អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” និងជាភាសាបារាំង “Groupe d’action financière – GAFI”) បានដកប្រទេស កម្ពុជា ចេញពី«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់អង្គការអន្តរ-រដ្ឋាភិបាលមួយនេះ។

សេចក្ដីប្រកាសព័ត៌មាន របស់អង្គការ«FATF – GAFI» ចេញផ្សាយនៅថ្ងៃសុក្រ ទី២៤ ខែកុម្ភៈ ឆ្នាំ២០២៣ បានអះអាងថា កម្ពុជា និងម៉ារ៉ុក ជាប្រទេសពីរ ដែលបានរួចផុតពី«បញ្ជីប្រផេះ» នៃនីតិវិធីឃ្លាំមើលយ៉ាងដិតដល់ ចំពោះចរន្ដនៃការលាងលុយកខ្វក់ នៅក្នុងពិភពលោក។ ការរួចផុតពីបញ្ជី ដែលមានពណ៏មិនសូវល្អមួយនេះ ធ្វើឡើងក្រោមហេតុផលថា ប្រទេសទាំងពីរបានធ្វើឲ្យប្រសើរឡើង នូវផែនការសកម្មភាពរបស់ខ្លួន ចំពោះការប្រយុទ្ធប្រឆាំងនឹងការលាងលុយ។

អង្គការខាងលើបានសរសេរថា៖

«កម្ពុជា និងម៉ារុក បានដោះស្រាយនូវកង្វះខាតបច្ចេកទេសរបស់ខ្លួន ដើម្បីឆ្លើយតប​តាមការប្តេជ្ញាចិត្ត ​នៃផែនការសកម្មភាពរបស់ខ្លួន លើចំណុចខ្វះខាតជាយុទ្ធសាស្រ្តទាំងឡាយ ដែលអង្គការ FATF បានកំណត់ក្នុងខែកុម្ភៈ ឆ្នាំ២០១៩ និងឆ្នាំ២០២១។»

«ប្រទេសទាំងពីរលែងជាកម្មវត្ថុ នៃដំណើរការត្រួតពិនិត្យយ៉ាងដិតដល់ របស់អង្គការ FATF ទៀតហើយ ប៉ុន្តែប្រទេសទាំងពីរ ត្រូវបន្តធ្វើការ​ជាមួយស្ថាប័ន«FSRB» (ស្ថាប័នប្រចាំតំបន់ របស់អង្គការ FATF) ដែលពួកគេជាសមាជិក ដើម្បីពង្រឹងការប្រឆាំង ការលាងលុយកខ្វក់ (AML/CFT) របស់ពួកគេ។»

កាលពីខែកុម្ភៈ ឆ្នាំ២០១៩ អង្គការឃ្លាំមើលសកម្មភាពហិរញ្ញវត្ថុ ដែលជាស្ថាប័នអន្តរ​-រដ្ឋាភិបាល មានទីស្នាក់ការកណ្ដាល ក្នុង​រដ្ឋធានីប៉ារីស ប្រទេសបារាំង បានដាក់ប្រទេសកម្ពុជា ទៅក្នុងបញ្ជីប្រផេះ ដែលមានលក្ខណៈជាការប្រកាសសញ្ញាមួយ ទៅដល់ប្រទេសចំនួន១២ ដែលជាប់ឈ្មោះនៅក្នុង​បញ្ជី ថាពួកគេអាចធ្លាក់ចូល ទៅក្នុង«បញ្ជីខ្មៅ» ឬទណ្ឌកម្មផ្នែក​ហិរញ្ញវត្ថុ ប្រសិនណា​ជាប្រទេសទាំងនោះ មិន​ដោះស្រាយ​បញ្ហា ដែលស្ថាប័នពិភពលោកមួយនេះ ទទូច​ឲ្យធ្វើទេ​នោះ។

ក្នុងរបាយការណ៍ ចេញផ្សាយក្នុងខែតុលា ឆ្នាំ២០២២ អង្គការ«FATF – GAFI» បានអះអាងថា កម្ពុជាបាន​ធ្វើការប្តេជ្ញាចិត្ត​នយោបាយកម្រិតខ្ពស់ ក្នុងការប្រយុទ្ធប្រឆាំង​នឹងចរន្ដលាងលុយកខ្វក់ និងប្រកាសធ្វើការយ៉ាងជិតដិត ជាមួយស្ថាប័នអន្តរជាតិខាងលើ ក្នុងនោះ មានការស្នើឲ្យមានដំណើរទស្សនកិច្ច នៅនឹងកន្លែង ដើម្បីផ្ទៀងផ្ទាត់ អំពីកំណែទម្រង់នោះ។

