ចយអើយ! បន្ទាប់ពីបានព្យាយាម​តោងរានហាល​មួយសន្ទុះ ទារិកាអាយុ​២ខួប មួយរូប បានផុតដៃពីជាន់ទី១២ ធ្លាក់ចុះមកក្រោម នៃអគាររស់នៅមួយ ក្នុងរដ្ឋធានីហាណូយ (ប្រទេសវៀតណាម) កាលពីថ្ងៃអាទិត្យ ទី២៨ ខែកុម្ភៈកន្លងមក។ ឈុតឆាកដ៏រន្ធត់ ត្រូវបានថតជាប់ជាវីដេអូ​ដោយអ្នកជិតខាង ជាមួយនឹងសម្រែកឆោឡោខ្លាំងៗ។

តែរូបភាពខាងលើ មិនបានថតជាប់ នៅពេលទារិកាធ្លាក់មកដល់ក្រោមទេ ហើយនាងតូចក៏មិនបានស្លាប់ដែរ ដោយសារ​បុរសអ្នកដឹកទំនិញម្នាក់ បានស្ទុះចេញពីរថយន្ដរបស់ខ្លួន និងផ្លោះឡើងលើដំបូលកំណាត់មួយ ដើម្បីទៅទ្រទារិកាទាន់ពេល។

ស្រង់សំដីដោយសារព័ត៌មាន ក្នុងប្រទេសវៀតណាម បុរសអាយុ៣១ឆ្នាំ ឈ្មោះ«Nguyen Ngoc Manh» បានឲ្យដឹងថា៖

«ភ្លាមៗនោះ ខ្ញុំបានលោតចេញពីរថយន្ដខ្ញុំ ហើយខ្ញុំបានរកឃើញមធ្យោបាយ ដើម្បីផ្លោះឡើង​លើអគារមួយ នៅជិតនោះ។ ខ្ញុំបានឡើងលើដំបូលកំណាត់ ដែលមានកំពស់ប្រមាណជាង២ម៉ែត្រ និងត្រៀមចាំទ្រ ទទួលយកទារិកា ដែលធ្លាក់ពីលើមក។»

ទារិកាអាយុ​២ខួប បានរងគ្រោះបាក់ដៃម្ខាង និងជើងម្ខាង។ បន្ទាប់ពីត្រូវបានបញ្ជូន ទៅសង្គ្រោះនៅឯមន្ទីរពេទ្យ ក្រុមគ្រូពេទ្យអះអាងថា នាងតូចស្ថិតក្នុងស្ថានភាពធម្មតា និងអាចព្យាបាល (តឆ្អឹងដៃ-ជើង) ឲ្យជាសះស្បើយវិញបាន។ មូលហេតុដែលធ្វើឲ្យទារិកា​ទទួលគ្រោះថ្នាក់ ធ្លាក់ពីជាន់ទី១២ មិនត្រូវបាន​រាយការណ៍ឲ្យដឹងទេ។

ចំណែកឯបុរស «Nguyen Ngoc Manh» វិញ បានរងរបួសសើរស្បែកបន្តិចបន្តួច និងត្រូវបានគេចាត់ទុក ថាជា«វីរបុរស» ជាមួយនឹង​«ប័ណ្ណសរសើរ»​ជាច្រើន។ ក្នុងច្បាប់ចេញផ្សាយ ថ្ងៃទី២ ខែមីនានេះ សារព័ត៌មាន «VietNam News» បានដាក់​រូបថតរបស់បុរស នៅនឹងទំព័រមុខរបស់ខ្លួន ជាមួយនឹងចំណងជើងធំៗ ដូច្នេះថា «Super Manh»៕



You may also like

របាយការណ៍

ពិត​ឬ បុព្វហេតុ ហ៊ុន សែន ទៅ​ហៅ​វៀតណាម​មករំដោះ​​កម្ពុជា?

ជាថ្មីម្ដងទៀត លោក ហ៊ុន សែន បានរំលើកពី«បុព្វហេតុ»របស់លោក ដោយហៅការចាកចេញ​ពីប្រទេស​កម្ពុជា ចូលទៅក្នុងប្រទេស​វៀតណាម ថា​ជា​«ការស្វែង​រកការជួយ​ឧបត្ថម្ភ» ក្នុងការរំដោះជាតិ​ចេញពីរបបខ្មែរក្រហម។ បញ្ហា… ​នៅ​ត្រង់​ថា ពលរដ្ឋ​ខ្មែរ​នៅ​ខ្វះប្រភព​ឯករាជ្យ ដែល​អាច​បញ្ជាក់​ពីប្រវត្តិសាស្ត្រ​ត្រង់នេះ ...
កម្រមាន

ឆ្កែ​មួយក្បាល​សង្គ្រោះ​ទារក ដែលត្រូវម្ដាយ​យកទៅ​«កប់ចោល»​ទាំងរស់

សុនខមួយក្បាលឈ្មោះ «Ping Pong» បានជួយសង្គ្រោះទារកក្រហមរងាលម្នាក់ ដែលត្រូវបានម្ដាយរបស់ខ្លួន​យកទៅ«កប់ចោល» ទាំងនៅមានដង្ហើមដក កណ្តាលចំការមួយកន្លែង ស្ថិតនៅភាគខាងជើង នៃប្រទេសថៃ។ នគរបាលក្នុងស្រុក បានអះអាងពីដំណឹងនេះ ដោយសង្កត់ធ្ងន់បន្ថែមថា ម្ដាយទារកដែលជាស្ត្រី ...
កម្ពុជា

បក្ស«GDP»លើកឡើងពី​មូលហេតុ​៤ ដែលវៀតណាម​​ឈ្លានពាន​កម្ពុជា

នៅចំពោះភាពប្រទាំងប្រទើស រវាងក្រុមអ្នកគាំទ្រ និងក្រុមអ្នកប្រឆាំង ដែលលើក​ឡើង​ខុសៗគ្នា អំពីអត្ថន័យ​នៃថ្ងៃ៧មករា ឆ្នាំ១៩៧៩នោះ គណបក្សប្រជាធិបតេយ្យមូលដ្ឋាន ហៅកាត់ «GDP» បានពន្យល់ជាសាធារណៈ ហៅព្រឹត្តិការណ៍នៅចុងឆ្នាំ១៩៧៨ និង​ដើម​ឆ្នាំ១៩៧៩ ថាជា​ការលុកលុយប្រទេសកម្ពុជា ...

Comments are closed.

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...