កម្ពុជាដំណឹង

ខ្លីៗពីបារាំង៖ ក្រុងប៉ារីសថា​កម្ពុជា​កំពុង​ធ្វើច្បាប់ ដើម្បី​សម្រប​តាម​«FATF»

លោក ហ៊ុន សែន នាយករដ្ឋមន្ត្រីកម្ពុជា
លោក ហ៊ុន សែន នាយករដ្ឋមន្ត្រីកម្ពុជា

រដ្ឋាភិបាលបារាំង បានអះអាងថា ការអនុម័ត​សេចក្ដី​ព្រាងច្បាប់ថ្មីចំនួនពីរ របស់​គណៈរដ្ឋមន្ត្រីកម្ពុជា កាលពីថ្ងៃទី១៥ ខែឧសភាកន្លងមក ធ្វើឡើង ក្រោមហេតុផល នៃការ​ដាក់​កម្ពុជា ចូលក្នុង«បញ្ជីប្រផេះ» របស់អង្គការឃ្លាំមើលសកម្មភាពហិរញ្ញវត្ថុ (FATF / GAFI)។ នេះ បើតាម​របាយការណ៍​ខ្លីៗ ប្រចាំសប្ដាហ៍​ទី២១ របស់ក្រសួងសេដ្ឋកិច្ច និង​ហិរញ្ញវត្ថុបារាំង ដែលទស្សនាវដ្ដី​មនោរម្យ.អាំងហ្វូ បានចូលទៅពិគ្រោះ។

របាយការណ៍ខ្លីៗ ប្រចាំសប្ដាហ៍ទី២១ របស់រដ្ឋាភិបាលបារាំង បានរៀបរាប់ថា៖

«ការវិវឌ្ឍទៅមុខ យ៉ាងឆាប់រហ័ស នៃសេចក្ដីព្រាងច្បាប់ទាំងពីរខាងលើ ត្រូវបានជំរុញ ដោយការសម្រេច របស់អង្គការ “FATF” ដែលបានដាក់ប្រទេសកម្ពុជា ទៅក្នុង​”បញ្ជីប្រផេះ” កាលពីខែកុម្ភៈ ឆ្នាំ២០១៩ បន្ទាប់ពីអង្គការនេះ បានដក​ប្រទេស​កម្ពុជា ចេញពីបញ្ជីខាងលើ កាលពីឆ្នាំ២០១៥រួចហើយ។»

អ្នកនាំពាក្យរដ្ឋាភិបាលកម្ពុជា លោក ផៃ ស៊ីផាន បានថ្លែងឲ្យដឹង​ពីក្នុងកិច្ចប្រជុំ​គណៈរដ្ឋមន្ត្រី ដឹកនាំដោយលោកនាយករដ្ឋមន្ត្រី ហ៊ុន សែន កាលពីថ្ងៃទី១៥ ខែឧសភា ឆ្នាំ២០២០ ថាសេចក្ដីព្រាងច្បាប់ទាំងពីរនោះ រួមមានសេចក្ដីព្រាងច្បាប់ ស្ដីពី​ការប្រឆាំង​ការសម្អាតប្រាក់ និងហិរញ្ញប្បទានភេរវកម្ម និងសេចក្ដីព្រាងច្បាប់ ស្តីពី​ការប្រឆាំង​ហិរញ្ញប្បទាន ដល់​ការរីកសាយភាយ​អាវុធ​មហាប្រល័យ ត្រូវបានគណៈរដ្ឋមន្ត្រីអនុម័ត ដោយគ្មាន​ការកែប្រែអ្វីឡើយ។

យ៉ាងណា របាយការណ៍ខ្លីៗ របស់រដ្ឋាភិបាលបារាំង ប្រចាំសប្ដាហ៍ទី២១នោះ មិនបានភ្ជាប់​ការអនុម័ត នៃសេចក្ដី​ព្រាងច្បាប់​ទាំងពីរ ទៅនឹងការដាក់កម្ពុជា ចូលក្នុង​«បញ្ជីខ្មៅ» នៃក្រុមប្រទេស «បរាជ័យ» ក្នុងការប្រយុទ្ធ​ទល់នឹង​ការលាងសម្អាតលុយ ពីសំណាក់​សហភាព​អ៊ឺរ៉ុប (EU) កាលពីដើមខែកន្លងមក​​ទេ។

