មិនចង់ពាក់ព័ន្ធ នឹងរឿងស្នេហាមែនទេ? ចូរសាកល្បង នូវវិធីសាស្ត្រខាងក្រោម ដើម្បីទប់អារម្មណ៍ កុំឱ្យធ្លាក់​ក្នុងអន្លង់ស្នេហ៍ របស់នរណាម្នាក់។

មិនមែនគ្រប់មនុស្សទាំងអស់ ឱ្យតែគេស្រលាញ់ ខ្លួនត្រូវតែពិចារណានោះទេ។ ពេលខ្លះ វាមិនទាន់ដល់ពេល ដែលត្រូវគិតរឿងស្នេហា ឬបទពិសោធខូចចិត្ត ពីអតីតកាល ធ្វើឱ្យសាមីខ្លួន រារែក និងមិនចង់បើកបេះដូង សម្រាប់អ្នកណាម្នាក់ ក្នុងពេលភ្លាមៗឡើយ។

វិធីសាស្រ្តខាងក្រោមអាចជួយអ្នក ឱ្យដកឃ្លាពីរឿងស្នេហាបាន តែមិនមែនបានន័យថា អ្នកមិនត្រូវមានស្នេហានោះឡើយ គ្រាន់តែថា ប្រសិនបើអ្នកមិនទាន់ត្រៀមខ្លួនរួចរាល់ ឬមិនទាន់ចង់បើកបេះដូង នៅពេលនេះប៉ុណ្ណោះ ៖

១. ផ្តោតលើគោលដៅរបស់ខ្លួន

• បង្កើតផែនការ ដើម្បីសម្រេចគោលដៅ អនាគតរបស់អ្នក
• បង្កើតតារាងអំពីវិធីសាស្រ្តនានា ដែលអ្នកអាចធ្វើ ដើម្បីពង្រឹងសមត្ថភាពរបស់អ្នក

អ្នកនឹងមានអារម្មណ៍ថា មានរឿងសំខាន់ជាច្រើន ដែលអ្នកត្រូវធ្វើ និងដែលសំខាន់ជាងរឿងស្នេហា។

២. ចំណាយពេលជាមួយគ្រួសារ និងមិត្តភក្តិ

• គ្រួសារជាមនុស្សសំខាន់ ដែលតែងនៅក្បែរអ្នក និងគាំទ្រអ្នកគ្រប់ពេល
• ចូលរួមសកម្មភាពសប្បាយផ្សេងៗ ជាមួយគ្រួសារ

អ្នកនឹងមិនឯកានោះទេ ហើយក៏មិនបាច់ខ្វល់ថា ទាល់តែមានសង្សារ ទើបអ្នកមានភាពរីករាយនោះដែរ។

៣. ចំណាយពេលសម្រាប់ខ្លួនឯង

• ធ្វើសកម្មភាពដែលអ្នកចូលចិត្ត ដូចជាដើរផ្សារ ឬដើរលេងនៅតាមខេត្ត ឬបរទេស
• ទៅហាត់ប្រាណ ហែលទឹក ម៉ាស្សា ធ្វើក្រចក។ល។

ពេលដែលអ្នក កាន់តែស្រលាញ់ខ្លួនឯង អ្នកក៏មិនទាមទារ ឱ្យបុគ្គលណាម្នាក់ មកស្រលាញ់អ្នក ជាសង្សារនោះដែរ។

៤. ធ្វើខ្លួនឱ្យរវល់

• អ្នកនឹងមិនគិត ឬនឹកឃើញដល់អ្នកណា បើសិនជាអ្នករវល់ធ្វើនេះ ធ្វើនោះ មិនថាការងារផ្ទះ ឬកិច្ចការទាំងឡាយណា ដែលអ្នកត្រូវបំពេញ។

៥. ឆ្លុះបញ្ចាំង​ទៅលើទំនាក់ទំនងប្រេះឆា ក្នុងអតីតកាល

• ការទទួលយកក្តីស្រលាញ់ របស់នរណាម្នាក់ មិនប្រាកដថា ធ្វើឱ្យយើងមានក្តីសុខនោះទេ។
• មានតែការស្រលាញ់ខ្លួនឯងទេ ទើបមិនបារម្ភ ពីរឿងខូចចិត្ត។

៦. ដកឃ្លាពីបណ្តាញសង្គម

• អ្នកដែលតាមស្រលាញ់អ្នក អាចនឹងផ្ញើសារមកសួរសុខទុក្ខ ឬខំប្រើវិធីសាស្រ្តយ៉ាងណា ដើម្បីឱ្យអ្នកជឿចិត្តគេ។ ដូច្នេះដើម្បីកុំឱ្យចិត្តទន់ អ្នកមិនគួរចំណាយពេលច្រើន លើបណ្តាញសង្គមពេកទេ៕



You may also like

វប្បធម៌ និងជីវិត

ប្រយោគ​សំខាន់ៗ ដែល​អ្នក​ត្រូវ​រំឭក​ខ្លួនឯង​ពេល​ដែល​ស្នេហា​បែកបាក់

ពេលខូចចិត្តព្រោះរឿងស្នេហា ឬការដែលត្រូវបានគេក្បត់ ឬការបែកបាក់គ្នា ដោយហេតុផលណាមួយក៏ដោយ សុទ្ធតែធ្វើឱ្យយើងឈឺចាប់។ ពេលអារម្មណ៍ឈឺចាប់កើតឡើង គំនិតអវិជ្ជមានជាច្រើន ក៏លេចឡើងដូចគ្នា ដែលបុគ្គលចាប់ផ្តើមបន្ទោសខ្លួនឯង ឬមើលឃើញថាខ្លួនអន់ ខ្លួនមិនល្អគ្រប់គ្រាន់ ទើបគេមិនស្រលាញ់ ឬមិនអាចស្មោះ។ ...
វប្បធម៌ និងជីវិត

រឿង៧យ៉ាង ​ដែល​ភរិយា​គ្រប់​រូប​ចង់​បាន ពី​ស្វាមី​របស់​ខ្លួន

មនុស្សពីរនាក់ស្រលាញ់គ្នា គឺចាប់ផ្តើមពីទំនាក់ទំនង ជាសង្សារជាមុនសិន ទម្រាំបានឈានដល់ការរៀបអាពាហ៍ពិពាហ៍។ ទោះបីជាមានឈ្មោះ ជាប្តីប្រពន្ធហើយក៏ដោយ មនុស្សស្រីនៅតែចង់ឱ្យមនុស្សប្រុស ធ្វើ«រឿង៧យ៉ាង»សម្រាប់នាង៖ ១. ភាពផ្អែមល្ហែម មនុស្សស្រីជាច្រើន តែងចង់ឱ្យស្វាមីរបស់នាង រក្សានូវភាពផ្អែមល្ហែមជាមួយនាង ...
កំសាន្ដ

«ស្ត្រីកំណាន់»​របស់ ពូទីន បង្ហាញខ្លួន​នៅម៉ូស្គូ និងថ្លែងចំអក​បស្ចឹមលោក

អ្នកស្រី «Alina Kabaeva» ដែលប្រព័ន្ធផ្សព្វផ្សាយ បានស្គាល់ថាជា«ស្ត្រីកំណាន់»របស់ប្រធានាធិបតីរ៉ុស្ស៊ី លោក វ្លាឌីមៀរ ពូទីន (Vladimir Poutine) បានបង្ហាញខ្លួន​ដ៏គួរឲ្យភ្ញាក់ផ្អើល ជាមួយក្រុមកីឡាកររ៉ុស្ស៊ី ក្នុងសាលហ្វឹកហាត់មួយ ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...