នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។

ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ខែសីហាកន្លងមក ហើយត្រូវបានសារព័ត៌មាន នៅក្នុងប្រទេសអ៊ីតាលីអង្កេត និងចេញរបាយការណ៍ជាបន្តបន្ទាប់។ សារព័ត៌មាន​«La Repubblica» និង«Le Corriere della sera» បាននិយាយថា បុរសជាជនសង្ស័យ ត្រូវបានជួយសង្គ្រោះចេញមក បន្ទាប់ពីជាប់ខ្លួន រវាងពី៨ទៅ៩ម៉ោង នៅក្រោម«ដីធ្លាក់សង្កត់» ស្ថិតនៅកណ្ដាលផ្លូវថ្នល់ នៃសង្កាត់«San Pietro»។

សារព័ត៌មានបានអះអាងថា ដំបូងឡើយអ្នកជួយសង្គ្រោះ បានខូងប្រហោងតូចមួយ ដើម្បីបញ្ជូនបំពង់ខ្យល់ទៅឲ្យបុរសដកដង្ហើម មុននឹងយុទ្ធនាការជីកនិងបូមដី ចាប់ផ្ដើមធ្វើ ដោយត្រាក់ទ័រកាយដី។

បុរសខាងលើ ដែលមានអាយុ៥០ឆ្នាំ ត្រូវបានបញ្ជូនទៅសង្គ្រោះជាបន្ទាន់ នៅឯមន្ទីរពេទ្យ និងកំពុងស្ថិតក្រោមការអង្កេត ពីសមត្ថកិច្ចនគរបាល ដែលបានចាប់ខ្លួន បុរស៣នាក់ទៀត ក្រោមការសង្ស័យ ពីបទផ្សំគំនិត។ 

សារព័ត៌មាន«La Repubblica» បានបញ្ជាក់ថា បុរសជាជនសង្ស័យម្នាក់ (ពីចំណោម៣នាក់) ដែលបានទូរស័ព្ទទៅអាជ្ញាធរ ដើម្បីស្វែងរកការជួយសង្គ្រោះ បន្ទាប់ពីបុរសខាងលើ បានជាប់ខ្លួនក្រោមគំនរដី។ ពួកគេទាំងបី បានប៉ុនប៉ងគេចខ្លួន នៅពេលកម្លាំងនគរបាល បានទៅដល់កន្លែងកើតហេតុ។

បើតាមប្រព័ន្ធផ្សព្វផ្សាយដដែល បានរាយការណ៍ថា ករណីសង្ស័យដ៏សំខាន់ជាងគេ គឺបុរសទាំង៤នាក់បានជីករូងដី ចេញពីហាងទំនេរមួយកន្លែង ដែលជនទាំងនេះទើបនឹងជួលបាន ដើម្បីឆ្ពោះទៅកាន់យ៉ាងហោចធនាគារមួយ ពីចំណោមធនាគារពីរ ដែលស្ថិតនៅក្បែរនោះ។ ពួកគេបានជីករូងដី សម្រេចបានចម្ងាយ ប្រមាណជា៥ ទៅ៦ម៉ែត្រហើយ មុននឹងរងគ្រោះ ដោយដីធ្លាក់សង្កត់។

បុរសទាំង៤ ទំនងជាមានគម្រោងឆ្លៀតឱកាសភាពស្ងប់ស្ងាត់ នៅថ្ងៃចុងសប្ដាហ៍នេះ ដែលនឹងបន្តសម្រាក បន្ថែមមួយថ្ងៃទៀត គឺថ្ងៃចន្ទ ទី១៥ ខែសីហា (ជាថ្ងៃបុណ្យសាសនាគ្រឹស្ទិ៍) ដើម្បីធ្វើសកម្មភាព​ចូលលួចធនាគារ តាមរយៈរូងក្រោមដី៕



You may also like

កីឡា និងបច្ចេកវិទ្យា

គេហដ្ឋាន​កីឡាករ ទីចាហ្គោ ស៊ីលវ៉ា រង​ការចូលលួច ខណៈ​កំពុង​ប្រកួត

ការប្រកួត ក្នុងយប់ថ្ងៃសៅរ៍ទី ២២ ខែធ្នូ ជាការប្រកួតចុងក្រោយបំផុត នៃឆ្នាំ២០១៨ សម្រាប់​ក្របខណ្ឌ បូកពិន្ទុដណ្ដើមជើងឯក «Ligue 1» ក្នុងប្រទេសបារាំង។ ហើយក្រុមប៉ារីស (Paris ...
ពីឆ្វេងទៅស្ដាំ៖ ទិដ្ឋភាពក្នុងថ្នាក់រៀនមួយកន្លែង និងទិដ្ឋភាពនៃការទះកំផ្លៀង កូនសិស្ស ដោយគ្រូបង្រៀន នៅអ៊ីតាលី។ (រូបថតផ្តិតពីវីដេអូ)
កម្រមាន

អ៊ីតាលី៖ គ្រូបង្រៀន«ទះកំផ្លៀង»កូនសិស្ស ព្រោះមិនពាក់ម៉ាស់

បដិសេធក្នុងការពាក់ម៉ាស់ ក្នុងថ្នាក់រៀន ទទួលបានលទ្ធផល ដោយការ«ទះកំផ្លៀង» ពីសំណាក់គ្រូបង្រៀនរបស់ខ្លួន។ នេះ បើតាមរូបភាពវីដេអូ ដែលត្រូវបានបង្ហោះ នៅលើ​បណ្ដាញសង្គម មុននឹងត្រូវប្រព័ន្ធសារព័ត៌មាន នៅប្រទេសអ៊ីតាលី ដកស្រង់​យកមកធ្វើ​របាយការណ៍ព្រោងព្រាត នៅចុងសប្ដាហ៍កន្លងមក។ ...
ដំណឹង

នាយករដ្ឋមន្ត្រី​អ៊ីតាលី ចោទមន្ទីរពេទ្យមួយថាខ្ជីខ្ជាធ្វើឲ្យឆ្លងមេរោគ«កូរូណា»

នាយករដ្ឋមន្ត្រី​អ៊ីតាលី លោក ហ្សូហ្សេប៉េ កុងតេ (Giuseppe Conte) បានទម្លាក់ការទទួលខុសត្រូវ ទៅលើមន្ទីរពេទ្យមួយ ថាជាដើមហេតុ ដែលបណ្តាលឲ្យមានការឆ្លងរាលដាល នៃមេរោគ«កូរូណា»ថ្មី ក្នុងតំបន់ជាច្រើន ក្នុងភាគខាងជើងប្រទេស។ ...

Comments are closed.

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...
កម្រមាន

ឥណ្ឌា៖ ប្រកាសថាស្លាប់ ស្រាប់តែរស់ឡើងវិញ​ ពេលធ្វើ​កោសល្យវិច្ច័យ

ក្នុងរដ្ឋ​«Karnataka» (ភាគខាងត្បូងឥណ្ឌា) បុរសម្នាក់អាយុ២៧ឆ្នាំ ដែលត្រូវបានគ្រូពេទ្យ ប្រកាសថាស្លាប់ បន្ទាប់​ពីបានរងរបួសធ្ងន់ធ្ងរ នៅក្នុងគ្រោះថ្នាក់ដួលម៉ូតូ បានភ្ញាក់ដឹងខ្លួនមកវិញ នៅខណៈពេលសាកសព ត្រូវបានយកទៅ​ធ្វើកោសល្យវិច្ច័យ។ នេះ បើតាមមន្ត្រី​សុខាភិបាល​ឥណ្ឌា ដែលត្រូវបានស្រង់សំដី ...