ថ្ងៃនេះ អាជ័យនាងគ្រត សូមជូនចម្រៀងដ៏ល្បីមួយបទ ដែលមានចំណងជើងថា «ដូចមានអ៊ំហូ នៅថ្ងៃបុណ្យជោគជ័យ»។ ចម្រៀងនេះ ត្រូវបានស្នើឡើង ដើម្បីចូលរួមអបអរសាទរយ៉ាងក្លៀវក្លា ខួបកំណើតនៃគណបក្សប្រជាជនកម្ពុជា (CPP) ដែលជាផ្នែកមួយនៃគណបក្សកុម្មុយនីស្ដិ៍ឥណ្ឌូចិន បង្កើតឡើងដោយសមមិត្ត ង្វៀន អាយកួក (Nguyễn Ái Quốc) ឬលោកអ៊ំ ហូ ជីមិញ កាលពីឆ្នាំ១៩៥១។
មានចំណងជើងជាភាសាវៀតណាម «Như có Bác trong ngày đại thắng» ចម្រៀង«ដូចមានអ៊ំហូ» ត្រូវបានបកប្រែ ច្រៀងជាខេមរភាសា និងចាក់ផ្សាយយ៉ាងគគ្រឹកគគ្រេង នៅតាមវិទ្យុសម្លេងប្រជាជនបដិវត្តកម្ពុជា ក្នុងចុងទសវត្សរ៍ឆ្នាំ៧០ និងដើមទសវត្សរ៍ឆ្នាំ៨០ នាសម័យកាលសាធារណរដ្ឋប្រជាមានិតកម្ពុជា។
ផ្ទុយពីចម្រៀងជាខេមរភាសា ដែលពិបាករកសំណៅដើម ដើម្បីបញ្ជាក់ពីអ្នកបកប្រែ ឬអ្នកដឹកនាំភ្លេង… ចម្រៀងដើមជាភាសាវៀតណាម ត្រូវបានកត់ត្រាទុក នៅក្នុងសំណៅឯកសាររបស់ប្រទេសវៀតណាម និងត្រូវបានយកមកឲ្យកុមារវៀតណាមជំនាន់ក្រោយ ច្រៀងឡើងវិញ នៅរៀងរាល់ពេល មានពិធីបុណ្យរំឭកខួបម្ដងៗ ដែលទាក់ទងនឹង«អ៊ំហូ»។ ចម្រៀងនេះ និពន្ធទំនុកនិងបទភ្លេង ដោយសមមិត្ត ផាម ទៀង (Phạm Tuyên)។
សូមជូនទំនុកច្រៀង នៃចម្រៀងខាងលើ ដើម្បីទុកជូនប្រិយមិត្តច្រៀងកម្សាន្ដ ឬរៀនច្រៀង (ជាភាសាវៀតណាម មុននឹងបកប្រែជូន ជាខេមរភាសានៅខាងក្រោម)៖
- Như có Bác Hồ trong ngày vui đại thắng
- Lời Bác nay đã thành chiến thắng huy hoàng.
- Ba mươi năm đấu tranh giành toàn vẹn non sông.
- Ba mươi năm dân chủ cộng hòa kháng chiến đã thành công.
- Việt Nam – Hồ Chí Minh.
- …Việt Nam – Hồ Chí Minh.
- Việt Nam – Hồ Chí Minh.
- …Việt Nam-Hồ Chí Minh
(ខេមរភាសា)
- ដូចមានអ៊ំហូ នៅថ្ងៃបុណ្យជោគជ័យ
- សំដីអ៊ំក្លាយជាជ័យជំនះធំ
- ៣០ឆ្នាំរបស់អ៊ំ តស៊ូដណ្ដើមដែនដី
- ៣០ឆ្នាំជោគជ័យ ដើម្បីបដិវត្តថ្លៃថ្លា
- វៀតណាម – ហូជីមិញ
- …វៀតណាម – ហូជីមិញ
- វៀតណាម – ហូជីមិញ
- …វៀតណាម – ហូជីមិញ
