ក៏​ភ្លេច​អ្នក​ចាស់​មិន​បាន ៖ វាអាចជារឿងកម្រសម្រាប់មនុស្សស្រី ដែលបានជួបមនុស្សប្រុស ដែលស្រលាញ់នាង ជាស្នេហាគ្រាដំបូង។ ទម្រាំគេមកជួបនឹងយើង គេអាចធ្លាប់ខូចចិត្ត គេអាចជាមនុស្សដែលឈឺចាប់ខ្លាំង ដោយសារបាត់បង់ស្នេហា លើកទីមួយ។ ជាការពិតណាស់ មនុស្សស្រី តែងចង់ឱ្យបុរសដែលខ្លួនស្រលាញ់ ទុកនាងជាមនុស្សសំខាន់បំផុតក្នុងបេះដូង ហើយវាក៏ជារឿង ដែលមិនអាចទទួលយកបាន ប្រសិនបើនាងដឹងថា ក្នុងបេះដូងបុរស ដែលស្រលាញ់នាង បែរជានៅសល់ចំហាយ ពីស្នេហាចាស់។

ខាងក្រោមនេះ ជាសញ្ញាមួយចំនួន ដែលអ្នកអាចសង្កេតបានថា សង្សាររបស់អ្នក នៅតែនឹកអ្នកចាស់៖

១. គេនៅទុករូបថត របស់សង្សារចាស់

គេមិនដាច់ចិត្ត លុប រូបថតរបស់សង្សារចាស់ ចេញពីទូរសព្ទដៃ ឬកុំព្យូទ័រ។ ប្រសិនបើយើងបានឃើញរូបទាំងនោះ ហើយចចែសចង់ឱ្យគេលុប នោះគេប្រាកដជាមិនសប្បាយចិត្ត ជាមួយយើងនោះទេ។

២. លើកពីចំណុចល្អ របស់សង្សារចាស់ នៅពេលឈ្លោះគ្នា

គ្រប់ពេល ដែលអ្នកទាំងពីរឈ្លោះគ្នា ឬអ្នកធ្វើអ្វីមួយខុស ឬក៏អ្នករករឿងគេ ដោយសារតែប្រចណ្ឌគេ ជាមួយអ្នកចាស់ គេក៏ចាប់ផ្តើមមួម៉ៅ ហើយលើកពីអ្នកចាស់ ថាអ្នកចាស់របស់គេ មិនដែលធ្វើបែបហ្នឹង ឬបែបនេះដាក់គេនោះទេ។

៣. គេមិនសប្បាយចិត្ត នៅពេលទៅកន្លែង ដែលធ្លាប់មានអនុស្សាវរីយ ជាមួយអ្នកចាស់

ពេលទៅដល់កន្លែងណា ដែលគេធ្លាប់ទៅ ជាមួយសង្សារចាស់របស់គេ គេក៏ប្រែទៅជាស្រពាប់ស្រពោន ឬគ្មានចំណាប់អារម្មណ៍ ក្នុងការដើរលេងកម្សាន្ត ឬនៅក្បែរអ្នក ដោយអារម្មណ៍រីករាយនោះទេ។ ពេលខ្លះ បើសិនបបួលគេថតជាមួយ គេក៏ប្រឹងញញឹម ទាំងកំពុងមានទុក្ខ ក្នុងចិត្ត។

៤. គេនៅចាប់អារម្មណ៍ ពីរឿងផ្ទាល់ខ្លួន របស់សង្សារចាស់

គ្រប់ពេលដែលឮនរណាម្នាក់ ឬអ្នកដែលធ្លាប់ដឹង ពីទំនាក់ទំនងរវាងគេ និងសង្សារចាស់ ហើយយករឿងសង្សារចាស់ មកចែករំលែក គេតែងចង់ដឹងពីនេះ ពីនោះ ឬមានសំណួរបន្ថែមទៀត ពីព័ត៌មានដែលពាក់ព័ន្ធ នឹងសង្សារចាស់របស់គេ ជាពិសេសគឺសុខទុក្ខរបស់នាង ឬថាតើនាងមានសង្សារថ្មី ឬរៀបការហើយឬនៅ។

៥. គេនៅរក្សាទុក របស់ដែលសង្សារចាស់ ធ្លាប់ទិញឱ្យ

ពេលខ្លះ សម្រាប់មនុស្សដែលអស់ចិត្តពីគ្នា រមែងមិនចង់ទុករបស់ ដែលពាក់ព័ន្ធនឹងស្នេហាអតីតនោះទេ ព្រោះនឹងធ្វើឱ្យសាមីខ្លួន នឹកឃើញរឿងចាស់ ហើយមិនសប្បាយចិត្ត។ តែបើសិនគេ នៅតែរក្សារបស់នោះ វាស្មើនឹងគេ នៅតែចង់រំឭក ពីអនុស្សាវរីយចាស់ និងមិនដាច់ចិត្ត បោះរបស់នោះចោល។

