រឿងរ៉ាវកើតឡើង តាំងពីខែមិថុនា ឆ្នាំកន្លងទៅ ក្នុងឧទ្យាន «Finchley Park» នៃរាជធានីឡុងដ៍ ចក្រភពអង់គ្លេស។ យុវជនម្នាក់នេះ ដែលមានអាយុទើបចូល១៨ឆ្នាំ បាន​«បង្អួតពីឧក្រិដ្ឋកម្មខ្លួន»​តាមរយៈវីដេអូមួយ ដែលថតដោយមិត្តរបស់ខ្លួន។ ក្នុងវីដេអូ គេឃើញយុវជនបង្ហាញបាតដៃប្រឡាក់ឈាម និងនិយាយឡើង ហាក់គ្មានវិប្បដិសារីអ្វីណាសោះឡើយ។ នៅមុននោះ យុវជនរូបនេះ ដែលមានឈ្មោះ «Leary Dalton-Byrne» បានចូលទៅសុំភ្លើងដុតបារី ពីបុរសម្នាក់ឈ្មោះ «Dean Ward» អាយុជាង៤០ឆ្នាំ។ រំពេចនោះ ជម្លោះមួយរវាងអ្នកទាំងពីរ បានកើតឡើង ហើយយុវជនពេញវ័យ បានចាក់បុរស ប្រមាណជាង១០កាំបិត។ ដោយរងរបួសធ្ងន់ធ្ងរ បុរស «Dean ...

ក្នុងរដ្ឋអារីហ្សូណា (Arizona) ភាគខាងលិចសហរដ្ឋអាមេរិក គិលានុបដ្ឋាកមួយរូប ត្រូវបានអាជ្ញាធរចាប់ខ្លួន បន្ទាប់ពីបានសង្ស័យ​បុរសថែទាំអ្នកជំងឺរូបនេះ ថាបានចាប់រំលោភស្ត្រីអ្នកជំងឺម្នាក់ ដែលសន្លប់ស្ដូកស្ដឹងមិនដឹងស្មារតី តាំងពីច្រើនជាង១០ឆ្នាំមកហើយ ខណៈទារកដែលកើតមក ត្រូវបានរកឃើញថាមាន «DNA ដូច»ជនសង្ស័យ។ នគរបាលបានប្រកាស កាលពីថ្ងៃពុធសប្ដាហ៍មុនថា ស្ត្រីរងគ្រោះ ដែលសន្លប់មិនដឹងខ្លួន តាំងពីច្រើនឆ្នាំនោះ ស្រាប់តែផើមមានផ្ទៃពោះឡើង ហើយបានប្រសូតបានទារកមួយរូប កាលពីថ្ងៃទី២៩ ខែធ្នូកន្លងមក។ នគរបាលបន្តថា «DNA» របស់ទារក មានលក្ខណៈដូចជនសង្ស័យបេះបិត ដែលអនុញ្ញាតឲ្យអាជ្ញាធរ ឈានទៅឃាត់ខ្លួនគិលានុបដ្ឋាកខាងលើ។ «DNA ដូច» នាយតម្រួតក្រុង «Phoenix» បានបញ្ជាក់ទៀតថា បុរសថែទាំអ្នកជំងឺ ឈ្មោះ ...

ស្ត្រីអ្នកស្រាវជ្រាវម្នាក់ អាយុ៤៤ឆ្នាំ បានទទួលមរណភាព ដោយត្រូវសត្វក្រពើ លេប​ទាំងរស់ នៅខណៈពេលដែលអ្នកស្រី បានបោះចំណី ដើម្បីចិញ្ចឹមសត្វតិរច្ឆាន ដែលមានបណ្ដោយ ប្រវែង៥ម៉ែត្រ មួយក្បាលនេះ។ ហេតុការណ៍ដ៏រន្ធត់ បានកើតឡើង កាលពីថ្ងៃសុក្រ សប្ដាហ៍មុន ក្នុងមជ្ឈមណ្ឌលស្រាវជ្រាវមួយកន្លែង មានទីតាំង នៅក្រុង «Tomohon» ភាគខាងជើង នៃប្រទេស​ឥណ្ឌូនេស៊ី។ សារព័ត៌មានក្នុងស្រុក «Tribun-Timur» បានរាយការណ៍ថា ដើម្បីចិញ្ចឹមសត្វក្រពើ ដូចរាប់សិបដង អ្នកស្រី «Deasy Tuwo» បានឡើងលើរបងមួយ កំពស់ ២,៥ម៉ែត្រ ហើយបានបោះចំណី ទៅឲ្យសត្វក្រពើរបស់អ្នកស្រី ដែលមានឈ្មោះថា ...

