ការប្រើពាក្យ ដូចជា «EU ទុកច្រក ឱ្យរដ្ឋាភិបាលកម្ពុជា» ឬពាក្យដទៃទៀត ដែលរបបក្រុងភ្នំពេញវាយតម្លៃថា «មិនត្រឹមត្រូវ» អាចនឹងរងវិធានការ «ដោយម៉ឺងម៉ាត់ និងគ្រប់រូបភាព» ពីរបបដឹកនាំឯកបក្សមួយនេះ។ នេះ បើតាមសេចក្ដីថ្លែងការណ៍ របស់លោក ផៃ ស៊ីផាន អ្នកនាំពាក្យរដ្ឋាភិបាលកម្ពុជា ដែលចេញផ្សាយ នៅល្ងាចថ្ងៃព្រហស្បត្តិ៍ម្សិលម៉ិញ។ សេចក្ដីថ្លែងការណ៍ ដែលមានសរសេរ ជាបីភាសា (ខេមរភាសា អង់គ្លេស និងចិន) បានពន្យល់ថា វិធានការ​«ដោយម៉ឺងម៉ាត់ និងគ្រប់រូបភាព»នោះ គឺដើម្បីថែរក្សា «សតិអារម្មណ៍​​សាធារណៈ ឱ្យស្ថិតនៅក្នុងស្ថិរភាព និងកិច្ចសហប្រតិបត្តិការគ្រប់ជ្រុងជ្រោយ»។ លោក ផៃ ស៊ីផាន ...

នៅមុនជំនួប «បាយសាមគ្គី» ជាមួយលោក ហ៊ុន សែន ក្រុមអ្នកសារព័ត៌មាន ប្រមាណជា៤០នាក់ មកពីស្ថាប័ន​ចម្រុះ​ បានចេញលិខិតចំហរមួយ ដើម្បី​ទទូចទៅ​តុលាការគ្រប់ជាន់ថ្នាក់ ឲ្យ​ទម្លាក់​ចោល​បទ​ចោទ​ប្រកាន់​ ទៅលើអតីតអ្នកយកព័ត៌មាន របស់វិទ្យុអាស៊ីសេរីពីររូប គឺលោក អួន ឈិន និងលោក យាង សុធារិន។ អ្នកសារព័ត៌មានទាំងពីររូប ត្រូវបានអាជ្ញាធរចាប់ខ្លួន យកទៅឃុំ កាលពីពាក់កណ្ដាល​ខែវិច្ឆិកា ឆ្នាំ២០១៧ មុននឹងត្រូវបាន​តុលាការ​ចោទប្រកាន់ ពីបទប្រគល់​ឱ្យរដ្ឋបរទេស នូវព័ត៌មានជាអាទ៍ ដែលបង្កអន្តរាយ ដល់កិច្ចការពារជាតិ ឬ​ចារកម្ម ដែលអាចធ្វើឲ្យអ្នកទាំងពីរ ជាប់ពន្ធនាគារច្រើនឆ្នាំ។ បន្ទាប់មក នៅខែ​សីហា​ឆ្នាំ​មុន លោក អ៊ួន ...

នៅមួយថ្ងៃ មុនជំនួប«បាយសាមគ្គី» ជាមួយក្រុមអ្នកសារព័ត៌មាន លោកនាយករដ្ឋមន្ត្រី ហ៊ុន សែន បានលើកឡើងរួចជាស្រេច ប្រាប់ឲ្យអ្នកសារព័ត៌មានទាំងអស់ ត្រូវចូលរួមផ្សព្វផ្សាយអំពីកម្ពុជា ទៅកាន់ពិភពលោក ក្នុង«ផ្លូវវិជ្ជមាន» ដើម្បីប្រទេសជាតិកាន់តែរីកចម្រើន។ តែអ្នកវិភាគគិតថា ដើម្បីប្រទេសជាតិមួយ មានភាពរីកចម្រើន និងភាពស៊ីវីល័យពិតប្រាកដ អ្នកសារព័ត៌មាន​ត្រូវមានតួនាទី ជាអ្នកសារព័ត៌មានពិតប្រាកដ ហើយលោក ហ៊ុន សែន ក៏ត្រូវមានតួនាទី ជាមេដឹកនាំពិតប្រាកដដែរ។ ការអះអាងរបស់លោក ហ៊ុន សែន ធ្វើឡើងនៅមុននេះ តាមរយៈទំព័រហ្វេសប៊ុករបស់លោក ដោយមានអមមកជាមួយ នូវរូបថតមួយសន្លឹក ដែលបង្ហាញពីរូបលោក ក្នុងឯកសណ្ឋានជាយោធា និងមានកាម៉េរ៉ារូបថត នៅខាងមុខ។  លោកនាយករដ្ឋមន្ត្រី ...

