កម្ពុជាដំណឹង

កឹម សុខា នឹង​ត្រូវ​ដោះលែង​នៅចុង​ខែមករា​ខាងមុខ?

ប្រធានគណបក្សសង្គ្រោះជាតិ លោក កឹម សុខា អាចនឹងត្រូវដោះលែង នៅចុងខែមករាខាងមុខ។ នេះ បើតាមប្រភពមន្ត្រីជាន់ខ្ពស់ នៃក្រសួងមហាផ្ទៃកម្ពុជា ដែលត្រូវបានស្រង់សំដី មកផ្សាយនៅលើ​បណ្ដាញ​អ៊ិនធើណែត និងបណ្ដាញសង្គម កាលពីប៉ុន្មានម៉ោងមុន ដោយសារព័ត៌មាន ឌឺខេមបូឌៀដេលី (The Cambodia Daily)។

បើតាមប្រភពមន្ត្រីជាន់ខ្ពស់ ដែលសារព័ត៌មាន មិនបានបង្ហើប ឲ្យដឹងពីឈ្មោះរូបនោះ បានបញ្ជាក់ថា គម្រោងដោះលែង ប្រធានគណបក្សប្រឆាំង ធ្វើឡើងបន្ទាប់ពីជំនួបមួយ រវាងអនុប្រធានរដ្ឋសភាបារាំង លោក «Sylvain WAERMAN» និងលោក ស ខេង រដ្ឋមន្ត្រីមហាផ្ទៃ កាលពីដើមសប្ដាហ៍កន្លងមក។

មន្ត្រីដដែលនោះ បានអះអាងថា នៅក្នុងកិច្ចពិភាក្សា រវាងមន្ត្រីជាន់ខ្ពស់បារាំង និងលោក ស ខេង «ភាគីទាំងពីរបានយល់ព្រម នឹងដំណោះស្រាយនយោបាយ ដែលភាគីទាំងពីរអាចទទួលយកបាន ទាំងសងខាង ដោយគ្មាននរណាម្នាក់បាក់មុខ គឺដោះលែងលោក កឹម សុខា ដោយគ្មានការកាត់ទោស ឬទម្លាក់បទចោទ ដែលភាគីទាំងសងខាងអាចទទួលយកបាន»។

ជំនួបរវាងលោក ស ខេង (កណ្ដាលខាងឆ្វេង) ជាមួយលោក «Sylvain WAERMAN»(ខាងស្ដាំ កាន់សំនុំឯកសារពណ៌លឿង) អ្នកតំណាងរាស្ត្រ និងជាអនុប្រធាន រដ្ឋសភាបារាំង។ (រូបថត លើទ្វីសធើរ)

ប្រភពបានលើកយក សំដីរបស់អនុប្រធាន​រដ្ឋសភាបារាំង ដែលប្រាប់ទៅលោក ស ខេង ដូច្នេះថា៖

«បើរដ្ឋាភិបាលកម្ពុជា មិនព្រមស្តារស្ថានការណ៍នយោបាយ ឲ្យវិលមករកភាពប្រក្រតីវិញទេ នោះរដ្ឋាភិបាលបារាំងបារម្ភជាខ្លាំង ចំពោះវាសនាសេដ្ឋកិច្ចរបស់កម្ពុជា ដែលនឹងអាចបាត់បង់ប្រព័ន្ធអនុគ្រោះពន្ធ លើទំនិញគ្រប់ប្រភេទរបស់កម្ពុជា ទៅកាន់ទីផ្សារអឺរ៉ុប ឬហៅថា “EBA (Everything But Arms – អ្វីៗទាំងអស់ លើកលែងតែអាវុធ)”»។

«លោក “Sylvain Waerman” បានស្នើឲ្យកម្ពុជា កែប្រែច្បាប់មួយចំនួន ដើម្បីធានាឲ្យមានដំណើរការប្រជាធិបតេយ្យនៅកម្ពុជា តបតាមលក្ខខណ្ឌ ដែលសហភាពអឺរ៉ុបចង់បាន»។

នៅក្នុង អង្គប្រជុំពេញអង្គ របស់​សភា​អ៊ឺរ៉ុប កាលពីថ្ងៃទី ១៣ ខែកញ្ញា ឆ្នាំ២០១៨ ក្នុងក្រុងស្ត្រាស្បួរ៍ (ភាគខាងកើតបារាំង) អ្នកស្រី ហ្វេឌឺរីកា មូហ្គេរីនី (Federica Mogherini)​ តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ បានថ្លែងទាមទារ ​នូវលក្ខខណ្ឌមួយចំនួនសម្រាប់ឲ្យរបបក្រុងភ្នំពេញអនុវត្តន៍ ដើម្បីជាថ្នូរ ទៅនឹងការមិនដាក់ទណ្ឌកម្ម ផ្នែកពាណិជ្ជកម្ម ពីសំណាក់សហភាពអ៊ឺរ៉ុប ជាពិសេសការព្យួរ​ប្រព័ន្ធអនុគ្រោះពន្ធ «EBA»។

អ្នកស្រី ហ្វេឌឺរីកា មូហ្គេរីនី តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ។ (រូបថតផ្លូវការ EU)

ការទាមទារទាំងនោះ មានជាអាទិ៍៖

«យើងរង់ចាំ ឲ្យមានការទម្លាក់ចោល នូវការចោទប្រកាន់ទាំងអស់ និងការដកចេញ នូវការរឹតត្បិតទាំងអស់ ដែលបានដាក់ លើរូបលោក កឹម សុខា ហើយយើងសូមឱ្យនាយករដ្ឋមន្រ្តី [នៃប្រទេសកម្ពុជា] និងមេដឹកនាំគណបក្សប្រឆាំង ចាប់ផ្តើមកិច្ចពិភាក្សាឆ្ពោះទៅមុខ។»

