កម្ពុជាដំណឹង

សួន សេរីរដ្ឋា បន្ទោសពលរដ្ឋ ករណី«សម្រាមអណ្ដែត»​ក្នុងរាជធានី

ខាងឆ្វេង៖ លោក សួន សេរីរដ្ឋា ក្នុងការិយាល័យរដ្ឋលេខាធិការ នៃក្រសួងអភិវឌ្ឍជនបទ។ ខាងស្ដាំ៖ ទិដ្ឋភាព«សំរាមអណ្ដែត»នៅរាជធានីភ្នំពេញ។ (រូបថតលើហ្វេសប៊ុក)
ខាងឆ្វេង៖ លោក សួន សេរីរដ្ឋា ក្នុងការិយាល័យរដ្ឋលេខាធិការ នៃក្រសួងអភិវឌ្ឍជនបទ។ ខាងស្ដាំ៖ ទិដ្ឋភាព«សំរាមអណ្ដែត»នៅរាជធានីភ្នំពេញ។ (រូបថតលើហ្វេសប៊ុក)

សម្រាប់លោក សួន សេរីរដ្ឋា រដ្ឋលេខាធិការថ្មីថ្មោង របស់រដ្ឋាភិបាលកម្ពុជា បានអះអាង​ថា ករណី«សម្រាមអណ្ដែត»នៅរាជធានីភ្នំពេញ គឺពលរដ្ឋជាអ្នកខុស ដោយសារ​តែពលរដ្ឋ​ម្ចាស់សម្រាមទាំងនោះ មិនបានខ្ចប់វេចសម្រាម ដាក់ក្នុង​ស្បោងសម្រាម និងធុងសម្រាម ឲ្យបានត្រឹមត្រូវ។

សម្រាមអណ្ដែត បានរាយប៉ាយជាមួយនឹងទឹកភ្លៀងជន់ នៅតាមដងផ្លូវនានា ក្នុង​រាជធានី​ភ្នំពេញ។ ទិដ្ឋភាពនេះ កើតឡើងបន្ទាប់ពីកម្មករ​ក្រុមហ៊ុន​ស៊ីនទ្រី ផ្ទុះ​ការ​តវ៉ា ​មុខ​ក្រុមហ៊ុន ហើយធ្វើកូដកម្ម ​មិន​ព្រម​ចេញ​ប្រមូល និង​ដឹក​សំរាម តាំងពីច្រើនថ្ងៃ​មក។

ការអណ្ដែតរាយប៉ាយ នៃសម្រាម បានបង្កឲ្យមានការរិះគន់ មិនតិចទេ ពីសំណាក់ពលរដ្ឋ​អ្នករស់នៅក្នុងរាជធានី ជុំវិញសមត្ថភាព នៃការដោះស្រាយវិបត្តិសម្រាម ពីសំណាក់​អាជ្ញាធរ។

ចំពោះលោក សួន សេរីរដ្ឋា ដែលត្រូវបានលោកនាយករដ្ឋមន្ត្រី ហ៊ុន សែន តែងតាំងជា​រដ្ឋលេខាធិការថ្មីថ្មោង នៃ​ក្រសួង​អភិវឌ្ឍន៍​ជន​បទ បានទទួលស្គាល់ថា ការប្រមូលសម្រាម វាជាកាតព្វកិច្ច របស់រដ្ឋបាលរាជធានី ខេត្ត ក្រុង។

តែលោកបានបន្ទោស ទៅលើ​ការវេចខ្ចប់​សម្រាម ទុកដាក់សម្រាមក្នុងថង់ (ថង់សម្រាម​ត្រឹមត្រូវ) និងដាក់ចូល​ធុងសម្រាម ដែលលោកហៅថា ជា«កាតព្វកិច្ច»​របស់ម្ចាស់​សម្រាម។

លោក សេរីរដ្ឋា ដែលធ្លាប់រិះគន់រដ្ឋាភិបាលលោក ហ៊ុន សែន មិនសំចៃមាត់ បាន​ចោទសួរ​ជាសំនួរចំនួនពីរ នៅលើបណ្ដាញសង្គម ដើម្បីបញ្ចៀស (ឬសម្រាល) ការទទួលខុសត្រូវ របស់អាជ្ញាធរ។ ខាងក្រោមនេះ ជាសំនួរ​ទី១៖

