សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ១-០ ដើម្បីឈ្នះពានពិភពលោក ឆ្នាំ២០២៣ កាលពីយប់ថ្ងៃអាទិត្យមុន។

សេចក្ដីប្រកាសព័ត៌មាន របស់«FIFA» ដែលមានស្នាក់ការកណ្ដាលនៅក្រុមហ្សឺណែវ ប្រទេសស្វីស ចេញផ្សាយនៅថ្ងៃព្រហស្បត្តិ៍ ទី២៤ ខែសីហានេះ បានឲ្យដឹងថា ក្រុមប្រឹក្សាវិន័យរបស់ខ្លួន បានជូនដំណឹងទៅលោក ជុំវិញការបើក«នីតិវិធីវិន័យ» ប្រឆាំងនឹងរូបលោក ជុំវិញហេតុការណ៍ «ចាប់ឱប-ថើបមាត់» ដែលបានកើតឡើង នៅលើវេទិកាទទួលមេដាយ និងការលើកពាន របស់ក្រុមកីឡាការិនីអេស្ប៉ាញ ដែលទើបនឹងក្លាយ ជាជើងឯកពិភពលោក ឆ្នាំ២០២៣។

ស្ថាប័នគ្រប់គ្រងបាល់ទាត់ពិភពលោកមួយនេះ បានសរសេរបន្តថា៖

«កាយវិការទាំងនោះ អាចជាការរំលោភ ទៅលើវាក្យខ័ណ្ឌ១និង២ នៃមាត្រា១៣ នៃក្រមវិន័យ​របស់សហព័ន្ធបាល់ទាត់អន្តរជាតិ។ ប៉ុន្តែនៅខណៈនេះ ក្រុមប្រឹក្សាវិន័យនឹងមិនផ្ដល់ព័ត៌មានអ្វីបន្ថែម ជុំវិញការបើកនីតិវិធីខាងលើ នៅមុនការសម្រេចចុងក្រោយនោះឡើយ។»

ការចាប់ឱប-ថើបមាត់ទាំងបង្ខំ ធ្វើឡើងដោយមេដឹកនាំស្ថាប័ន​គ្រប់គ្រងបាល់ទាត់​អេស្ប៉ាញ ទៅលើកីឡាការិនី Jennifer Hermoso បានបង្កឲ្យផ្ទុះសង្គ្រាមប៉ាកកា នៅពាសពេញមជ្ឍដ្ឋានអ្នកស្នេហាវិស័យបាល់ទាត់ និងក្រុមអ្នកធ្វើការលើកស្ទួយសិទ្ធិស្ត្រី ជាពិសេសនៅក្នុងប្រទេសអេស្ប៉ាញ។

នៅចំពោះរឿងអាស្រូវនេះ សហព័ន្ធបាល់ទាត់អេស្ប៉ាញ បានកោះប្រជុំវិសាមញ្ញមួយ នៅថ្ងៃសុក្រស្អែក ដើម្បីអនុញ្ញាតឲ្យលោក Luis Rubiales ចេញមុខបកស្រាយ នៅចំពោះក្រុមប្រឹក្សាភិបាល របស់ស្ថាប័នមួយនេះ។ កាលពីថ្ងៃចន្ទទី២១ ខែសីហា មេដឹកនាំរូបនេះ បានចេញវីដេអូសុំទោសរួចហើយ ដោយថ្លែងថា លោកបានច្រឡំ នូវកាយវិការមិនគប្បីនេះ តែលោកថា លោកមិនបានត្រៀមទុកជាមុន នូវកាយវិការនេះឡើយ។

យ៉ាងណា ការសុំទោសនោះ មិនបានកាត់បន្ថយ នូវប្រតិកម្ម​ពីសំណាក់មហាជន និងពីក្រុមអ្នកទទួលខុសត្រូវនានាទេ។ មន្ត្រីជាច្រើនរូប នៅក្នុងរាជរដ្ឋាភិបាលអេស្ប៉ាញ ថែមទាំងទាមទារឲ្យលោក Luis Rubiales ចាកចេញពីតំណែង ជាប្រធានសហព័ន្ធផងទៀត។ ​

កីឡាការិនី Jennifer Hermoso ខ្លួនឯង ដែលជាជនរងគ្រោះ ក៏បានបង្ហាញជំហរជាថ្មីដែរថា គួរឲ្យមានទណ្ឌកម្មជាគំរូមួយ ដើម្បីលើកកំពស់សមភាព រវាងស្ត្រីនិងបុរស ទាំងក្នុងវិស័យកីឡា និងនៅក្នុងសង្គមទូទៅ។