ពីចំណោមកំណែទម្រង់ដ៏សំខាន់នោះ កម្ពុជាបានបង្កើតច្បាប់ប្រឆាំងការលាងលុយកខ្វក់ ការបណ្ដុះបណ្ដាលដល់ព្រះរាជអាជ្ញា និងចៅក្រម ការត្រួតពិនិត្យ និងវិធានការបង្ការ និងផ្សព្វផ្សាយដល់វិស័យកាស៊ីណូ អចលនទ្រព្យ និងការទូទាត់សាច់ប្រាក់ នៅតាមធនាគារនានា ជាពិសេស​បង្កើនប្រសិទ្ធភាព ក្នុងការរឹបអូសទ្រព្យសម្បត្តិ និងការអនុវត្តទណ្ឌកម្ម របស់អង្គការសហប្រជាជាតិ៕



លំអិតបន្ថែមទៀត

របាយការណ៍

ប្រ៊ែដ អាដាម៖ ភាព​ទន់ភ្លន់​របស់​អ៊ឺរ៉ុប​ចំពោះ ហ៊ុន សែន ជា​ពេលខ្ជះខ្ជាយ

នាយកអង្គការឃ្លាំមើលសិទ្ធិមនុស្ស ទទួលបន្ទុកតំបន់អាស៊ី លោក ប្រ៊ែដ អាដាម (Brad Adams) បានអះអាង​ថា ការប្រើប្រាស់​វិធីសាស្ត្រ​ការទូត តាមបែបទន់ភ្លន់ ជាមួយលោកនាយករដ្ឋមន្ត្រី ហ៊ុន សែន ...
នាយករដ្ឋមន្ត្រីកម្ពុជា លោក ហ៊ុន សែន នៅសហភាពអ៊ឺរ៉ុប កាលពីខែតុលា ឆ្នាំ២០១៨។ (រូបថត AFP/Getty)
កម្ពុជា

EU អាច​ពិចារណា​ឡើង​វិញពី​«EBA»​ជាមួយ​កម្ពុជា ក្នុង​​លក្ខខណ្ឌ​មួយ​គត់

ក្នុង​​លក្ខខណ្ឌ​មួយ​គត់ ដែលសហភាពអ៊ឺរ៉ុប «EU» តាមរយៈគណៈកម្មការអ៊ឺរ៉ុប ​អាច​ពិចារណា​ឡើងវិញ  ជុំវិញ​ការសម្រេច​​ព្យួរ​ប្រព័ន្ធអនុគ្រោះពន្ធ «EBA» ជាមួយប្រទេស​កម្ពុជា នោះគឺកម្ពុជា ត្រូវបង្ហាញអំពី«វឌ្ឍនភាព គួរឱ្យកត់សម្គាល់ ជុំវិញ​សិទ្ធិពលរដ្ឋ និងសិទ្ធិនយោបាយ» ...
ដំណឹង

សង្គ្រាម​នៅអ៊ុយក្រែន៖ EU ផ្អាកការផ្សាយរបស់ «ប្រព័ន្ធផ្សព្វផ្សាយ​រ៉ុស្ស៊ី​»

នៅថ្ងៃទី៤ នៃសង្គ្រាមឈ្លានពានប្រទេសអ៊ុយក្រែន ដោយកងទ័ពរ៉ូស្ស៊ី ប្រព័ន្ធផ្សព្វផ្សាយ​រ៉ុស្ស៊ី​ ឬ​ដែលស្និត​នឹងវិមានក្រឹមឡាំង ត្រូវបានសហភាពអ៊ឺរ៉ុប «EU» សម្រេចឲ្យផ្អាកការផ្សាយរបស់ខ្លួន នៅលើទឹកដីនៃសមាជិកទាំង២៧ប្រទេស​ របស់សហភាព។ បម្រាមនេះត្រូវបានប្រកាសឡើង ដោយអ្នកស្រី «Ursula ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...
នាយករដ្ឋមន្ត្រីកម្ពុជា លោក ហ៊ុន សែន នៅសហភាពអ៊ឺរ៉ុប កាលពីខែតុលា ឆ្នាំ២០១៨។ (រូបថត AFP/Getty)
កម្ពុជា

EU៖ ការបិទវិទ្យុ«VOD»ប៉ះពាល់ធ្ងន់ធ្ងរ ដល់សេរីភាព​សារព័ត៌មាន

មិនត្រឹមតែសហភាពអ៊ឺរ៉ុបប៉ុណ្ណោះទេ តែបណ្ដាប្រទេសធំៗ នៅបស្ចឹមលោក សុទ្ធតែបានរួមគ្នា ប្រតិកម្មចំពោះការបិទវិទ្យុ«VOD» ថាបានប៉ះពាល់ធ្ងន់ធ្ងរ ដល់សេរីភាព​សារព័ត៌មាន និងប្រព័ន្ធពហុនិយម ដែលមានសារសំខាន់ណាស់ សម្រាប់សង្គមប្រជាធិបតេយ្យ។ សេចក្ដីថ្លែងការណ៍រួម របស់គណៈប្រតិភូសហភាពអឺរ៉ុប​ប្រចាំនៅកម្ពុជា និងស្ថានទូតរបស់ប្រទេសធំៗ ...