វប្បធម៌ និងជីវិតស្នេហា

វិធីសាស្រ្ត​រំដោះ​ខ្លួន ពី​ការឈឺចាប់​ដោយ​សារ​បែក​បាក់​ស្នេហា

ស្នេហា គ្រាន់តែជាពាក្យពីរម៉ាត់ តែផ្តល់រសជាតិច្រើនយ៉ាង ដល់បុរសស្ត្រីដែលចង់ ឬបានភ្លក្ស។ អ្នកខ្លះជួបរឿងផ្អែមល្ហែម កក់ក្តៅ ខណៈពេលដែលអ្នកខ្លះទៀត បែរជាជួបរឿងខកបំណង បែកបាក់គ្នាទៅវិញ។ វាពិតជារឿងកម្សត់ ហើយគួរឱ្យអាណិតណាស់ សម្រាប់អ្នកដែលឈឺចាប់ ព្រោះរឿងស្នេហា រហូតដល់អ្នកខ្លះ មិនអាចគ្រប់គ្រងខ្លួនឯងបាន ក៏គិតខ្លី ធ្វើរឿងដែលបំផ្លាញដល់ខ្លួនឯង ឬក្នុងខួរក្បាលវិលវល់ ដោយគំនិតអវិជ្ជមាន។

ខាងក្រោមនេះ គឺជាវិធីសាស្រ្តមួយចំនួន សម្រាប់ជួយអ្នកខូចចិត្ត ឱ្យរំដោះខ្លួន ចេញពីភាពសោកសង្រេងរបស់ខ្លួន ចៀសវាងការ ធ្វើបាបខ្លួនឯងដោយប្រការណាមួយ៖

  • ចែករំលែករឿងខូចចិត្ត ជាមួយមនុស្សដែលអ្នកទុកចិត្ត

នៅពេលដែលអ្នកខូចចិត្ត វាជារឿងល្អបំផុត ដែលអ្នកអាចស្វែងរកមនុស្សណាម្នាក់ដែលអ្នកទុកចិត្ត ក្នុងការចែករំលែកពីបញ្ហារបស់អ្នកជាមួយគេ។ ពេលខ្លះពួកគេមិនប្រាកដថាអាចជួយអ្វីអ្នកបានក៏ពិតមែន តែការដែលគេចំណាយពេលស្តាប់រឿងឈឺចាប់របស់អ្នកដោយយកចិត្តទុកដាក់ ក៏គង់ធ្វើឱ្យអ្នកបានធូរស្រាលបានមួយកម្រិត ជាជាងលាក់ទុកភាពសោកសៅក្នុងចិត្តតែម្នាក់ឯង ព្រោះវានឹងរឹតតែធ្វើឱ្យអ្នកពិបាកទ្រាំ។

  • ទាញខ្លួនឯង ឱ្យក្រឡេកមើលមនុស្សសំខាន់ផ្សេងទៀត ដែលនៅក្បែរខ្លួន

បុរស ឬ នារី ដែលឈឺចាប់ព្រោះរឿងស្នេហា រមែងគិតថា ខ្លួនមិនអាចរកបាន មនុស្សថ្មីដែលសាកសម ឬដែលគេនឹងមកស្រលាញ់ខ្លួននោះទេ។ សូមកុំគិតដូច្នេះអី! ទន្ទឹមនឹងការខូចចិត្តដោយសារតែមនុស្សម្នាក់ដែលជាដៃគូស្នេហា សូមប្រើពេលវេលានេះ ងាកមកមើលមនុស្សសំខាន់ៗ ដែលនៅក្បែរខ្លួនអ្នកផង។ កុំបណ្តោយឱ្យខ្លួនឯង ធ្លាក់ក្នុងវិបត្តិផ្លូវចិត្ត ដោយសារតែមនុស្សម្នាក់ដែលមិនផ្តល់តម្លៃដល់អ្នក រហូតភ្លេចគិតដល់មនុស្សដែលស្រលាញ់អ្នកពិតប្រាកដ នោះគឺប៉ាម៉ាក់របស់អ្នក។ អ្នកឈឺចាប់ដោយសារគេ ខណៈពេលប៉ាម៉ាក់អ្នកឈឺចាប់ដោយសារអ្នក ពេលឃើញអ្នកខូចចិត្តបែបនេះ។ សូមគិតដល់អារម្មណ៍អ្នកមានគុណរបស់អ្នកផង!

