វិធានការណ៍បន្ថែម «ជុំទី៤» និងការហក់ចូលទីផ្សារភាគហ៊ុន របស់​ធនាគារ​អេស៊ីលីដា ជាប្រធានបទពីរចំណុច នៅក្នុងរបាយការណ៍ខ្លីៗ ដែលរដ្ឋាភិបាលបារាំង ធ្វើឡើង​ក្នុងសប្ដាហ៍ទី២២ អំពីហេតុការណ៍សំខាន់​ចុងក្រោយ ពីប្រទេសកម្ពុជា។ ទស្សនាវដ្ដីមនោរម្យ.អាំងហ្វូ សូមដកស្រង់ខ្លឹមសារ នៃរបាយការណ៍នោះ មកជម្រាប​ជូន​ប្រិយមិត្ត ដូចតទៅ៖ ១) រដ្ឋាភិបាលកម្ពុជា បានប្រកាសនៅថ្ងៃទី ២៦ ឧសភា ដាក់ចេញ​នូវវិធានការណ៍​បន្ថែម «ជុំទី៤» ដើម្បីធានាស្ថេរភាពសេដ្ឋកិច្ច និងសង្គម ដោយយកចិត្តទុកដាក់​ជាពិសេស ទៅលើវិស័យឯកជន។ វិធានការណ៍ទាំងនេះ រួមមានការបន្តការលើកលែងពន្ធ រយៈពេល ២ខែ – ការបន្ធូរបន្ថយ​លក្ខខណ្ឌនានា ដើម្បីទទួលបានប្រាក់កម្ចីពិសេស – ការបង្កើតមូលនិធិ​ធានា​ប្រាក់កម្ចី ...

រដ្ឋាភិបាលបារាំង បានអះអាងថា ការអនុម័ត​សេចក្ដី​ព្រាងច្បាប់ថ្មីចំនួនពីរ របស់​គណៈរដ្ឋមន្ត្រីកម្ពុជា កាលពីថ្ងៃទី១៥ ខែឧសភាកន្លងមក ធ្វើឡើង ក្រោមហេតុផល នៃការ​ដាក់​កម្ពុជា ចូលក្នុង«បញ្ជីប្រផេះ» របស់អង្គការឃ្លាំមើលសកម្មភាពហិរញ្ញវត្ថុ (FATF / GAFI)។ នេះ បើតាម​របាយការណ៍​ខ្លីៗ ប្រចាំសប្ដាហ៍​ទី២១ របស់ក្រសួងសេដ្ឋកិច្ច និង​ហិរញ្ញវត្ថុបារាំង ដែលទស្សនាវដ្ដី​មនោរម្យ.អាំងហ្វូ បានចូលទៅពិគ្រោះ។ របាយការណ៍ខ្លីៗ ប្រចាំសប្ដាហ៍ទី២១ របស់រដ្ឋាភិបាលបារាំង បានរៀបរាប់ថា៖ «ការវិវឌ្ឍទៅមុខ យ៉ាងឆាប់រហ័ស នៃសេចក្ដីព្រាងច្បាប់ទាំងពីរខាងលើ ត្រូវបានជំរុញ ដោយការសម្រេច របស់អង្គការ “FATF” ដែលបានដាក់ប្រទេសកម្ពុជា ទៅក្នុង​”បញ្ជីប្រផេះ” កាលពីខែកុម្ភៈ ...

មេដឹកនាំប្រឆាំង បានចង្អុលដោយចំឈ្មោះ ថាលោក លី យ៉ុងផាត់ មនុស្សជំនិត​របស់​លោក​នាយករដ្ឋមន្ត្រី ហ៊ុន សែន ដែលមានរហស្សនាម «ស្ដេចកោះកុង» គឺជាឈ្មួញ​ជួញដូរ​គ្រឿងញៀន​ដ៏ធំម្នាក់ ដែលបានផ្ទេរលុយកខ្វក់ ដែលបានមកពីការជួញដូរនេះ ទៅកាន់​ប្រទេស​អូស្ត្រាលី ក្រោមការជួយលាងសម្អាត ពីសំណាក់លោក គាត ឈុន អតីត​រដ្ឋមន្ត្រី​ហិរញ្ញវត្ថុ​កម្ពុជា។ ក្រុមហ៊ុន-សហគ្រាស របស់លោក លី យ៉ុងផាត់ ដែលគេស្គាល់កន្លងមក បានរកស៊ីទៅលើ​វិស័យ ថ្នាំជក់ អគ្គិសនី កាស៊ីណូ សណ្ឋាគារ ស្កអំពៅ និងប្រព័ន្ធផ្សព្វផ្សាយ។ តែលោក សម រង្ស៊ី ទើបនឹងបង្ហើបឲ្យដឹង ...

