លោតទម្លាក់ខ្លួនពីយន្ដហោះ ហោះក្នុងមេឃ ដើម្បីបង្កើតផ្ទាំងទស្សនីយភាពដ៏អស្ចារ្យ កម្រមានពីមុន… ជាអ្វីដែលលោក «Mark Wallace» អ្នកជំនាញខាង​លោត​ប៉ារ៉ាឈុត និងមិត្តភ័ក្រលោក ចំនួន១៦នាក់ផ្សេងទៀត បានធ្វើ​កាលពីពាក់កណ្ដាល​ខែមិថុនា​កន្លងមក។ នៅពីលើលំហ «Skydive Spaceland» ក្បែរក្រុង ហ៊ូស្ដុន រដ្ឋតិចសាស់ (ខាងត្បូងសហរដ្ឋ​អាមេរិក) អ្នកលោតប៉ារ៉ាឈុតទាំង១៧ បានបំពាក់ជាប់នឹងខ្លួន នូវអំពូលភ្លើង «LED» ដែលឲ្យពណ៌ចម្រុះ និងបំពាក់ជាប់​នឹងជើងពួកគេ នូវកាំជ្រួចជ្វាលា ដែលត្រូវបាន​ដុះបញ្ឆេះ នៅពេល​ពួកគេហោះ ក្នុងលំហមេឃ៕

កំពូលកីឡាករតឺនីស ជាតិបារាំងទាំងពីរនាក់នេះ ឈប់ប្រើរ៉ាកែត (Raquette) ដើម្បីវាយបាល់តឺនីសទៀតហើយ! តែពួកគេបានងាកមកប្រើ«ជើង» ដើម្បីទាត់បាល់តឺនីសវិញម្ដង។ ជាឈុតឆាកហួសចិត្ត នៅក្នុងការប្រកួតរវាងកីឡាករ «Benoît Paire» និងកីឡាករ «Jo-Wilfried Tsonga» ក្របខណ្ឌ «Halle Open» នៃប្រទេសអាល្លឺម៉ង់ កាលពីថ្ងៃអង្គារម្សិលម៉ិញ។ នៅពេលចាប់ផ្ដើមវគ្គទី២ នៃការប្រកួតនោះ កីឡាករ «Benoît Paire» បានរបូតរ៉ាកែតពីដៃ តែកីឡាករបានសម្រេចចិត្ត បន្តការប្រកួត ដោយប្រើ… ជើង។ ឃើញដូច្នេះ កីឡាករ «Jo-Wilfried Tsonga» បានកំដរឈុតឆាកនេះ ជាមួយកីឡាកររួមជាតិខ្លួន ...

រឿងរ៉ាវបានកើតឡើង ក្នុងការប្រកួត រវាងក្រុម «Moskvich» និងក្រុម «Kazan» នៅប្រទេសរ៉ុស្ស៊ី ក្នុងសប្ដាហ៍កន្លងមក៖ កីឡាបាល់បោះក្នុងទឹក «Water-polo» បានប្រែក្លាយភ្លាមៗ ទៅជាប្រដាល់គុនចម្រុះ «MMA»។ រឿងនេះកើតចេញដំបូងឡើយ ដោយជម្លោះពាក្យសំដី រវាងគ្រូបង្វឹករបស់ក្រុមមួយ និងកីឡាករម្នាក់ របស់ក្រុមមួយទៀត។ ជម្លោះពាក្យសំដីនេះ បញ្ចប់ទៅដោយការចោលបាល់ ពីសំណាក់កីឡាករម្នាក់នោះ ទៅលើស្ត្រីម្នាក់ ដែលត្រូវគ្រូបង្វឹក យកមករងជំនួសខ្លួន។ មិនបង្អង់យូរ និងបើទោះជាមានសម្លៀកបំពាក់ នៅជាប់ខ្លួនក៏ដោយ គ្រូបង្វឹកដែលរងមួយបាល់នោះ បានលោតចូលទៅក្នុងអាងទឹក ដោយដាក់ជើងទៅមុន សំដៅកីឡាករដែលបានឈ្លោះជាមួយខ្លួន។ ប្រតិកម្មរបស់គ្រូបង្វឹក បានបណ្ដាល ឲ្យកីឡាករផ្សេងទៀត ចូលរួមឈឺឆ្អាល ...