បើឮហើយ អាចឆ្អែតបាយមួយជីវិត ! ស្ត្រីៗសព្វថ្ងៃ ដែលស្លៀកសម្លៀកបំពាកប្រពៃណី ហើយថតរូបបង្ហោះតាមបណ្ដាញសង្គម យ៉ាងគគ្រឹកគគ្រេង គឺជា«ស្រីចរិតថោក ដេញប្រុសឈ្មោលពេញសង្គមខ្មែរ» និងមាន​«សន្ដានពួកអាខាងកើត»។ នេះ បើតាមការអះអាងរបស់លោក ខឹម វាសនា ប្រមុខ​«សាសនា​បក្សសម្ព័ន្ធជួង» ដែលបានថ្លែងដូច្នេះ ពីទីអាស្រមរបស់លោក ក្នុងខេត្តសៀមរាប។

បើគេមិនច្រឡំទេ ចរន្ដនៃការស្លៀកពាក់សម្លៀកបំពាក់ប្រពៃណីខ្មែរ បានផ្ទុះឡើងយ៉ាងគគ្រឹកគគ្រេង ក្នុងរយៈប៉ុន្មានខែ (ឬឆ្នាំ) ចុងក្រោយនេះ។ យុវតីក្មេងៗ រាប់តាំងពីតារាសម្ដែង រហូតដល់បេក្ខនារីបវរកញ្ញា បានស្លៀកពាក់គ្រងចរបាប់ រចនាជាអប្សរាខ្មែរ ហើយពួកគេបានថតរូប បង្ហោះនៅតាមបណ្ដាញសង្គម និងមានអ្នកចែករំលែក​យ៉ាងសន្ធឹកសន្ទាប់។

ចរន្ដនេះ ចៀសមិនផុត ពីក្រសែភ្នែក​របស់ប្រធានគណបក្សសម្ព័ន្ធដើម្បីប្រជាធិបតេយ្យនោះទេ។ លោក ខឹម វាសនា បានបង្ហោះសារនៅលើទំព័រហ្វេស៊បុករបស់លោកថា៖

«ពួកស្រីៗសព្វថ្ងៃ គេខំស្លៀកសំលៀកបំពាក់​ចរបាប់អប្សរាខ្មែរ ហើយគេសរសើរថា នាងនេះស្លៀកសំលៀកបំពាក់ប្រពៃណីខ្មែរ មើលទៅស្អាតណាស់ នាងខំលើកតំកើនខ្មែរ នាំយកវប្បធម៌ខ្មែរ ទៅបង្ហាញពិភពលោកឲ្យល្បីល្បាញ ថ្កុំថ្កើងឡើង។»

ប៉ុន្តែ«ទ្វារគិតក្នុងចិត្ត»របស់លោក ខឹម វាសនា បានអះអាងផ្ទុយមកវិញថា៖

«ពូមើលដោយទ្វារគិត​ក្នុងចិត្តឃើញថា ពួកមីចរិតថោក ដេញប្រុសឈ្មោលពេញសង្គមខ្មែរ។»

លោកបន្តហៅស្ត្រីៗទាំងនោះ ថាមានសន្ដាន«ពួកអាខាងកើត» និងមិនបាននិយាយឲ្យចំថា តើ«ពួកអាខាងកើត»នេះ ជាពួកណាឡើយ។ លោកថា៖

«ពួកអាខាងកើតឯងអស់នេះ កុំយកសំលៀកបំពាក់ខ្មែរទៅរុំអី នាំអោយថោកដល់ខ្មែរទេ។»

គួរបញ្ជាក់ដែរថា មិនមែនមានតែយុវតីក្មេងៗ ប៉ុណ្ណោះទេ ដែលស្លៀកគ្រងចរបាប់អប្សរាខ្មែរ។ ស្ត្រីល្បីឈ្មោះ​មានវ័យចំណាស់មួយចំនួន ក៏បានស្លៀកសម្លៀកបំពាក់បែបនេះ រួចថតរូបបង្ហោះនៅលើបណ្ដាញសង្គមដែរ ដូចយ៉ាងអ្នកស្រី ហ៊ុន ស៊ីណាត ប្អូនស្រីលោក ហ៊ុន សែន និងជាម្ដាយមីងរបស់លោក ហ៊ុន ម៉ាណែត នាយករដ្ឋមន្ត្រីសព្វថ្ងៃជាដើម៕



You may also like

ទស្សនៈប្រិយមិត្ត

មតិ៖ រវាង​«មេ​បក្ស​កណ្ដឹង​អត់​ព្រួយ»​និង«​កំអួត​សង្គម»

ទស្សនៈ និងការស្រាវជ្រាវស្ដីពី​​«​កំអួត​សង្គម» ៖ ទស្សនវិទូបារាំងឈ្មោះ ឡឺ ម៉ុងតែញ (Editor’s Note: ឈ្មោះ​ពេញ គឺ Michel de Montaigne ...
ទំនៀមទំលាប់

សង្ក្រាន្តឆ្នាំជូត ព.ស.២៥៦៤ ចូលនៅ​ថ្ងៃទី​១៣មេសា ម៉ោង​២០ៈ៤៨​នាទី

សង្ក្រាន្តឆ្នាំជូត ទោស័ក ពុទ្ធសករាជ ២៥៦៤ នឹង​ចូល​មកដល់​នៅ​ថ្ងៃចន្ទ ៦រោច ខែចេត្រ ត្រូវ​នឹង​ថ្ងៃទី ១៣ ខែមេសា គ្រិស្ដសករាជ ២០២០ នាវេលា​ម៉ោង២០ ...
ពីឆ្វេងទៅស្ដាំ៖ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ និងលោក សួន សេរីរដ្ឋា រដ្ឋលេខាធិការក្រសួងអភិវឌ្ឍជនបទ (អតីតប្រធានគណបក្សអំណាចខ្មែរ)។ (រូបថតលើហ្វេសប៊ុក)
កម្ពុជា

សំរាមអណ្ដែតនៅភ្នំពេញ ៖ ខឹម វាសនា ចំអកដាក់ សួន សេរីរដ្ឋា

ការបន្ទោសពលរដ្ឋ ពីសំណាក់លោក សួន សេរីរដ្ឋា ជុំវិញស្ថានភាព«សំរាមអណ្ដែតនៅភ្នំពេញ» ទទួលបានការចំអក ពីលោក ខឹម វាសនា ប្រធានគណបក្សសម្ព័ន្ធប្រជាធិបតេយ្យ នៅថ្ងៃនេះ។ កាលពីចុងសប្ដាហ៍មុន លោក ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...