កម្ពុជាដំណឹង

បែកធ្លាយ ៖ ហ៊ុន សែន ឲ្យឆ្នៃសាលារៀន ធ្វើជា​មន្ទីរពេទ្យ​​«Covid-19»

បែកធ្លាយ ៖ នាយករដ្ឋមន្ត្រី នៃរដ្ឋាភិបាលឯកបក្ស នៅកម្ពុជា លោក ហ៊ុន សែន បានបញ្ជា ទៅគណៈអភិបាលខេត្តក្រុងទាំងអស់ (លើកលែងតែរាជធានីភ្នំពេញ) ឲ្យជ្រើសរើសយកសាលារៀន ដើម្បីកែឆ្នៃធ្វើជាមន្ទីរពេទ្យ សម្រាប់ទទួលអ្នកជំងឺ «Covid-19» ដែលអាចនឹងរីករាលដាល ក្នុងពេលខាងមុខ។

សារសម្លេងចំនួនពីរ ដែលបានបែកធ្លាយ មកដល់ទស្សនាវដ្ដីមនោរម្យ.អាំងហ្វូ បានឲ្យដឹងថា លោក ហ៊ុន សែន បានទទួលស្គាល់ថា កម្ពុជានៅខណៈនេះ មិនទាន់បានត្រៀមបម្រុងអ្វី ដើម្បីទប់ទល់នឹងគ្រោះអាសន្ន នៃមេរោគ «កូរូណា» ឬ «Covid-19» នោះនៅឡើយ។ លោកនាយករដ្ឋមន្ត្រី បានថ្លែងតាមរយៈ សារសម្លេងនោះថា៖

«អ្នកជំងឺរបស់យើង នៅកន្លែងខ្លះ មានការកើនឡើង ដូចជានៅខេត្តព្រះសីហនុជាដើម។  អញ្ចឹងបើកើនឡើងរបៀបនេះ ធ្វើឲ្យកន្លែងដែលយើងទទួល [អ្នកជំងឺ] គឺវាមិនគ្រប់គ្រាន់ទេ។ អញ្ចឹង ខ្ញុំបានពិភាក្សាជាមួយបង ម៉ម ប៊ុនហេង (រដ្ឋមន្ត្រីសុខាភិបាល) គឺយើងត្រូវប្រើប្រាស់សាលារៀន។»

សារឯកជនដែល«បែកធ្លាយ» មានចំនួនពីរ…

បុរសខ្លាំងកម្ពុជា បានឲ្យបញ្ជាបន្ថែមថា បើសិនជាចាំបាច់ ត្រូវប្រើកម្លាំងនគរបាល និងទាហាន ដើម្បីធ្វើកិច្ចការនេះ ជាពិសេសត្រូវដោះស្រាយ ឲ្យបានជាបន្ទាន់ នូវប្រព័ន្ធទឹក-ភ្លើង និងបង្គន់អានាម័យ។

សារជាសម្លេងនោះ ទំនងជាត្រូវលោក ហ៊ុន សែន ផ្ញើរចូលក្នុងក្រុមពិភាក្សា ជាលក្ខណៈឯកជនមួយ ដែលលោកហៅថា «Groupe ប្រឆាំង Covid-19)»។ នៅក្នុងសារសម្លេងទីពីរ បានឲ្យដឹងបន្តថា លោកនាយករដ្ឋមន្ត្រី បានបញ្ជា​ឲ្យបណ្ដា​អភិបាលខេត្ត ត្រូវស្ដាប់សារបញ្ជាទីមួយរបស់លោក ហើយត្រូវដឹកនាំកិច្ចការកែឆ្នៃសាលារៀននេះ ដោយផ្ទាល់ និងសហការជាមួយក្រសួងសុខាភិបាល តាមរយៈមន្ទីរសុខាភិបាល នៅតាមខេត្ត។

សូមទស្សនា និងស្ដាប់សារសម្លេង របស់លោក ហ៊ុន សែន នោះទាំងស្រុងដូចតទៅ៖



លំអិតបន្ថែមទៀត

កម្ពុជា

ហ៊ុន សែន ថា​នាយករដ្ឋមន្ត្រី​សិង្ហបូរី​ប្រមាថ​ដល់​«ពលិកម្ម»​កងទ័ព​​វៀតណាម

លោក ហ៊ុន សែន នាយករដ្ឋមន្ត្រីកម្ពុជា បានហៅការលើកឡើង​របស់លោក លី សៀនឡុង (Lee Hsien Loong) នាយករដ្ឋមន្ត្រីសិង្ហបូរី ដែលនិយាយរំលឹកថា វៀតណាមបានចូលឈ្លានពានកម្ពុជា ...
កម្ពុជា

សម រង្ស៊ី ថា​ទាល់តែ​លោក​ជិត​វិលចូល​ស្រុក ទើប ហ៊ុន សែន គិត​ធ្វើល្អ

មេដឹកនាំប្រឆាំង លោក សម រង្ស៊ី បានអះអាងពីក្រៅប្រទេសថា ទាល់តែលោក​«ជិត​វិល»​ចូលស្រុកវិញ ទើបលោក ហ៊ុន សែន និងរបបក្រុងភ្នំពេញសព្វថ្ងៃ ចាប់ផ្ដើម«គិត​ធ្វើល្អ»។ ការថ្លែងរបស់ប្រធានស្ដីទីគណបក្សប្រឆាំង ធ្វើឡើងដើម្បីតប ...
វិភាគ អត្ថាធិប្បាយ

អ្នកវិភាគថា ហ៊ុន សែន ទើប​(ធ្វើជា)​ភ្ញាក់ខ្លួន អំពី​ប្រព័ន្ធយុត្តិធម៌​នៅកម្ពុជា

ក្រុមអ្នកវិភាគបានរិះគន់នាយករដ្ឋមន្ត្រីកម្ពុជា លោក ហ៊ុន សែន ថា«ទើប​(ធ្វើជា)​ភ្ញាក់ខ្លួន» បន្ទាប់ពីបុរសខ្លាំងរូបនេះ បានស្នើឲ្យចាក់ផ្សាយភាពយន្ដភាគចិន រឿង«ប៉ាវចិន» ដើម្បីធ្វើកំណែទម្រង់ប្រព័ន្ធយុត្តិធម៌ នៅកម្ពុជា។ អ្នកវិភាគខ្លះ ថែមទាំងបរិហារលោកនាយករដ្ឋមន្ត្រីទៀតថា នេះបង្ហាញឲ្យកាន់តែឃើញថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...