កម្ពុជាដំណឹង

EU រំឭក​កម្ពុជា​ចុងក្រោយ​អំពី​កាតព្វកិច្ច​សិទ្ធិមនុស្ស ដើម្បី​រក្សាទុក EBA

ប្រទេសកម្ពុជាត្រូវតែបង្ហាញ ពីភាពជឿនលឿនពិតប្រាកដ និងគួរឱ្យជឿជាក់បាន លើបញ្ហាដែលគួរឲ្យព្រួយបារម្ភ ទាក់ទងបញ្ហាសិទ្ធិមនុស្ស និងសិទ្ធិការងារ ដើម្បីចៀសវាងការដកចេញ នូវប្រព័ន្ធអនុគ្រោះពន្ធហៅថា «EBA»។ នេះ បើតាមសេចក្ដីប្រកាសព័ត៌មាន ចុះថ្ងៃទី១១ ខែមិថុនា ឆ្នាំ២០១៩ របស់​សហភាពអ៊ឺរ៉ុប (EU)​ ពីរាជធានីព្រុយហ្សែល (ប៊ែលហ្សិក)។

សហភាពអ៊ឺរ៉ុបបានបញ្ជូនប្រតិភូ ស្វែងរកការពិត ជាលើកទីពីររបស់ផងខ្លួន ទៅកាន់ប្រទេសកម្ពុជា រវាងពីថ្ងៃទី៣ មកទល់នឹងថ្ងៃទី១០ ខែមិថុនា ឆ្នាំ២០១៩ ដើម្បីវាយតម្លៃស្ថានការណ៍នៅក្នុងប្រទេសកម្ពុជា ដែលអាចប្រឈមនឹងការព្យួរចេញ ជាបណ្ដោះ​អាសន្ន នូវប្រព័ន្ធអនុគ្រោះពន្ធ «EBA» ដែលអនុញ្ញាតឲ្យកម្ពុជា នាំទំនិញចូលទីផ្សារនៃសហភាពអ៊ឺរ៉ុប ដោយលើកលែង​ការបង់ពន្ធ។

បេសកកម្មនោះ អនុញ្ញាតឲ្យប្រតិភូនៃសហភាពអ៊ឺរ៉ុប បានជួបពិភាក្សា ជាមួយមន្ត្រីជាន់ខ្ពស់ នៃរបបក្រុងភ្នំពេញ អង្គការអន្តរជាតិ សហជីព សង្គមស៊ីវិល និងស្ថានទូតបរទេសមួយចំនួន ប្រចាំក្នុងប្រទេសកម្ពុជា។ 

សេចក្ដីប្រកាសព័ត៌មាន ដែលទើបនឹងធ្លាក់ មកដល់ដៃអ្នកសារព័ត៌មាន នៅថ្ងៃទី១២ ខែមិថុនានេះ បានឲ្យដឹងថា បេសកកម្មរបស់ប្រតិភូសហភាពអ៊ឺរ៉ុប គឺសិក្សាផ្ដោត​ទៅលើ​កង្វល់សំខាន់ៗ រួមទាំងការរំលោភបំពាន ដ៏គួរឲ្យកត់សម្គាល់ ពាក់ព័ន្ធនឹង៖

  • សិទ្ធិនយោបាយ
  • សេរីភាពបញ្ចេញមតិនិងសេរីភាពក្នុងការបង្កើតសមាគម
  • សិទ្ធិក្នុងការរៀបចំ និងជួបប្រជុំជាសមូហភាព
  • ការបណ្ដេញចេញ ពីដីធ្លីផ្ទះសម្បែង បង្កឡើងពីសម្បទានដីសេដ្ឋកិច្ច (សម្បទានដីសេដ្ឋកិច្ច) ជាពិសេសនៅក្នុងវិស័យស្ករអំពៅ។

បេសកកម្មចុងក្រោយ និងការរំឭក

បន្ទាប់ពីបេសកកម្មចុងក្រោយនេះ សហភាពអ៊ឺរ៉ុបនឹងចេញរបាយការណ៍ វាយតម្លៃពីស្ថានការណ៍ នៃការគោរពសិទ្ធិមនុស្ស និងសិទ្ធិការងារ ចាប់ពីពាក់កណ្ដាលខែសីហា ឆ្នាំ២០១៩ខាងមុខនេះ ហើយប្រទេស​កម្ពុជា នៅមានឱកាស១ខែ ដើម្បីធ្វើការឆ្លើយតប នឹងរបាយការណ៍នោះ។

សេចក្ដីប្រកាសព័ត៌មាន បានបញ្ជាក់ថា គោលបំណងរបស់សហភាពអឺរ៉ុប គឺដើម្បីដោះស្រាយក្ដីកង្វល់ទាំងឡាយ ទាក់ទងបញ្ហាសិទ្ធិមនុស្ស និងសិទ្ធិការងារ។ សហភាពអឺរ៉ុបបញ្ជាក់ពីការប្តេជ្ញាចិត្តរបស់ខ្លួន ក្នុងកិច្ចធ្វើការជាមួយអាជ្ញាធរកម្ពុជា ដើម្បីសំរេចបាន នូវគោលបំណងទាំងនេះ តែបានរំឭកប្រទេសកម្ពុជា ថា«ត្រូវ»តែបង្ហាញ ពីភាពជឿនលឿនពិតប្រាកដ និងគួរឱ្យជឿជាក់បាន ទាក់ទងនឹងកង្វល់ ដែលបានលើកឡើង។