«យើងជំរុញឱ្យអាជ្ញាធរកម្ពុជា ទម្លាក់ការចោទប្រកាន់ ដែលមានចរិតនយោបាយ និងដែលនៅសេសសល់ ប្រឆាំងនឹងក្រុមសកម្មជន និងលប់ចោល នូវបម្រាមលើសកម្មភាពនយោបាយ របស់សមាជិកគណបក្សប្រឆាំងជាន់ខ្ពស់ ចំនួន ១១៨ រូប។ សមាជិកក្រុមប្រឹក្សាឃុំសង្កាត់ ដែលត្រូវបានជ្រើសតាំងកាលពីខែមិថុនា កាលពីឆ្នាំមុន គួរតែត្រូវបានប្រគល់ឱ្យវិញ។»

«យើងក៏សូមអំពាវនាវ ដល់រដ្ឋាភិបាលកម្ពុជា ដើម្បីធានា​ឱ្យមានការវិលត្រឡប់ ប្រកបដោយសុវត្តិភាព នៃអ្នកនយោបាយគណបក្សប្រឆាំង, សកម្មជនសង្គមស៊ីវិល និងអ្នកការពារសិទិ្ធមនុស្ស ដែលបានភៀសខ្លួន ចេញពីប្រទេស ដើម្បីគេចចេញ ពីការចាប់ខ្លួន។»

«ច្បាប់ និងបទបញ្ជា ដែលត្រូវបានប្រើ ដើម្បីដាក់កម្រិតគណបក្សប្រឆាំង និងសង្គមស៊ីវិល ត្រូវតែពិនិត្យឡើងវិញ និងធ្វើវិសោធនកម្ម។»

សារព័ត៌មានឌឺខេមបូឌៀ ដេលី បានស្រង់សំដី របស់មន្ត្រីជាន់ខ្ពស់ក្រសួងមហាផ្ទៃខ្មែរ ឲ្យដឹងទៀតថា ក្រោយពីលោក កឹម សុខា ត្រូវបានដោះលែង និងគណបក្សសង្គ្រោះជាតិ ត្រូវបានស្ដារនីតិសម្បទា ឲ្យរស់ឡើងវិញហើយនោះ ពេលនោះ ប្រព័ន្ធអនុគ្រោះពន្ធ លើផលិតផលគ្រប់ប្រភេទ ឬហៅថា «EBA» នឹងមិនត្រូវបានដក ពីកម្ពុជានោះឡើយ៕



លំអិតបន្ថែមទៀត

កម្ពុជា

មន្ត្រី​ការទូត របស់​បស្ចឹមលោក «គាំទ្រ​ជំនួប​ ហ៊ុន សែន-កឹម សុខា»

យ៉ាងហោចណាស់ មន្ត្រី​ការទូត របស់សហភាពអ៊ឺរ៉ុប និងរបស់ប្រទេសអាល្លឺម៉ង់ ប្រចាំនៅ​ប្រទេសកម្ពុជា បានចូលសួរសុខទុក្ខលោក កឹម សុខា ប្រធានគណបក្សសង្គ្រោះជាតិ និងបាន​សម្ដែង​ការគាំទ្រ​របស់ផងខ្លួន ចំពោះ​«ជំនួប»​រវាងលោក ហ៊ុន សែន ...
កំសាន្ដ

ព័ត៌មាន​អាជ័យ៖ កូនស្រី​មេ​បក្ស «ឆេះ»​ហើយ​ទាន!

តាមពិតទៅ កន្លែងដែលភ្លឺពេក កន្លែងដែលគេចង់ឲ្យឃើញ អាជ័យខ្ញុំមិនសូវជាចង់ឃើញទេ។ ផ្ទុយទៅវិញ អាជ័យខ្ញុំចូលចិត្តត្រសុល ទៅរកកន្លែងណា ដែលងងឹង និងកន្លែងដែលគេមិនចង់ឲ្យដឹង ដោយហេតុថា គឺកន្លែងអញ្ចឹងទៅវិញទេ ដែលសម្បូរដោយអាថ៌កំបាំង នឹងអាលស្រាវជ្រាវរកការពិត ...
ពីឆ្វេងទៅស្ដាំ៖ អ្នកស្រី រ៉ូណា ស្មីត និងអ្នកស្រី ម៉ារី លោវល័រ អ្នករាយការណ៍ពិសេស អង្គការសហប្រជាជាតិ ស្ដីទីស្ថានភាពសិទ្ធិមនុស្ស។ (រូបថត UN)
កម្ពុជា

អ្នកជំនាញ អ.ស.ប ៦រូប ប្រតិកម្មនឹង​ការចាប់ខ្លួន​មនុស្ស​នៅកម្ពុជា

អ្នកជំនាញសិទ្ធិមនុស្ស របស់អង្គការសហប្រជាជាតិ (អ.ស.ប) ចំនួន ៦រូប បានផ្ញើលិខិតរួម ដ៏វែងអន្លាយមួយ ជូនរដ្ឋមន្រ្តីក្រសួងការបរទេសកម្ពុជា ទាក់ទងនឹងការចាប់ខ្លួន ការឃុំខ្លួន ការបំភិតបំភ័យ ការឈ្លបមើល ការគំរាមកំហែង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...