កំហឹងរបស់បណ្ដាជន បានកើនបន្ថែមទៀត បន្ទាប់ពីវីដេអូមួយទៀត ត្រូវបានទម្លាយនៅលើបណ្ដាញសង្គម។ ក្នុងវីដេអូនោះ គេឃើញលោក Luis Rubiales បានអបអរគ្រាប់បាល់ របស់ក្រុមកីឡាការិនីអេស្ប៉ាញ និងបានយកដៃលោក ទៅត្រដុសឬចាប់ នៅត្រង់​ចន្លោះភ្លៅ (វីដេអូខាងក្រោម)។

>>> ដំណឹងចុងក្រោយ ដែលចេញផ្សាយនៅមុននេះបន្តិច ដោយសារព័ត៌មានអេស្ប៉ាញ «El Partidazo de COPE» បានឲ្យដឹងថា លោក Rubiales នឹងសុំលាលែងពីតំណែង ចំពោះអង្គប្រជុំវិសាមញ្ញរបស់សហព័ន្ធ នៅថ្ងៃសុក្រស្អែក៕



You may also like

កីឡា និងបច្ចេកវិទ្យា

FIFA ធ្វើបច្ចុប្បន្នភាព​​ចំណាត់ថ្នាក់​បាល់ទាត់​ពិភពលោក ចុងឆ្នាំ២០២២

បន្ទាប់ពីព្រឹត្តិការណ៍បាល់ទាត់ពិភពលោក ដែលបានបញ្ចប់ទៅកាលពីយប់ថ្ងៃអាទិត្យមុន សហព័ន្ធបាល់ទាត់អន្តរជាតិ «FIFA» បានចេញផ្សាយបញ្ជីសន្ទស្សន៍ ចុងឆ្នាំ២០២២ ស្ដីពីចំណាត់ថ្នាក់​នៃបណ្ដាសមាជិក ទាំង២១១ប្រទេស និងបង្ហាញថា ប្រទេសប្រេស៊ីល ដែលត្រូវបានជម្រុះចេញ នៅវគ្គ១/៤ផ្ដាច់ព្រ័ត្រនោះ នៅតែបន្តកាន់កាប់ចំណាត់ថ្នាក់កំពូលដដែល។ ...
កីឡា និងបច្ចេកវិទ្យា

ពានពិភពលោក​២០២២៖ យក្សបាល់ទាត់ អ៊ីតាលី ជ្រុះចេញ​ជាស្ថាពរ

ជាលើកទី២ជាប់គ្នា ក្នុងប្រវត្តិសាស្ត្របាល់ទាត់ ប្រទេស អ៊ីតាលី ដែលជា«យក្សបាល់ទាត់» និងជាម្ចាស់ពានអ៊ឺរ៉ុប ឆ្នាំ២០២០ មិនបានចូលរួម​ក្នុងព្រឹត្តិការណ៍បាល់ទាត់ពិភពលោក នៅប្រទេសកាតា ឆ្នាំ២០២២ខាងមុខទេ បន្ទាប់ត្រូវបានជម្រុះចេញ ដោយប្រទេស ម៉ាសេដ័ន ...
កីឡា និងបច្ចេកវិទ្យា

បាល់ទាត់ពិភពលោក ៖ ហូឡង់​ទម្លាក់​​ស៊ុយអែត​និងជួប​អាមេរិក​នៅ​ផ្ដាច់ព្រ័ត្រ

បាល់ទាត់ពិភពលោក ឆ្នាំ២០១៩៖ ម្ចាស់ពានអ៊ឺរ៉ុប​ឆ្នាំ២០១៧ ក្រុមកីឡាការនីបាល់ទាត់ នៃប្រទេសហូឡង់ បានប្រកួតឈ្នះក្រុមស៊ុយអែត នៅក្នុងការប្រកួតបន្ថែមម៉ោង (១-០) ដើម្បីដណ្ដើមយកសំបុត្រចុងក្រោយ ឡើងទៅប្រកួតផ្ដាច់ព្រ័ត្រ ទល់នឹងក្រុមបាល់ទាត់អាមេរិក ដែលជាម្ចាស់ពាន់ពិភពលោក ឆ្នាំ២០១៥។ ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...
កីឡា និងបច្ចេកវិទ្យា

ណីម៉ា ចេញ​ពីក្រុម ប៉ារីស ទៅក្រុម​«Al-Hilal»​នៅអារ៉ាប៊ីសាអ៊ូឌីត

ដំណឹងដែលលេចឮ តាំងពី១-២សប្ដាហ៍មុន ត្រូវបានក្រុម ប៉ារីស (Paris Saint Germain – បារាំង) ប្រកាសជាផ្លូវការ នៅមុននេះបន្តិច។ ខ្សែប្រយុទ្ធជាតិប្រេស៊ីលដ៏ល្បី កីឡាករ ...