មិនខ្វល់ខ្វាយ នឹងការសាកសួរ… ហើយរារាំង (Blocked) គណនី របស់អ្នកសារព័ត៌មាន ជាពិសេស មិនចង់ឲ្យ​មាន​ការរិះគន់ ពីអ្នកដទៃ … វាជាគ្រោះថ្នាក់ សម្រាប់លទ្ធិប្រជាធិបតេយ្យ។ ហើយកញ្ញា កឹម មនោវិទ្យា កូនស្រីច្បង របស់ប្រធានគណបក្សសង្គ្រោះជាតិ កំពុងស្ថិតក្នុងបញ្ជីមនុស្ស ដែលមាននិន្នាការបែបនោះ។ ខាងលើនេះ ជាការលើកឡើង របស់លោក ចន ប្រោន (John Brown) អ្នកសារព័ត៌មាន អ្នកនិពន្ធ និងជាអ្នកជំនាញខាងថតរូបមួយរូប ដោយថែមទាំងភ្ជាប់ស្ត្រីវ័យ ៣៥ឆ្នាំ ដែលជាមន្ត្រីជាន់ខ្ពស់មួយរូប របស់គណបក្សប្រឆាំងកម្ពុជា ទៅនឹងក្រុមនុស្ស ដែលមានផ្នត់គំនិត ...

កញ្ញា យុង ខេមរា អតីតអ្នកសារព័ត៌មានមួយរូប ដែលមាននិន្នាការស្និត នឹងលោកនាយករដ្ឋមន្ត្រី ហ៊ុន សែន ត្រូវបានតំឡើងឋានន្តរស័ក្ដិ ឲ្យឡើងជា «ឧត្ដមសេនីយ៍ត្រី (ផ្កាយមួយ)» បន្ទាប់ពីស្ត្រីវ័យ ៣២ឆ្នាំរូបនេះ ត្រូវបានតែងតាំង ឲ្យក្លាយជានាយទាហាន នៃកងពលតូចលេខ៧០ កាលពីចុងខែកន្លងទៅរួច។ ព្រះរាជក្រឹត្យរបស់ព្រះមហាក្សត្រ ដែលចុះព្រះហត្ថលេខា កាលពីថ្ងៃទី១៧ ខែធ្នូ ឆ្នាំ២០១៨ និងដែលធ្លាក់​មកដល់​ ដៃអ្នកសារព័ត៌មាន ក្នុងថ្ងៃនេះ បានឲ្យដឹងថា វរសេនីយ៍ឯក យុង ខេមរា អតីតអ្នករាយការណ៍ព័ត៌មាន ទូរទស្សន៍អប្សរា ក្នុងកម្មវិធី «Apsara net» ...

លោកឧកញ៉ា គិត ម៉េង មិនត្រូវបានចាប់ខ្លួនទេ តែលោក «កំពុងចូលរួម ក្នុងកម្មវិធី​សប្បាយរីករាយ ជាមួយគ្រួសារ និងមិត្តភ័ក្រ នៅក្នុងខេត្តសៀមរាប»។ នេះ បើតាមការប្រកាសរបស់ក្រុមហ៊ុន បណ្ដាញផ្សព្វផ្សាយកម្ពុជា (Cambodian Broadcasting Service – CBS) ដើម្បីប្រតិកម្មទៅនឹងការផ្សាយដំណឹងមួយ របស់ទំព័រហ្វេសប៊ុក «CBN Khmer» ដែលបានបង្ហោះវីដេអូមួយ ដាក់ចំណងជើងថា «ដំណឹងបន្ទាន់ ហ៊ុន សែន ខឹងខ្លាំងណាស់ចាប់ខ្លួនឧកញ៉ា គិត ម៉េង មិញៗនេះ ផ្អើល»។ ក្នុងសេចក្ដីបំភ្លឺមួយ ដែលចេញផ្សាយ នៅថ្ងៃសៅរ៍ទី២៣ ...