យ៉ាងណា ប្រតិភូសហភាពអ៊ឺរ៉ុប​បានកត់សម្គាល់ ពីវិធានការមួយចំនួន ដែលកម្ពុជាបានលើកឡើង ចំពោះការកែលម្អ អនុលោមតាមបទដ្ឋានអន្តរជាតិ ស្តីពីសេរីភាពនៃការបង្កើតសមាគម និងការជួបប្រជុំជាសមូហភាព ក៏ដូចជាការដោះស្រាយវិវាទដីធ្លីមួយចំនួន ទាក់ទងនឹងសម្បទានដីធ្លី​សេដ្ឋកិច្ច។

កម្ពុជា ជាប្រទេសទីពីរ ដែលទទួលបានផលចំណេញយ៉ាងសន្ធឹកសន្ធាប់ ពីកម្មវិធីអនុគ្រោះពន្ធ «EBA» ក្នុងការនាំទំនិញរបស់ខ្លួន ចូលទៅក្នុងលំហរទីផ្សារ «EU»។ សម្រាប់ឆ្នាំ២០១៨កន្លងទៅនេះ ទំនិញកម្ពុជាមានបរិមាណ គិតជាតួលេខច្រើនជាង​១៨% នៃទំនិញទាំងអស់ ដែលនាំចូលក្នុងសហភាពអ៊ឺរ៉ុប ក្រោមកម្មវិធីអនុគ្រោះពន្ធ «EBA» ដែលត្រូវជាទឹកប្រាក់ ៥,៣ពាន់លានអ៊ឺរ៉ូ (ប្រមាណជា៦ពាន់លានដុល្លារអាមេរិក)៕



លំអិតបន្ថែមទៀត

វិភាគ អត្ថាធិប្បាយ

អ្នកវិភាគថា ហ៊ុន សែន ទើប​(ធ្វើជា)​ភ្ញាក់ខ្លួន អំពី​ប្រព័ន្ធយុត្តិធម៌​នៅកម្ពុជា

ក្រុមអ្នកវិភាគបានរិះគន់នាយករដ្ឋមន្ត្រីកម្ពុជា លោក ហ៊ុន សែន ថា«ទើប​(ធ្វើជា)​ភ្ញាក់ខ្លួន» បន្ទាប់ពីបុរសខ្លាំងរូបនេះ បានស្នើឲ្យចាក់ផ្សាយភាពយន្ដភាគចិន រឿង«ប៉ាវចិន» ដើម្បីធ្វើកំណែទម្រង់ប្រព័ន្ធយុត្តិធម៌ នៅកម្ពុជា។ អ្នកវិភាគខ្លះ ថែមទាំងបរិហារលោកនាយករដ្ឋមន្ត្រីទៀតថា នេះបង្ហាញឲ្យកាន់តែឃើញថា ...
កម្ពុជា

សង្ឃ ហោ សុខុន ត្រូវបាន​«ចាប់ផ្សឹក»​ក្នុងយប់ថ្ងៃពុធនេះ

ព្រះចៅអធិការវត្តច្បារអំពៅ ព្រះតេជគុណ ហោ សុខុន ត្រូវបានក្រុមអាជ្ញាធរ នាំចេញពីវត្ត ដើម្បី«ចាប់ផ្សឹក»​ក្នុងយប់ថ្ងៃទី១៣ ខែកុម្ភៈ ឆ្នាំ២០១៩នេះ។ ប្រភពស្និតនឹងដំណើររឿង បានឲ្យដឹងថា សង្ឃទីប្រឹក្សា ហោ ...
កម្ពុជា

ហ៊ុន សែន ធ្លោយឲ្យដឹង​ពី​សម្ព័ន្ធភាព រវាង​កងទ័ព​និង​ក្រុមហ៊ុន​ឯកជន

ការប្រកាសប្រើលុយ របស់ក្រុមហ៊ុនឯកជន ឬក្រុមឧកញ៉ា ដើម្បីទិញរថយន្ដ​យោធា​ពីចិន យកមក​បំពាក់​ឲ្យកងកម្លាំងជាតិ បានតម្រូវឲ្យលោក ហ៊ុន សែន បញ្ចេញប្រតិកម្ម ដើម្បីការពារ​នយោបាយ​របស់លោក​មួយនេះ រហូតលោកបានធ្លោយមាត់ ឲ្យដឹងថា នៅ​ក្នុងព្រះរាជាណាចក្រ​អច្ឆរិយៈ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...
កម្ពុជា

ហ៊ុន សែន ឲ្យប្រគល់​«សត្វតោ»​ទៅម្ចាស់វិញ ខណៈ​មន្ត្រីថា​អនុវត្តច្បាប់

ប្រសិនជាមន្ត្រីក្រសួងកសិកម្ម និងបរិស្ថាន ខិតខំពន្យល់ថា ទង្វើរឹបអូស«សត្វតោ» ជាការអនុវត្តច្បាប់នោះ ទីបំផុតទៅ លោក ហ៊ុន សែន បានចេញបញ្ជាឲ្យប្រគល់សត្វតោនេះ ត្រឡប់ទៅឲ្យម្ចាស់ដើម ដែលជាជនជាតិចិនវិញ។ បុរសខ្លាំងនៅកម្ពុជា ...