  • រកពាក្យលើកទឹកចិត្តសម្រាប់ខ្លួនឯង

មនុស្សដែលខូចចិត្ត ច្រើនតែគិតអវិជ្ជមានច្រើនអំពីខ្លួនឯង ឬមើលឃើញពិភពលោកនេះ ក្នុងផ្លូវមិនល្អ ដូចជា “ខ្ញុំជាមនុស្សគ្មានតម្លៃ” “គ្មានគេខ្ញុំរស់មិនបាន” “ខ្ញុំពិបាកទ្រាំណាស់” “ព្រោះខ្ញុំមិនល្អ ទើបគេឈប់ស្រលាញ់ខ្ញុំ”។ល។ គំនិតអវិជ្ជមានទាំងនេះហើយជាហេតុផល ដែលមនុស្សមួយចំនួន សម្រេចចិត្តធ្វើបាបខ្លួនឯង ដោយមិនបានពិចារណាឱ្យបានវែងឆ្ងាយ។ អ្នកមានវិបត្តិទាំងឡាយអើយ! សូមគ្រប់គ្រងអារម្មណ៍ឱ្យបានណា ហើយក្រោកឈរឡើងវិញ ដោយការខិតខំរកពាក្យសម្រាប់លើកទឹកចិត្តខ្លួនឯង ឱ្យបានច្រើន។ នៅដំណាក់កាលដំបូង វាពិតជាពិបាកណាស់សម្រាប់អ្នក ហើយអ្នកក៏ប្រហែលជាគ្មានអារម្មណ៍អីត្រូវគិតពីរឿងលើកទឹកចិត្តខ្លួនឯងនោះដែរ។ តែចូរសួរខ្លួនឯងថា តើអ្នកចង់បន្តឈឺចាប់បែបនេះ ឬក៏ចង់ជួយខ្លួនឯងឱ្យបានប្រសើរឡើង? បើសិនអ្នកចង់ជួយខ្លួនឯង សូមព្យាយាមលើកទឹកចិត្តខ្លួនឯងឡើងវិញ ដូចជានិយាយមកកាន់ខ្លួនឯងថា “កុំអស់សង្ឃឹម” “ខ្ញុំត្រូវតែរឹងមាំ” “ជីវិតរបស់ខ្ញុំមិនមែនរស់ដើម្បីតែមនុស្សម្នាក់នោះទេ” “នៅក្បែរខ្ញុំមានមនុស្សជាច្រើនដែលស្រលាញ់ខ្ញុំ” “ខ្ញុំមិនអាចធ្វើឱ្យអ្នកផ្ទះពិបាកចិត្តបានទេ” “ខ្ញុំយំអស់ចិត្តហើយ ខ្ញុំត្រូវតែញញឹមវិញម្តង”។ល។

  • ព្យាយាមធ្វើខ្លួនឱ្យរវល់

ពេលដែលចិត្តកំពុងឈឺ យើងអាចលែងខ្វល់ពីខ្លួនឯង ពីអ្វីៗដែលនៅក្បែរខ្លួន ពីការងារ ពីមនុស្សផ្សេងទៀត ហើយរាងកាយក៏ចាប់ផ្តើមអសកម្ម ដោយសារតែអ្នកបណ្តោយឱ្យអារម្មណ៍ខូចចិត្ត គ្របដណ្តប់លើជីវិតរបស់អ្នក។ ខ្ញុំដឹងថា អ្នកពិបាករើខ្លួនចេញពីភាពងងឹតនេះ តែបើអ្នកពុះពារ អ្នកគង់ជំនះលើវាបាន ជាជាងការឃុំខ្លួនឯងនៅមួយកន្លែងមិនទៅណា។ សូមធ្វើខ្លួនអ្នកឱ្យរវល់ ព្រោះថា ភាពរវល់នឹងជួយអ្នកឱ្យភ្លេចគិតពីរឿងឈឺចាប់បាន។ ឧទាហរណ៍៖ រៀបចំខ្លួនសាជាថ្មី ទៅផ្សារ ធ្វើម្ហូប បោកខោអាវ បោសផ្ទះ ធ្វើការងារនៅកន្លែងធ្វើការ ទៅក្រៅញ៉ាំអីជាមួយមិត្តភក្តិ ចូលរួមក្នុងសកម្មភាពសាសនា។ល។

