[ គន្លឹះ៥យ៉ាង ] មនុស្សពីរនាក់ដែលស្រលាញ់គ្នា ទោះបីផ្អែមល្ហែមខ្លាំងយ៉ាងណា មិនប្រាកដថា មិនធ្លាប់ឈ្លោះគ្នានោះទេ។ ទោះបីជាយ៉ាងណាក៏ដោយ របៀបនៃការដោះស្រាយបញ្ហា របស់គូស្នេហ៍នីមួយៗ អាចមានលក្ខណៈខុសគ្នា តែក៏ក្នុងបំណងមួយ គឺចង់រក្សាទំនាក់ទំនង ឱ្យល្អឡើងវិញ។ ខាងក្រោមនេះ គឺជា«គន្លឹះ៥យ៉ាង» ដែលគូស្នេហ៍ភាគច្រើន តែងប្រើ ក្នុងការផ្សះផ្សាទំនាក់ទំនង ជាមួយដៃគូ៖

១. ស្នាមញញឹម

បើឈ្លោះគ្នារួចហើយ នៅបន្តពាក់មុខយក្សដាក់គ្នា តើចំណេញអីទៅ គឺនៅតែអន់ចិត្ត ជាមួយគ្នាដដែល។ តែបើសិនជាភាគីណាម្នាក់ ព្រមញញឹម គឺប្រៀបដូចជាឥន្ទធនូ ដែលកើតក្រោយព្យុះភ្លៀង។ ទោះឈ្លោះ ឬខឹងដៃគូ យ៉ាងណា បើស្រាប់តែឃើញគេញញឹមដាក់ ឬអ្នកទាំងពីរព្រមញញឹមដាក់គ្នា នោះស្មើនឹងព្រមត្រូវគ្នាវិញ ទោះមិននិយាយ ក៏ដូចបានប្រើស្នាមញញឹម មកជំនួស។

២. សុំទោស

ពេលខ្លះ បន្ទាប់ពីខឹង ឬឈ្លោះគ្នាហើយ ក៏អាចជាពេលដែលម្នាក់ៗ ពិចារណាឡើងវិញ ហើយចួនកាលក៏មើលឃើញថា ខ្លួនជាអ្នកខុស ហើយក៏ព្រមនិយាយពាក្យសុំទោស។ តែពេលខ្លះ អ្នកដែលព្រមនិយាយសុំទោស មុន មិនប្រាកដថាជាអ្នកខុសទេ តែព្រោះគេយល់ថា ពេលសុំទោសហើយ នឹងធ្វើឱ្យសង្គ្រាមផ្លូវចិត្តនេះ បញ្ចប់បាន។

៣. អធ្យាស្រ័យ

ចាំថា មនុស្សដែលនៅក្បែរយើង ដែលយើងកំណត់ថា ជាគូស្នេហ៍ គឺច្បាស់ណាស់ថា គេមិនមែនជាសត្រូវ របស់យើងនោះទេ។ ដូច្នេះ បើខឹងគ្នា ឈ្លោះគ្នា ក៏សូមឱ្យអារម្មណ៍នោះ បាត់ទៅវិញ ជំនួសឱ្យការអធ្យាស្រ័យ អត់ឱនឱ្យគ្នាទៅវិញទៅមក។ គ្មានទេ ពាក្យថាគុំកួន ចំពោះមនុស្សជាទីស្រលាញ់របស់យើង។

៤. ព្រមចាញ់

កុំគិតថា ការនិយាយរកដៃគូមុន ជារឿងអន់ឱ្យសោះ។ បើសិនការចង់ឈ្នះ ហើយធ្វើឱ្យអ្នកមិនព្រមនិយាយរកគ្នាមុន ឬចាំទាល់តែភាគីម្ខាងទៀត និយាយរកមុន នោះវានឹងធ្វើឱ្យទំនាក់ទំនង កាន់តែឃ្លាតឆ្ងាយ។ សាកគិតទៅមើល នៅពេលមានសង្គ្រាមកើតឡើង បើភាគីម្ខាងៗ គិតតែចង់ឈ្នះ នោះវានឹងធ្វើឱ្យខាតពេលវេលា ហើយពាក្យថា សន្តិភាពនឹងមិនកើតមានឡើយក្នុងកាលៈទេសៈនេះ។ សូមចាំថា បើអ្នកព្រមចាញ់ នោះស្មើនឹងអ្នកបង្កើតសន្តិភាព ក្នុងសេចក្តីស្នេហារបស់អ្នក។

៥. បំភ្លេច

រឿងទាស់គ្នា បើឈ្លោះថ្ងៃហ្នឹងហើយ សូមឱ្យថ្ងៃថ្មី ជាថ្ងៃដែលនាំមកនូវស្នាមញញឹម។ ដូច្នេះ អ្នកមិនត្រូវគាស់កកាយ យករឿងពីម្សិលមករំឭកទៀតនោះទេ។ ការបំភ្លេចរឿងរកាំរកូស ការបំភ្លេចនូវជម្លោះ ដែលកើតឡើង គឺស្មើនឹងការបង្កើតនូវក្តីសុខ សម្រាប់ខ្លួនឯង និងដៃគូ៕



You may also like

កម្ពុជា

ក្រសួងវប្បធម៌​អំពាវនាវ​ឲ្យប្រើ​ទិវា​«នៃក្ដីស្រឡាញ់»​ស្របតាម​ប្រពៃណីខ្មែរ

«សូមចូលរួមផ្សព្វផ្សាយ អប់រំ ពន្យល់ណែនាំ ក្រើនរំលឹកដល់បងប្អូន កូនចៅ ក្នុងគោលដៅប្រើប្រាស់ទិវា [ នៃក្ដីស្រឡាញ់ ]នេះ ឲ្យស្របតាមគន្លងប្រពៃណី ដ៏ត្រកាលរបស់ខ្មែរ» នេះ ជាខ្លឹមសារនៃសេចក្ដីអំពាវនាវមួយ ...
វប្បធម៌ និងជីវិត

ហេតុអ្វី​«បេះដូង​ប្រេះស្រាំ»​ហើយ អាច​ប៉ះ​ភ្ជាប់​ឡើង​វិញ​បាន?

«បេះដូង​ប្រេះស្រាំ» ៖ ពាក្យស្នេហាពីរម៉ាត់នេះ ស្រួលសរសេរ ស្រួលអាន តែពិបាកយល់ន័យ។ អ្នកខ្លះ ស្រលាញ់គ្នា ហើយបែកគ្នា ហើយក៏ទៅរៀបការជាមួយអ្នកថ្មីទៀត ព្រោះសង្សារចាស់ គ្រាន់តែជាអតីត។ ទោះបីជាយ៉ាងណាក៏ដោយ ...
វប្បធម៌ និងជីវិត

ហេតុផល៧យ៉ាង ដែល​ឈាន​ដល់​ការ«លែងលះ»

ការ«លែងលះ» ជារឿងមួយដែលគ្រប់គ្នាមិនដែលប្រាថ្នា ព្រោះគិតថា វានឹងធ្វើឱ្យប៉ះពាល់ ដល់កិត្តិយសខ្លួនឯង និងគ្រួសារ។ ខណៈពេលដែលចំណងអាពាហ៍ពិពាហ៍ គឺជាទ្រព្យសម្បត្តិដ៏មានតម្លៃ សម្រាប់ជីវិតគូ តែសាមីខ្លួននៅតែជ្រើសរើស យកការលែងលះ ដោយសារតែមិនអាចទ្រាំនឹងបញ្ហាដែលកើតឡើង ការឆ្អែតចិត្ត ...

Comments are closed.

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...