ក្រុមជម្រើសជាតិរបស់ប្រទេស អេស្ប៉ាញ បានទទួលសំបុត្រ ឡើងទៅវគ្គ១/២ បន្ទាប់ពីបំបាក់ក្រុម ស្វីស ដោយ​គ្រាប់បាល់កាត់សេចក្ដី ៣-១ ក្នុងល្ងាចថ្ងៃសុក្រនេះ។ ជាការប្រកួតវគ្គ១/៤ (ឬហៅថាវគ្គ៨ក្រុម) នៃការដណ្ដើម​ពានអ៊ឺរ៉ុប ឆ្នាំ២០២០ ដែលប្រព្រឹត្តិទៅក្នុងកីឡដ្ឋាន នៃក្រុង«Saint Petersburg» ប្រទេសរ៉ុស្ស៊ី។

បើទោះជាក្រុមស្វីស ត្រូវបានអាជ្ញាកណ្ដាល បណ្ដេញកីឡាករ «Remo Freuler» ចេញនៅនាទីទី៧៧ក្ដី តែក្រុម​«Nati (រហស្សនាមរបស់ក្រុមស្វីស)» នៅតែបង្ហាញភាពរឹងមាំ ស្វាហាប់ និងរក្សាលទ្ធផល ១-១ រហូតដល់​ចុង​បញ្ចប់ នៃការប្រកួត៩០នាទី និងការប្រកួតបន្ថែមម៉ោង ៣០នាទី។

នៅក្នុងវគ្គទាត់បាល់កាត់សេចក្ដី (ម្ខាង៥គ្រាប់) ក្រុមជម្រើសជាតិ ស្វីស ចំនួន៣នាក់ មិនបានទាត់បាល់បញ្ចូលទី របស់ក្រុម អេស្ប៉ាញ នោះទេ ខណៈកីឡាករអេស្ប៉ាញ២នាក់ ក៏បានខកខាន ក្នុងការទាត់បញ្ចូលទីក្រុមស្វីសដែរ។ លទ្ធផលនៃការទាត់បាល់កាត់សេចក្ដី ៖ អេស្ប៉ាញរកបាន៣គ្រាប់ តែក្រុមស្វីសរកបានតែ១គ្រាប់ប៉ុណ្ណោះ (គ្រាប់​បាល់​ទី៥​មិនត្រូវបានទាត់ទេ ព្រោះគ្មានប្រយោជន៍)។

ក្រុម«La Roja» របស់ប្រទេសអេស្ប៉ាញ ដែលទទួលសំបុត្រឆ្លងវគ្គខាងលើ នឹងត្រូវរងចាំលទ្ធផល នៃការប្រកួត​រវាងក្រុង ប៊ែលហ្សិក និងក្រុម អ៊ីតាលី ដែលនឹង​ប្រព្រឹត្តិទៅ ក្នុងពេលបន្តិចទៀត (យប់ថ្ងៃសុក្រដដែល) ដើម្បី​ដឹងថា ខ្លួននឹងត្រូវជួបជាមួយក្រុមណាមួយ ក្នុងវគ្គ១/២ (ឬហៅថាវគ្គ​៤ក្រុមចុងក្រោយ)។ ក្រុមប៊ែលហ្សិក និង​ក្រុមអ៊ីតាលី ដែលសុទ្ធតែ​ក្រុមយក្ស និងត្រូវបានអ្នកផង ជឿថាជាបេក្ខភាពដ៏មុតមាំ ក្នុងការលើក​ពានអ៊ឺរ៉ុបឆ្នាំនេះ៕



លំអិតបន្ថែមទៀត

កីឡា និងបច្ចេកវិទ្យា

Euro Cup 2020៖ ឆេក បំបាក់ ហូឡង់ ឡើងទៅ​វគ្គ១/៤

ក្រុមជម្រើសជាតិ ហូឡង់ ដែលអ្នកផងគិតថា អាចជាបេក្ខភាពដ៏ខ្លាំងមួយ ក្នុងការដណ្ដើមពានអ៊ឺរ៉ុប ឆ្នាំ២០២០នេះ ត្រូវបានក្រុម ឆេក លត់ដោយគ្រាប់បាល់ ២-០ ក្នុងយប់ថ្ងៃអាទិត្យ ទី២៧ ខែមិថុនា ...
កីឡា និងបច្ចេកវិទ្យា

