ប្រទេសហុងគ្រី មានជំហរចង់ឲ្យការខ្វែងគំនិតគ្នា រវាងសហភាពអ៊ឺរ៉ុប និងរបបក្រុងភ្នំពេញ ជុំវិញកម្មវិធីអនុគ្រោះពន្ធ ដែលមានឈ្មោះថា «អ្វីៗទាំងអស់លើកលែងតែសព្វាវុធ – EBA» គួរត្រូវដោះស្រាយ ដោយមិនជាប់ពាក់ព័ន្ធ នឹងបញ្ហានយោបាយ។ 

ខាងលើនេះ ជាការអះអាងឡើង របស់នាយករដ្ឋមន្ត្រីនៃប្រទេសហុងគ្រី លោក វិចទ័រ អ័របង់ (Viktor Orban) ដែលបានថ្លែង​យ៉ាងប្រយ័ត្នប្រយែង ទៅកាន់លោកនាយករដ្ឋមន្ត្រី ហ៊ុន សែន នៅក្នុងជំនួបការងារ រវាងមេដឹកនាំ​នៃប្រទេសទាំងពីរ កាលពីល្ងាច​ថ្ងៃព្រហស្បត្តិ៍ ទី១៣ ខែមិថុនា ឆ្នាំ២០១៩ម្សិលម៉ិញ នារដ្ឋធានីប៊ុ​យ​ដា​ប៉េ​ស ប្រទេសហុងគ្រី។

ក្នុងសេចក្ដីប្រកាសព័ត៌មានមួយ របស់ខុទ្ទកាល័យនាយករដ្ឋមន្ត្រីហុងគ្រី ដែលចេញផ្សាយ កាលពីប៉ុន្មានម៉ោងមុន បានឲ្យដឹងថា លោកនាយករដ្ឋមន្ត្រី អ័របង់ គាំទ្រឲ្យមានការពង្រឹង ចំពោះទំនាក់ទំនងពាណិជ្ជកម្ម រវាងសហភាពអ៊ឺរ៉ុប និងប្រទេសកម្ពុជា ហើយថា រាល់បញ្ហាដែលកើតមាន គួរត្រូវបានដោះស្រាយ ដាច់ដោយឡែក ពីបញ្ហានយោបាយ​ផ្សេងទៀត។

«ពិភាក្សាយ៉ាងយកចិត្តទុកដាក់» ទៅលើបញ្ហា EBA

ដោយឡែក ទំព័រហ្វេសប៊ុក របស់លោកនាយករដ្ឋមន្ត្រី ហ៊ុន សែន បានស្រង់សំដីរបស់លោក អ័របង់ មកសរសេក្នុងករណីនេះថា៖

«បញ្ហា EBA វាគឺជារឿងខ្វែងគំនិតគ្នា រវាងសហភាពអឺរ៉ុប និង​កម្ពុជា។ ផ្ទុយទៅវិញ ហុងគ្រីតែងតែឈរ និងគាំទ្រកម្ពុជាជានិច្ច។ ពិសេសទៅទៀតនោះ ហុងគ្រីមិន​គាំទ្របញ្ហានយោបាយ និងបញ្ហាពាណិជ្ជកម្ម សេដ្ឋកិច្ច មានភាពច្របូកច្របល់គ្នានោះទេ។»

ទំព័រហ្វេសប៊ុកនោះ បានសរសេរបញ្ជាក់ថា លោក ហ៊ុន សែន បានលើក «ការពិភាក្សា យ៉ាងយកចិត្តទុកដាក់» ទាក់ទិនទៅ​នឹង​គោលជំហរ និងទស្សនៈរបស់ហុងគ្រី ពាក់ព័ន្ធទៅនឹងគោលនយោបាយ របស់ សហភាពអឺរ៉ុប ពិសេសពាកព័ន្ធទៅនឹងបញ្ហា «EBA»។

ការគូសបញ្ជាក់ អំពី«ការពិភាក្សាយ៉ាងយកចិត្តទុកដាក់» ធ្វើឡើងផ្ទុយពីជំហរជាសាធារណៈ របស់បុរសខ្លាំងកម្ពុជា ដែលតែងប្រកាស ក្នុងពេលកន្លងមកថា លោកមិនខ្វល់ ពីការព្រមានព្យួរប្រព័ន្ធអនុគ្រោះពន្ធខាងលើ ពីសំណាក់សហភាពអ៊ឺរ៉ុបនោះឡើយ។

EU រំឭកជាថ្មី…

កាលពីថ្ងៃទី១១ ខែមិថុនានេះ សហភាពអ៊ឺរ៉ុបបានរំឭកប្រទេសកម្ពុជា សារជាថ្មីទៀត ឲ្យដោះស្រាយក្ដីកង្វល់ទាំងឡាយ ទាក់ទង​បញ្ហាសិទ្ធិមនុស្ស និងសិទ្ធិការងារ ដើម្បីអាចរក្សាទុកនូវប្រព័ន្ធអនុគ្រោះពន្ធខាងលើ។ ការរំឭកនេះ ធ្វើឡើងបន្ទាប់​ក្រុមប្រតិភូសហភាពអ៊ឺរ៉ុប បានបញ្ចប់បេសកកម្ម ស្វែងរកការពិត នៅកម្ពុជា កាលពីថ្ងៃទី១០ ខែមិថុនារួចរាល់។