៦. ឧស្សាហ៍រំឭកពីទំនាក់ទំនង ឬសកម្មភាពរវាងគេ និងសង្សារចាស់

ជារឿយៗ ពេលនៅក្បែរអ្នក គេរំឭកពីទំនាក់ទំនងរវាងគេ និងសង្សារចាស់ ទោះបីមានចំណុចល្អ ឬចំណុចអាក្រក់ក្តី អំពីសង្សារចាស់ តែក៏បញ្ជាក់បានថា គេមិនទាន់ភ្លេចម្នាក់នោះ បាននៅឡើយ។

ទាំង៦ចំណុចខាងលើ បង្ហាញយ៉ាងច្បាស់ថា មិត្តប្រុសរបស់អ្នក នៅតែនឹកដល់សង្សារចាស់របស់គេ។ រីឯភាគីខាងបុរសវិញ ប្រសិនបើដឹងខ្លួនថា អ្នកកំពុងមានចំណុចទាំងអស់នេះហើយ អ្នកក៏ត្រូវតែទទួលស្គាល់ថា អ្នកមិនទាន់ភ្លេចស្នេហាអតីតរបស់អ្នក បាននៅឡើយទេ។ ដូច្នេះ បើសិនអ្នកចង់ឱ្យទំនាក់ទំនង របស់អ្នកជាមួយអ្នកថ្មី មិនមានបញ្ហាអ្វីនោះ ជាពេលដែលអ្នកត្រូវគិតឡើងវិញ ថាតើគួរបន្តនឹកអ្នកចាស់ ឬចាប់ផ្តើមឱ្យល្អ ជាមួយអ្នកថ្មី៕



You may also like

វប្បធម៌ និងជីវិត

គុណតម្លៃ​នៃ​កន្លែង​ការងារ ដែល​ផ្តល់​នូវ​សុខុមាលភាព​ផ្លូវ​ចិត្ត​ល្អ

«គុណតម្លៃ​នៃ​កន្លែង​ការងារ» ៖ យើងទាំងអស់គ្នាដឹងថា ការងារគ្រប់ទម្រង់ទាំងអស់ មានឥទ្ធិពលយ៉ាងខ្លាំង ទៅលើសុខុមាលភាពខាងផ្លូវចិត្ត និងអារម្មណ៍របស់យើង ដោយធ្វើឱ្យយើង បានល្អប្រសើរឬកាន់តែអាក្រក់ទៅ ៗ ជាពិសេសគុណភាព នៃសុខភាពផ្លូវចិត្ត ក្នុងបរិយាកាសការងារ។ ...
កំសាន្ដ

«មាជ សុវណ្ណារ៉ា នាំស្រីទៅនៅផ្ទះ​ចំការ​ខាង​ប្រពន្ធ ?»

ភ្ញាក់ព្រើត… តែវាជាអ្វី ដែលកំពុងកើតឡើង ! «មាជ សុវណ្ណារ៉ា នាំស្រីទៅនៅផ្ទះ​ចំការ​ខាង​ប្រពន្ធ» គឺជាសាររបស់អ្នកស្រី មាជ ជេមី (Meach Jamie) ភរិយាលោក ...
ជីវិតប្រចាំថ្ងៃ

ឪពុកម្តាយ​ត្រូវ​ផ្តល់​រង្វាន់ និង​ដាក់​ពិន័យ​ចំពោះ​កូន​ខ្លួន​បែបណា?

ឪពុកម្តាយ​ត្រូវ​ផ្តល់​រង្វាន់ និង​ដាក់​ពិន័យ​… ៖ ឪពុកម្តាយផ្សេងគ្នា នឹងមានទស្សនៈផ្សេងគ្នា អំពីវិធីល្អបំផុត ដើម្បីលើកទឹកចិត្តកូនៗ ឱ្យផ្លាស់ប្តូរអាកប្បកិរិយា របស់ពួកគេ។ ខណៈពេលដែលកុមារតូចៗ អាចនឹងធ្វើអ្វីមួយបានល្អ ហើយទទួលបានរង្វាន់ ហើយកូនៗធំៗ ខ្លះទទួលបានការឆ្លើយតប ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...