ងៃចន្ទ ទី៣ ខែមករា ឆ្នាំ២០២២ (ដូចគ្នាគ្រប់តំបន់) | ||
| វិស្សមកាល នៃសិសិររដូវ » | ពីថ្ងៃសៅរ៍ ទី១២ ខែកុម្ភៈ រហូតដល់ថ្ងៃចន្ទ ទី២៨ ខែកុម្ភៈ ឆ្នាំ២០២២ | ពីថ្ងៃសៅរ៍ ទី៥ ខែកុម្ភៈ រហូតដល់ថ្ងៃចន្ទ ទី២១ ខែកុម្ភៈ ឆ្នាំ២០២២ | ពីថ្ងៃសៅរ៍ ទី១៩ ខែកុម្ភៈ រហូតដល់ថ្ងៃចន្ទ ទី៧ ខែមីនា ឆ្នាំ២០២២ |
| វិស្សមកាល នៃរដូវផ្ការីក » | ពីថ្ងៃសៅរ៍ ទី១៦ ខែមេសា រហូតដល់ថ្ងៃចន្ទ ទី២ ខែឧសភា ឆ្នាំ២០២២ | ពីថ្ងៃសៅរ៍ ទី៩ ខែមេសា រហូតដល់ថ្ងៃចន្ទ ទី២៥ ខែមេសា ឆ្នាំ២០២២ | ពីថ្ងៃសៅរ៍ ទី២៣ ខែមេសា រហូតដល់ថ្ងៃចន្ទ ទី៩ ខែឧសភា ឆ្នាំ២០២២ |
| វិស្សមកាលធំ នៃរដូវក្ដៅ » | ចាប់ពីថ្ងៃព្រហស្បត្តិ៍ ទី៧ ខែកក្កដា ឆ្នាំ២០២២ រហូតដល់បវេសនកាល ឆ្នាំក្រោយ (ដូចគ្នាគ្រប់តំបន់) | ||