កាយវិការ ដែលបង្កការរំជួលចិត្ត! នៅថ្ងៃទី ២២ ខែធ្នូ ឆ្នាំ២០១៨ ស្ត្រីអ្នកបើករថយន្ដក្រុង ម្នាក់ នៃក្រុង «Milwaukee» រដ្ឋ«Wisconsin» ភាគខាងជើងសហរដ្ឋអាមេរិក បានប្រកបការងាររបស់អ្នកស្រី ដូចធម្មតា។ តែរំពេចនោះ ទិដ្ឋភាពដ៏កម្រមួយ បានកើតឡើងនៅចំពោះអ្នកស្រី និងនៅលើដងផ្លូវ ដែលអ្នកស្រីស្គាល់ច្បាស់ ដូចបាតដៃ។ គឺទារិកាអាយុជាងមួយឆ្នាំម្នាក់ ដែលគ្មានខោអាវពាក់ត្រឹមត្រូវ កំពុងរត់នៅលើចិញ្ចើមថ្នល់ ជាមួយនឹងសីតណ្ហភាពដ៏ត្រជាក់ នៃសិសិររដូវ។ នេះ ជាការរៀបរាប់ឡើង របស់អ្នកស្រី «Irena Ivic» ប្រាប់សារព័ត៌មានក្នុងស្រុក ដោយបញ្ជាក់ថា ទិដ្ឋភាពបែបនេះ មិនអាចឲ្យអ្នកស្រី មើលនឹងភ្នែក ...

ដូចស្ត្រីទូទៅទាំងឡាយដែរ… នាង «Polyana Viana» បានចុះមកចាំរថយន្ដឈ្នួល នៅខាងមុខផ្ទះរបស់នាង ដែលស្ថិតនៅក្រុង «Jacarepagua» ភាគខាងលិច នៃក្រុង «Rio de Janeiro» (ប្រទេសប្រេស៊ីល) កាលពីយប់ថ្ងៃសៅរ៍ ចុងសប្ដាហ៍កន្លងមកនេះ។ រំពេចនោះ ស្រាប់តែមានបុរសម្នាក់ បានរំកិលខ្លួន ដើរមកជិតនាង… បុរសបានសួរជាសំនួរ ចង់ដឹងពីម៉ោង ទៅកាន់នាង «Polyana Viana» ហើយយុវតីរូបនេះ ក៏បានឆ្លើយតបទៅវិញ ដូចធម្មតា ដោយបានគិតថា បន្ទាប់ពីឆ្លើយប្រាប់ហើយ បុរសម្នាក់នេះ នឹងដើរចេញទៅវិញ។ តែមិនអញ្ចឹងទេ… បុរសដ៏ចម្លែក បាននិយាយ ...

ត្រីតុនមួយក្បាល ទម្ងន់២៧៨គីឡូក្រាម ត្រូវបានលក់ដាច់ ក្នុងការដេញថ្លៃមួយ កាលពីថ្ងៃសៅរ៍ម្សិលម៉ិញ ជាមួយនឹងតម្លៃដ៏កំពូល មិនដែលធ្លាប់មានពីមុនមក៖ «៣៣៣,៦លានយ៉េន ដែលត្រូវនឹង ២,៧លានអ៊ឺរ៉ូ ឬ៣,១លានដុល្លារអាមេរិក»។ កំពូលតម្លៃ ដែលបំបែកឯកត្តកម្ម និងដែលមិននឹកស្មានដល់នេះ ធ្វើឡើងក្នុងផ្សារ «Toyosu» នៃរដ្ឋធានីតូក្យូ ប្រទេសជប៉ុន តែប៉ុន្មានថ្ងៃប៉ុណ្ណោះ ក្រោយការចាប់ផ្ដើមឆ្នាំថ្មី ឆ្នាំ២០១៩។ អ្នកទិញ ដែលដេញថ្លៃបានសម្រេច លោក «Kiyoshi Kimura» ថៅកែបណ្ដាញភោជនីយដ្ឋាន «Sushi Zanmai» បានថ្លែងឡើងថា៖ «វាជាត្រីតុនដ៏ល្អមួយ តែរាងថ្លៃជាងការគិតបន្តិច។» លោក «Kiyoshi Kimura» ...