កម្ពុជាដំណឹង

សំរាមអណ្ដែតនៅភ្នំពេញ ៖ ខឹម វាសនា ចំអកដាក់ សួន សេរីរដ្ឋា

ពីឆ្វេងទៅស្ដាំ៖ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ និងលោក សួន សេរីរដ្ឋា រដ្ឋលេខាធិការក្រសួងអភិវឌ្ឍជនបទ (អតីតប្រធានគណបក្សអំណាចខ្មែរ)។ (រូបថតលើហ្វេសប៊ុក)
ពីឆ្វេងទៅស្ដាំ៖ លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ និងលោក សួន សេរីរដ្ឋា រដ្ឋលេខាធិការក្រសួងអភិវឌ្ឍជនបទ (អតីតប្រធានគណបក្សអំណាចខ្មែរ)។ (រូបថតលើហ្វេសប៊ុក)

ការបន្ទោសពលរដ្ឋ ពីសំណាក់លោក សួន សេរីរដ្ឋា ជុំវិញស្ថានភាព«សំរាមអណ្ដែតនៅភ្នំពេញ» ទទួលបានការចំអក ពីលោក ខឹម វាសនា ប្រធានគណបក្សសម្ព័ន្ធប្រជាធិបតេយ្យ នៅថ្ងៃនេះ។

កាលពីចុងសប្ដាហ៍មុន លោក សួន សេរីរដ្ឋា ដែលទើបត្រូវបានលោកនាយករដ្ឋមន្ត្រី ហ៊ុន សែន តែងតាំងឲ្យក្លាយជារដ្ឋលេខាធិការថ្មីថ្មោង នៃក្រសួងអភិវឌ្ឍជនបទ បានបង្ហោះសារមួយ នៅលើបណ្ដាញសង្គម បន្ទោសពលរដ្ឋដែលមិនបានវេចខ្ចប់សំរាម ក្នុងថង់សំរាម និងមិនបានដាក់សំរាមវេចខ្ចប់ទាំងនោះ ចូលក្នុងធុងសំរាម ឲ្យបានត្រឹមត្រូវ។

ការលើកឡើងនោះ ទទួលបានប្រតិកម្ម ពីសំណាក់ពលរដ្ឋទូទៅ ដោយពួកគេបានរិះគន់ ដោយប្រើពាក្យធ្ងន់ៗ តបទៅអតីតប្រធានគណបក្សអំណាចខ្មែរ។

🔴🇰🇭 សួន សេរីរដ្ឋា៖ បើរដ្ឋជួសជុលលូបង្ងូបង្គន់មិនទាន់ តើពលរដ្ឋ«នៅតែជុះ ដាក់ពេញផ្ទះរបស់ខ្លួន ដែរឬទេ»…

Gepostet von MONOROOM.info am Sonntag, 11. Oktober 2020

សម្រាប់លោក ខឺម វាសនា ដែលជាដៃគូចាស់ ក្នុងការឆ្លើយឆ្លងសារនយោបាយ ក្នុងគ្រាកន្លងមក មិនបានបញ្ចេញសារអ្វី ដើម្បីប្រតិកម្មផ្ទាល់ នឹងការលើកឡើង របស់លោក សួន សេរីរដ្ឋា ទេ។ តែប្រធានគណបក្ស«ជួង» បានចែករំលែក នៅលើគណនេយ្យហ្វេសប៊ុករបស់លោក នូវការចំអកមួយ របស់សមាជិក (ឬប្រិយមិត្ត) មួយរូបរបស់គណបក្ស។

ការចំអកនោះ បានសរសេរថា៖

«បងពីមុន បាត់ទៅណា? បងពីមុន ឆ្កួតបាត់ហើយ… ពេលបងមានអ្នកថ្មី អូនធ្វើអ្វីក៏ខុស កំហុសទម្លាក់លើពលរដ្ឋ។»

Gepostet von Veasna Khem am Dienstag, 13. Oktober 2020

លោក ខឹម វាសនា និងលោក សួន សេរីរដ្ឋា ធ្លាប់បានឆ្លើយឆ្លងសារនយោបាយ ដាក់គ្នាទៅវិញទៅមក តាំងពីច្រើនឆ្នាំមកហើយ។ កាលពីអំឡុងឆ្នាំ២០១៦ លោក ខឹម វាសនា បានហៅលោក សួន សេរីរដ្ឋា ថា«អាភ្លើ» ខណៈលោក រដ្ឋា បានតបទៅវិញ នៅមួយឆ្នាំក្រោយ ដោយហៅដៃគូឆ្លងឆ្លើយរបស់លោក ថាជាអ្នកនយោបាយ«ឆ្កួត»៕



លំអិតបន្ថែមទៀត

ខាងឆ្វេង៖ លោក សួន សេរីរដ្ឋា ក្នុងការិយាល័យរដ្ឋលេខាធិការ នៃក្រសួងអភិវឌ្ឍជនបទ។ ខាងស្ដាំ៖ ទិដ្ឋភាព«សំរាមអណ្ដែត»នៅរាជធានីភ្នំពេញ។ (រូបថតលើហ្វេសប៊ុក)
កម្ពុជា

សួន សេរីរដ្ឋា បន្ទោសពលរដ្ឋ ករណី«សម្រាមអណ្ដែត»​ក្នុងរាជធានី

សម្រាប់លោក សួន សេរីរដ្ឋា រដ្ឋលេខាធិការថ្មីថ្មោង របស់រដ្ឋាភិបាលកម្ពុជា បានអះអាង​ថា ករណី«សម្រាមអណ្ដែត»នៅរាជធានីភ្នំពេញ គឺពលរដ្ឋជាអ្នកខុស ដោយសារ​តែពលរដ្ឋ​ម្ចាស់សម្រាមទាំងនោះ មិនបានខ្ចប់វេចសម្រាម ដាក់ក្នុង​ស្បោងសម្រាម និងធុងសម្រាម ឲ្យបានត្រឹមត្រូវ។ ...
កម្ពុជា

ខ្លីៗ​ពីបារាំង៖ ចិនបោះទុន​សង់​ច្រើនជាងគេ​នៅ​កម្ពុជា មុន​វិបត្តិ​«Covid-19»

ការវិនិយោគផ្ទាល់ពីបរទេស «FDI /IDF» ក្នុងវិស័យអចលនទ្រព្យ នៅប្រទេសកម្ពុជា មុន​វិបត្តិ​«Covid-19» ត្រូវបានកត់សម្គាល់ ដោយការវិនិយោគរបស់ចិន ដែលមាន​ទំហំ​ធំ​ជាងគេ។ នេះ បើតាមរបាយការណ៍ខ្លីៗ ប្រចាំសប្ដាហ៍ទី១៨ របស់ក្រសួងសេដ្ឋកិច្ច ...
កម្ពុជា

ក្រុងភ្នំពេញ​ព្រមាន​ចាត់វិធានការ ប្រឆាំង​ការជួបជុំ​ធ្វើបុណ្យ​ឧទ្ទិសជូន កែម ឡី

ជនទាំងឡាយណា ដែលជួបជុំគ្នា ដើម្បីធ្វើបុណ្យឧទ្ទិស ឬបុណ្យគម្រប់ខួប៤ឆ្នាំ នៃ​មរណភាព​​លោក កែម ឡី នៅ​បរិវេណ​ស្ថានីយប្រេងឥន្ធនៈកាល់តិច ស្តុបបូកគោ នឹងរង​ការចាត់​វិធានការ ពីសំណាក់អាជ្ញាធរ។ នេះ បើតាមការលើកឡើង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...