«តើម្ចាស់ផ្ទះ ម្ចាស់ហាង អ្នកលក់ដូរគ្រប់គ្នាហ្នឹង មានប្រើថង់សម្រាមត្រឹមត្រូវវេចខ្ចប់ និងមានប្រើធុងសម្រាម ដាក់សម្រាមកាកសំណល់ ដែលខ្លួនស៊ីសល់ហ្នឹង បានត្រឹមត្រូវ​ហើយឬនៅ ?»

បន្ទាប់មក រដ្ឋលេខាធិការដែលទើបឡើងតំណែងថ្មី បានបន្តចោទសួរ ដោយប្រៀបធៀប​ករណីនេះ ទៅនឹងករណីបង្គន់តាមផ្ទះពលរដ្ឋ នៅពេលដែលរដ្ឋជុសជុល លូបង្ហូចេញ​មិនទាន់។ លោកសរសេរថា ៖

«បើមានករណីលូបង្ហូរ​បង្គន់សាធារណៈវាខូច រដ្ឋជួសជុលមិនទាន់ ធ្វើឲ្យបង្គន់ក្នុងផ្ទះខ្លួន​វាស្ទះដែរនោះ តើនៅតែជុះ ដាក់ពេញផ្ទះរបស់ខ្លួន ដែរឬទេ ? (SIC)»



លំអិតបន្ថែមទៀត

កម្ពុជា

នេះជា​ផ្ទះ​ដែល​ឯកអគ្គរដ្ឋទូត​អាមេរិក​ស្នាក់នៅ ក្នុង​ចុង​សប្ដាហ៍​កន្លង​មក

ក្នុង​ចុង​សប្ដាហ៍​កន្លង​មក ឯកអគ្គរដ្ឋទូតសហរដ្ឋអាមេរិក ប្រចាំនៅកម្ពុជា លោក ប៉ាទ្រីក ម័រហ្វី (Patrick Murphy) បានធ្វើដំណើរ​ទៅកាន់​ទឹកដីភាគឦសាន នៃប្រទេស​កម្ពុជា ជាពិសេសនៅក្នុងខេត្ត​មណ្ឌលគិរី ដោយស្នាក់ក្នុង​ក្រុង សែនមនោរម្យ ...
របាយការណ៍

បទ​យកការណ៍៖ «វីរបុរស​ព្រៃឈើ នៃ​ប្រទេស​កម្ពុជា»

សូមជូនឯកសារវីដេអូចំនួនពីរ៖ ទីមួយ ជាឯកសារស្ដីពីលោក ឈុត វុទ្ធី វីរបុរស​ព្រៃឈើ ដែលត្រូវបានបាញ់សម្លាប់ ដោយមន្ត្រីអាវុធហត្ថ ខេត្ត​កោះកុង និងទីពីរ ជាសកម្មភាពការពារព្រៃឈើ នៃសហគមន៍ព្រៃឡង់ ពីការកាប់ទន្ទ្រានព្រៃ ...
ដំណឹង

ត្រាំ ភ្ជាប់​បាតុកម្ម​អាវកាក់​លឿង ជាមួយ​កិច្ច​ព្រមព្រៀង​ប៉ារីស​ស្ដីពី​អាកាសធាតុ

អ្នកផងត្រូវនាំគ្នា​និយាយ ពីប្រធានាធិបតី​អាមេរិកទៀតហើយ! ខណៈបាតុកម្មរបស់​បណ្ដាជន​បារាំង ពាក់អាវកាក់ពណ៌លឿង កំពុងធ្វើឲ្យពិភពលោក​ចាប់អារម្មណ៍នោះ លោក ដូណាល់ ត្រាំ (Donald Trump) បានបង្ហោះសារមួយ នៅល្ងាចថ្ងៃសៅរ៍នេះ តាមរយៈទំព័រទ្វីសធើររបស់លោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...