សេចក្ដីប្រកាសព័ត៌មាន របស់សហភាពអ៊ឺរ៉ុប ដែលទស្សនាវដ្ដីមនោរម្យ.អាំងហ្វូ ទទួលបានមួយច្បាប់ បានសរសេរថា៖

«សហភាពអឺរ៉ុបបញ្ជាក់ ពីការប្តេជ្ញាចិត្តរបស់ខ្លួន ក្នុងកិច្ចធ្វើការជាមួយអាជ្ញាធរកម្ពុជា ដើម្បីសំរេចបាន នូវគោលបំណងទាំងនេះ តែបានរំឭកប្រទេសកម្ពុជា ថា”ត្រូវតែ”បង្ហាញ ពីភាពជឿនលឿនពិតប្រាកដ និងគួរឱ្យជឿជាក់បាន ទាក់ទងនឹងកង្វល់ ដែលបានលើកឡើង។»

«កង្វល់ដែលបានលើកឡើង»នោះ ត្រូវបានសហភាពអ៊ឺរ៉ុបអះអាងថា មានចំនួនបួនដូចខាងក្រោម៖

  • សិទ្ធិនយោបាយ
  • សេរីភាពបញ្ចេញមតិនិងសេរីភាពក្នុងការបង្កើតសមាគម
  • សិទ្ធិក្នុងការរៀបចំ និងជួបប្រជុំជាសមូហភាព
  • ការបណ្ដេញចេញ ពីដីធ្លីផ្ទះសម្បែង បង្កឡើងពីសម្បទានដីសេដ្ឋកិច្ច (សម្បទានដីសេដ្ឋកិច្ច) ជាពិសេសនៅក្នុងវិស័យស្ករអំពៅ។

សូមជម្រាបជូនដែរថា ប្រទសហុងគ្រី ដែលមានចំនួនប្រជាជន ប្រមាណជិត១០លាននាក់ ជាសមាជិកមួយ ពីក្នុងចំណោមសមាជិក ទាំង២៨ (រាប់ទាំងចក្រភពអង់គ្លេស) នៃសហភាពអ៊ឺរ៉ុប។ សមាជិកភាពរបស់ប្រទេសនេះ ត្រូវបានទទួលយល់ព្រម ដោយសហភាពអ៊ឺរ៉ុប នៅឆ្នាំ២០០៤ ទន្ទឹមនឹងប្រទេស​ចំនួន៩ផ្សេងទៀត៕

ការលើកឡើងរបស់លោក អ័របង់ ជាកិច្ចបម្រើផលប្រយោជន៍ របស់ប្រទេសហុងគ្រី។ ប៉ុន្តែហុងគ្រី – ដែលមានប្រជាជន១០លាននាក់…

Posted by ព្រហ្ម គិត on Friday, June 14, 2019


លំអិតបន្ថែមទៀត

កម្ពុជា

អ្នកវិភាគថា ក្រោយយួន«ដកទ័ព» កម្ពុជាមិនអាចដួលរលំបានទេ

នៅចំពោះការអះអាង របស់នាយករដ្ឋមន្ត្រីចាស់វស្សា នៅកម្ពុជា ដែលថ្លែងអួតអាង ដោយមោទនភាព អំពីការដឹកនាំជិត៤០ឆ្នាំរបស់ខ្លួននោះ អ្នកឃ្លាំមើលស្ថានការណ៍នយោបាយ និងសង្គមកម្ពុជា បានប្រតិកម្មយ៉ាងសាមញ្ញថា គឺស្ថានការណ៍ភូមិសាស្ត្រនយោបាយតំបន់ និងពិភពលោក បង្ខំឲ្យយួនត្រូវ«ដកទ័ព» ចេញពីកម្ពុជា ...
កម្ពុជា

ហ៊ុន សែន បន្តហាម​ពលរដ្ឋខ្មែរ​ដែលមាន​រោគសញ្ញា កុំឲ្យ​វិលចូល​មាតុភូមិ

លោកនាយករដ្ឋមន្ត្រី ហ៊ុន សែន បានប្រកាសបន្តមិនអើពើ ចំពោះពលរដ្ឋខ្មែរ ដែលរងទុក្ខនៅក្រៅប្រទេស ជាពិសេសលោក ហ៊ុន សែន បានបន្តហាមពលរដ្ឋខ្មែរទាំងនោះ កុំឲ្យ​វិលចូល​មាតុភូមិ ប្រសិនជាពួកគេមានរោគសញ្ញា នៃជំងឺ ...
កម្ពុជា

ហ៊ុន សែន ឲ្យប្រើ​«ក្រមា»​ជំនួស​​«ម៉ាស់» ដើម្បី​ការពារ​«Covid-19»

ដើម្បីការពារពលរដ្ឋកម្ពុជា ពីការឆ្លងជំងឺរលាកផ្លូវដង្ហើម ដែលបណ្ដាល មកពីមេរោគ«កូរូណា»ថ្មី ឬហៅតាមពាក្យបច្ចេកទេស «Covid-19» លោកនាយករដ្ឋមន្ត្រី ហ៊ុន សែន បានប្រកាសឲ្យប្រើ«ក្រមា» ជំនួសឲ្យ«ម៉ាស់» ដែលពាក់ការពារមាត់ និងច្រមុះ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...