សប្ដាហ៍ទីពីរ នៃខែឧសភានេះ ត្រូវបានកត់សម្គាល់ ដោយការដាក់ប្រទេសកម្ពុជា ចូលក្នុង​«បញ្ជីខ្មៅ» ពីសំណាក់សហភាពអ៊ឺរ៉ុប (EU) ស្ដីពីការលាងសម្អាតលុយ និងហិរញ្ញប្បទាន​ភេរវកម្ម។ នេះ បើតាម​របាយការណ៍​ខ្លីៗ ប្រចាំសប្ដាហ៍​ទី២០ របស់ក្រសួងសេដ្ឋកិច្ច និង​ហិរញ្ញវត្ថុបារាំង ដែលទស្សនាវដ្ដី​មនោរម្យ.អាំងហ្វូ បានចូលទៅពិគ្រោះ។ របាយការណ៍ខ្លីៗនោះ បានរៀបរាប់ថា បន្ទាប់ពីកម្ពុជា នៅមានប្រទេសភូមា ក៏ត្រូវបាន​សហភាពអ៊ឺរ៉ុប ដាក់ចូលក្នុង«បញ្ជីខ្មៅ» នៃក្រុមប្រទេស ដែលមានហានិភ័យ អំពីការលាង​សម្អាតលុយ និងហិរញ្ញប្បទាន​​ភេរវកម្មដែរ។ ក្រសួងសេដ្ឋកិច្ច និងហិរញ្ញវត្ថុបារាំង បាន​សរសេរ​បន្តថា៖ «ជាការរំឭកឡើងវិញ ចាប់ពីខែកុម្ភៈ ឆ្នាំ២០១៩មក អង្គការឃ្លាំមើលសកម្មភាពហិរញ្ញវត្ថុ (FATF / ...

រដ្ឋាភិបាលក្រុងភ្នំពេញ បានប្រកាសថា ខ្លួនមិន«បំពេញចិត្ត​អង្គការ​ណា»ទេ នៅចំពោះ​ការអនុម័ត​យ៉ាងតក់ក្រហល់ នូវសេចក្ដីព្រាងច្បាប់​មួយទៀត ស្ដីពីការប្រឆាំង​ការសម្អាត​ប្រាក់ និងហិរញ្ញប្បទានភេរវកម្ម។ នេះ បើតាមការអះអាង របស់លោក ផៃ ស៊ីផាន អ្នកនាំ​ពាក្យ​រដ្ឋាភិបាល។ តាមសេចក្ដីសម្រេច របស់កិច្ចប្រជុំគណៈរដ្ឋមន្ត្រី ក្នុងថ្ងៃនេះ បានបញ្ជាក់ថា ការអនុម័ត​នោះ មិនមែនជា​សេចក្ដីព្រាងច្បាប់ ថ្មីស្រឡាងមួយទេ តែជាសេចក្ដីព្រាងច្បាប់ ដាក់​បញ្ចូល​​គ្នា រវាងច្បាប់ស្ដីពីការប្រឆាំង​ការសម្អាតប្រាក់ និង​ហិរញ្ញប្បទាន​ភេរវកម្ម ឆ្នាំ២០០៧ – ច្បាប់ធ្វើវិសោធនកម្ម នៅឆ្នាំ​២០១៣ – យុទ្ធសាស្ត្រជាតិ ស្ដីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម ឆ្នាំ២០១៩-២០២៣ និងអនុសាសន៍ស្ដង់ដារ ឆ្នាំ២០១២ ...

មេដឹកនាំប្រឆាំង លោក សម រង្ស៊ី បានលើកឡើងថា កម្ពុជាសព្វថ្ងៃ ជារដ្ឋ​«ម៉ាហ្វីយ៉ា» និងជារដ្ឋ​ដែលដឹកនាំ ដោយប្រព័ន្ធ«ចោរាធិបតេយ្យ» ដែលនាំទៅដល់ ការលាងលុយកខ្វក់ថ្នាក់រដ្ឋ និងរហូតត្រូវសហភាពអ៊ឺរ៉ុប ដាក់កម្ពុជា ចូលក្នុងបញ្ជីខ្មៅរបស់គេ។ ប្រធានស្ដីទីគណបក្សសង្គ្រោះជាតិ បានថ្លែងដូច្នេះ នៅក្នុងកិច្ចសម្ភាសមួយ ជាមួយវិទ្យុអាស៊ីសេរី កាលពីយប់ថ្ងៃពុធ ទី១៣ ខែឧសភា ឆ្នាំ២០២០។ លោកថ្លែងថា៖ «អ្វី​ដែល​ទាក់ទង​ស្រុក​ខ្មែរ គឺ​ប្រព័ន្ធ​ចោរ។ យើង​កុំ​ហៅ​ថា ប្រជាធិបតេយ្យ ស្រុកខ្មែរ​យើង​ហៅ​ថា ចោរាធិបតេយ្យ ។ ជា​ប្រទេស​មួយ​ដឹក​នាំ​ដោយ​ចោរ។ យើង​គ្រាន់​តែ​ចាំ​មើល​ចោរ​យក​លុយ ទៅ​លាក់​ទុក​នៅ​កន្លែង​ណា អត់​គ្រាន់​ទេ។ ទាល់​តែ​ចាប់​ចោរ​តែ​ម្ដង។ ...