សម្រាប់លោក ផៃ ស៊ីផាន បានពន្យល់ថា ការអនុម័តសេចក្ដីព្រាងច្បាប់ទាំងពីរ ​មិនមែន​ធ្វើឡើង ដើម្បី​«បំពេញចិត្ត​អង្គការ​ណា»​ឡើយ។ អ្នកនាំពាក្យរដ្ឋាភិបាលរូបនេះ បាន​បញ្ជាក់ នៅលើបណ្ដាញសង្គមថា៖

«គឺជាការប្រឹងប្រែង របស់រដ្ឋាភិបាល និងធនាគារជាតិ ដែលត្រូវកែលម្អច្បាប់ ទាំងពីរនេះ ដែលកម្ពុជាបានអនុវត្ត ទៅលើលក្ខខ័ណ្ឌជាសមាជិក របស់ក្រុមប្រទេស អាស៊ីប៉ាស៊ីហ្វិច ស្តីពីការសម្អាតប្រាក់ (Asia Pacific Group on Money Laundering-APG)។»

ផ្ទុយទៅវិញ របាយការណ៍ខ្លីៗ ប្រចាំសប្ដាហ៍ទី២០ របស់វិមានប៊ែរស៊ី (Bercy – គឺក្រសួង​សេដ្ឋកិច្ច និងហិរញ្ញវត្ថុបារាំង) បានធ្វើការកត់សម្គាល់ ពីការដាក់កម្ពុជា​និងភូមា ចូលក្នុង​​«បញ្ជីខ្មៅ»​របស់សហភាពអ៊ឺរ៉ុប ហើយថា អង្គភាពមានសមត្ថកិច្ចមួយ​ របស់​ធនាគារជាតិកម្ពុជា បាន​ធ្វើការណែនាំ ទៅកាន់​បណ្ដាក្រុមហ៊ុន-សហគ្រាសនានា ឲ្យធ្វើការ​ប្រុងប្រយ័ត្ន អំពីការលាង​សម្អាតប្រាក់ តែរបាយការណ៍របស់រដ្ឋាភិបាលបារាំង មិនបាន​រៀបរាប់​បន្ត អំពី​ប្រសិទ្ធិភាព​ការងារ ដែលចេញ​អំពីការណែនាំ​នោះទេ៕



លំអិតបន្ថែមទៀត

ដំណឹង

EU ផ្ដល់​ជម្រើសពីរ​ឲ្យ​អង់គ្លេសសម្រាប់​ការលើកថ្ងៃ​ Brexit

រដ្ឋសមាជិកទាំង២៧ នៃសហភាពអ៊ឺរ៉ុប បានយល់ព្រមនៅល្ងាចថ្ងៃព្រហស្បត្តិ៍ម្សិលម៉ិញ ផ្ដល់ឲ្យចក្រភពអង់គ្លេស នូវជម្រើសចំនួនពីរ សម្រាប់ការលើកថ្ងៃចាកចេញ ពីសហភាពអ៊ឺរ៉ុប (EU) ឬហៅថា «Brexit» ដែលបើតាមគម្រោង នឹងឈានមកដល់ ក្នុង៧ថ្ងៃខាងមុខនេះ។ ...
របាយការណ៍

ពេល​«សមាជិក​ព្រឹទ្ធសភា​បារាំង​ម្នាក់»​ដើរជួប​មន្ត្រីខ្មែរ ក្នុងដំណើរឯកជន…

បើមើលមួយភ្លែត គេច្បាស់ជាហើបខ្លួន ចេញពីកៅអី! សមាជិក​ព្រឹទ្ធសភា​បារាំង​ម្នាក់ បាន​ដើរជួប​​​ជាមួយ​មន្ត្រីរដ្ឋាភិបាលកម្ពុជា​ច្រើននាក់ ដូចជាអ្នកស្រី ម៉ែន សំអន – លោក ហ៊ុន ម៉ាណែត និង​ព្រះសង្ឃ ...
កម្ពុជា

ផៃ ស៊ីផាន៖ ការប្រកាស​វិលចូលស្រុក​របស់ សម រង្ស៊ី គឺដើម្បី​«ប្រមូលលុយ»

ក្នុងវេទិការាជបណ្ឌិត្យសភាកម្ពុជា ស្ដីទី«ស្ថានការណ៍នយោបាយចុងក្រោយ» កាលពីម្សិលម៉ិញ ក្រុមវាគ្មិនដែលសុទ្ធសឹងជាមន្ត្រីជំនិត របស់រដ្ឋាភិបាលកម្ពុជា បានលើកឡើងថា ការប្រកាសវិលចូលស្រុកវិញ របស់មេដឹកនាំប្រឆាំង លោក សម រង្ស៊ី «គ្រាន់តែជាយុទ្ធនាការ ប្រមូលលុយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...