មនុស្សប្រុស«ប្រភេទណា» ៖ មុនពេលមនុស្សស្រីម្នាក់ ក្លាយជាមនុស្សរឹងមាំ ក្នុងជីវិតរបស់នាង អាចជួបរឿងស្មុគស្មាញជាច្រើន ដែលនាងបានឆ្លងកាត់ មិនថាបញ្ហាលុយកាក់ គ្រួសារ ឬស្នេហាខកបំណងជាដើម។ បទពិសោធទាំងនោះហើយ បង្រៀននាងឱ្យឈប់ទន់ជ្រាយ ហើយប្រឹងដើរទៅមុខ រហូតពេលខ្លះស្ទើរលែងខ្វល់ពីរឿងជីវិត គូស្រករទៀតផង ឬអាចនិយាយបានថា វាជារឿងពិបាក ប្រសិនបើបុរសណាម្នាក់ ចង់យកឈ្នះបេះដូងនាង គឺមិនងាយនោះទេ លុះត្រាតែនាងមើលឃើញថា៖

១. គេរឹងមាំជាងនាង

ព្រោះនាងខ្លួនឯងរឹងមាំរួចទៅហើយ ដូច្នេះ នាងរឹតតែត្រូវការបុរសម្នាក់ដែលរឹងមាំជាងនាង ដែលអាចជាបង្អែកដ៏រឹងមាំសម្រាប់នាង នៅពេលនាងប្រឈមនឹងបញ្ហាទាំងឡាយ។ នាងហត់នឿយ នឹងកិច្ចការទាំងឡាយហើយ ដូច្នេះ នាងមិនត្រូវការបុរសដែលទន់ជ្រាយ ដែលត្រូវឱ្យនាងមកហត់នឿយបន្ថែមទៀត ក្នុងការតាមយកចិត្តគេ ឬលួងលោមគេនោះទេ។ នាងមិនត្រូវការលុយរបស់អ្នកទេ តែនាងត្រូវការភាពរឹងមាំរបស់អ្នក ដែលអាចលើកទឹកចិត្តនាង ផ្តល់ថាមពលដល់នាងបាន។

២. មានសមត្ថភាពជាងនាង

គេត្រូវតែមានចំណេះដឹង និងសមត្ថភាពខ្ពស់ជាងនាង ព្រោះពេលខ្លះមនុស្សស្រីដែលរឹងមាំលើរឿងការងារ នាងអាចនឹងមិនងាយស្តាប់អ្នកណានោះទេ។ នាងអាចមានភាពអំណួតចំពោះអ្វីដែលនាងសម្រេចបាន។ ដូច្នេះលុះត្រាតែគេមានសមត្ថភាពខ្ពស់ជាងនាង ទើបនាងអាចពិចារណា ឬទទួលយកនូវមតិយោបល់របស់គេ។

៣. អាចសម្របតាមនាងបាន

ព្រោះភាពរឹងមាំនេះ នាងអាចជាមនុស្សមានះ ឬបើថានាងសម្រេចចិត្តនឹងធ្វើអ្វី ឬចូលចិត្តធ្វើអ្វីហើយ នាងមិនចូលចិត្តឱ្យអ្នកណា មករារាំងនាងនោះទេ។ ដូច្នេះ បើអ្នកចង់យកឈ្នះបេះដូងនាង គឺត្រូវចេះសម្របខ្លួនតាមនាង។ បើស្រលាញ់នាង ត្រូវទទួលយកនូវអ្វីដែលនាងមាន។

៤. គោរពនាង

កុំធ្វើឱ្យនាងមានអារម្មណ៍ថា អ្នកមិនផ្តល់តម្លៃ ឬមើលមិនឃើញតម្លៃរបស់នាង។ កន្លងមក នាងរឹងមាំក្នុងការរស់នៅតែម្នាក់ឯង។ ប្រសិនបើនាងមើលឃើញថា អ្នកមិនគោរពនាង នោះនាងមិនញញើតក្នុងការដើរចេញពីអ្នកឡើយ។

៥. ស្រលាញ់គ្រួសារនាង

ព្រោះមិនដែលគិតពីរឿងស្នេហា ទើបនាងប្រើជីវិតរបស់នាង គិតលើរឿងការងារ និងគ្រួសារ។ ដូច្នេះ បើស្រលាញ់នាង ត្រូវបង្ហាញឱ្យនាងឃើញថា អ្នកក៏ស្រលាញ់គ្រួសារនាងដូចគ្នា ព្រោះនាងទុកគ្រួសារនាងជាអាទិភាព ឯស្នេហា គ្រាន់តែជារឿងបន្ទាប់បន្សំសម្រាប់នាងតែប៉ុណ្ណោះ៕



You may also like

ជីវិតប្រចាំថ្ងៃ

«ចង់​សម្លាប់​ខ្លួន​»ឬ? ចូរ​ស្វែង​​យល់​ពី​​ដំណោះស្រាយ!

គំនិត«ចង់​សម្លាប់​ខ្លួន​» អាចកើតមានជារឿងធម្មតា សម្រាប់បុគ្គលខ្លះ ដែលតានតឹងចិត្តខ្លាំង ឬមានអារម្មណ៍ថា​អស់សង្ឃឹម តែវាក៏បាត់ទៅវិញ បន្ទាប់ពីស្ថានភាពផ្លូវចិត្ត របស់គេបានធូរស្រាល ខណៈពេលដែលបុគ្គល​មួយចំនួន​ទៀត បានរៀបចំផែនការ ឬអាចឈានទៅដល់​​ការធ្វើអត្តឃាត បានសម្រេច។ កន្លងមក ...
កំសាន្ដ

សង្គ្រាមនៅអ៊ុយក្រែន៖ ទាហានរៀបការ នៅនឹង​ខ្សែត្រៀម​ជួរមុខ

ក្នុងសម្លៀកបំពាក់ទាហាន គូស្នេហ៍មួយបានរៀបអាពាហ៍ពិពាហ៍ នៅនឹង​ខ្សែត្រៀម​ជួរមុខ ចម្ងាយប៉ុន្មានគីឡូម៉ែត្រ ពីរដ្ឋធានីគៀវ (ប្រទេសអ៊ុយក្រែន)។ កូនប្រុស នាម«Valeriy» និងកញ្ញា នាម«Lesya» បានភ្ជាប់មេត្រីភាព ក្លាយជាគូស្វាមីភរិយា ដោយមានការចូលរួម ...
វប្បធម៌ និងជីវិត

កាន់តែ​យល់​ពី​មនុស្សស្រី កាន់​តែ​ដឹង​ថា​នាង​ត្រូវ​ការ​អី

[ កាន់តែ​យល់​ពី​មនុស្សស្រី ] អត្ថបទនេះនឹងជាជំនួយដល់អ្នក ក្នុងការស្វែងយល់ពីអារម្មណ៍របស់មនុស្សស្រី ក៏ដូចជាធ្វើឱ្យអ្នកអាចបង្កើតទំនាក់ទំនង កាន់តែល្អ ជាមួយនារី ដែលអ្នកស្រលាញ់។ ១. យល់ពីការលំបាកផ្នែកជីវសាស្រ្តរបស់មនុស្សស្រី ជារៀងរាល់ខែ ស្រ្តីតែងតែមករដូវ ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...