Euro Cup 2020៖ អ៊ីតាលីឡើង​«ផ្ដាច់ព្រ័ត្រ»​ក្រោយ​ឈ្នះ​បាល់កាត់សេចក្ដី

ក្រុមជម្រើសជាតិ អ៊ីតាលី បានទទួលសំបុត្ររបស់ខ្លួន ដើម្បីឡើងទៅប្រកួត នៅវគ្គ«ផ្ដាច់ព្រ័ត្រ» បន្ទាប់ពីបាន​យកឈ្នះ លើក្រុម អេស្ប៉ាញ ក្នុងការប្រកួតវគ្គ១/២ ដោយគ្រាប់បាល់កាត់សេចក្ដី ៤-២ ក្នុងយប់ថ្ងៃអង្គារនេះ នាកីឡដ្ឋាន«Wembley» ...
កីឡា និងបច្ចេកវិទ្យា

Euro Cup 2020៖ កាលវិភាគ​នៃការប្រកួត​រវាងក្រុម ទាំង១៦​ចុងក្រោយ

ការប្រកួតវគ្គជម្រុះក្នុងពូល បានបញ្ចប់ហើយ។ ខាងក្រោមនេះ ជាក្រុមជម្រើសជាតិ ទាំង១៦​ចុងក្រោយ និងកាលវិភាគនៃជំនួបរវាងពួកគេ នៅក្នុងវគ្គ១/៨ ដែលជាការប្រកួត​«ចាញ់ចេញ» និង​«ឈ្នះឡើង» ចាប់ពីថ្ងៃសៅរ៍ទី២៦ ចុងសប្ដាហ៍នេះ រហូតដល់ថ្ងៃអង្គារទី២៩ ខែមិថុនា​សប្ដាហ៍​ខាងមុខ។ ...

Comments are closed.

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

[ដំណឹងផ្លូវការ] អ៊ឹមបាពេ បន្ត​កិច្ចសន្យា​៣ឆ្នាំ ជាមួយក្រុម ប៉ារីស

កីឡា និងបច្ចេកវិទ្យា

ក្រុមអតីត​កីឡាករបាល់ទាត់​នៅបារាំង ប្រកួតគ្នា​ដើម្បីជួយ​កុមារ​អ៊ុយក្រែន

ជាការជួប«ប្រកួតគ្នា​ដើម្បីជួយ​កុមារ​អ៊ុយក្រែន» ធ្វើឡើងដោយក្រុមអតីតកីឡាករ-កីឡាការិនី ដែលធ្លាប់លេង​ឲ្យក្រុមបាល់ទាត់អាជីព នៅក្នុងប្រទេសបារាំង។ ជាជំនួប«មិត្តភាព» ដែលរៀបចំឡើងជាលើកទី២ ដោយអង្គការ«UNICEF» ដើម្បីចូលរួមក្នុងបុព្វហេតុ របស់អង្គការដ៏ធំមួយនេះ (UNICEF ជាផ្នែកមួយ របស់អង្គការសហប្រជាជាតិ ទទួលបន្ទុកខាងកុមារ)។ ...
កីឡា និងបច្ចេកវិទ្យា

Champions League៖ លីវើភូល បំបាក់​ក្ដីសុបិន្ដ​ផ្ដាច់ព្រ័ត្រ វីឡារ៉េអាល

ក្ដីសុបិន្ដរបស់ក្រុម វីឡារ៉េអាល (Villarreal – អេស្ប៉ាញ) មានជីវិត​ត្រឹមតែ​៤៥នាទីដំបូង ក្នុងការប្រកួតល់នឹងក្រុម លីវើភូល (Liverpool – ) ប៉ុណ្ណោះ។ ជាការប្រកួតជុំទី២ ...