  • ចូលរួមក្នុងសកម្មភាពផ្សេងៗ

ការថែទាំផ្លូវចិត្តបានល្អ ក៏ត្រូវមានការចូលរួមពីសកម្មភាពរាងកាយដែរ។ កុំបណ្តោយឱ្យខ្លួនឯងឈឺរីងរៃ ស្គមស្គាំង ព្រោះរឿងស្នេហាច្រើនពេក។ ដើម្បីរំដោះខ្លួនចេញពីការឈឺចាប់ អ្នកគួរជួយខ្លួនឯងតាមរយៈសកម្មភាពរស់រវើកផ្សេងៗ ដូចជាការហាត់ប្រាណ ការលំហែកាយ ឬសមាធិជាដើម ដែលសុទ្ធតែផ្តល់ផលប្រយោជន៍ដល់សុខភាពរាងកាយ និងផ្លូវចិត្ត៕



លំអិតបន្ថែមទៀត

កំសាន្ដ

«ឪពុក​ឲ្យ​ខ្ញុំ​ក្ដាប់​ដុំថ្ម នៅ​ពេល​ខ្ញុំខឹង-​ស្អប់-​ច្រណែន»

សំឡេងបោះកាតាបព្រូស ទៅលើសាឡុង ដោយអាការៈអស់កម្លាំង ក្នុងដំណើរកោងៗ ជាមួយឯកសណ្ឋានសិស្ស បញ្ជាក់ថា តុលា ទើបត្រឡប់មកពីសាលារៀន។ លោកឪពុក ឃើញកូនប្រុសអាយុ ១៥ ឆ្នាំរបស់គាត់ ហាក់ហត់នឿយ ...
ជីវិតប្រចាំថ្ងៃ

ចង់​សម្លាប់​ខ្លួន​ឬ? ចូរ​ស្វែង​​យល់​សិន​ព្រោះ​​មាន​​ដំណោះស្រាយ!

គំនិតចង់សម្លាប់ខ្លួន អាចកើតមានជារឿងធម្មតា សម្រាប់បុគ្គលខ្លះ ដែលតានតឹងចិត្តខ្លាំង ឬមានអារម្មណ៍ថាអស់សង្ឃឹម តែវាក៏បាត់ទៅវិញ បន្ទាប់ពីស្ថានភាពផ្លូវចិត្ត របស់គេបានធូរស្រាល ខណៈពេលដែលបុគ្គលមួយចំនួនទៀត បានរៀបចំផែនការ ឬអាចឈានទៅដល់ការធ្វើអត្តឃាត បានសម្រេច។ កន្លងមក ...
កំសាន្ដ

«រាត្រីចន្ទទឹកឃ្មុំ នៅ​បន្ទប់​សណ្ឋាគារ… ជាន់ទី​៣៥» សំណើចខ្លី

ទើបនឹងរៀបការហើយថ្មីថ្មោង គូស្វាមីភរិយាបានជ្រើសរើសយប់ ដែលមានព្រះចន្ទពេញវង់ និងសណ្ឋាគារដ៏ខ្ពស់មួយ កំពស់៣៥ជាន់ ដើម្បីឆ្លងកាត់រាត្រីទឹកឃ្មុំ របស់ផងខ្លួន។ យកសណ្ឋាគារខ្ពស់ គឺដើម្បីអាចសម្លឹងមើលព្រះចន្ទ បានយ៉ាងងាយ និងដោយលន្លង់លន្លោច។ ហើយដើម្បីឲ្យកាន់តែវិសេសវិសាលទៀតនោះ នៅរាត្រីនេះ ...

Comments are closed.

យល់ស៊ីជម្រៅផ្នែក វប្បធម៌ និងជីវិត

វប្បធម៌ និងជីវិត

ទូរទស្សន៍​«Téléfoot»បារាំងបិទការផ្សាយ បន្ទាប់ពី​បើកទ្វារ​៦ខែ

ផ្ទាំងសំពត់ស

ភាពយន្ដថ្មី«Godzilla VS Kong» ចេញស្បត​ឃោសនាផ្អើលយូធូប

សត្វមាឌយក្សទាំងពីរ មួយហៅថា «Godzilla» និងមួយទៀត ជាសត្វស្វាគីងកុង «King Kong» បានជួបប្រយុទ្ធគ្នា នៅក្នុង​ភាពយន្ដ​ថ្មីមួយ របស់ផលិតកម្ម «Warner Bros» នៃពិភពហូលីវូដអាមេរិក។ ...
នគរ ស្ថាបត្យកម្ម

ព្រលានបុរាណ នៃក្រុង«Vérone» ភាគខាងជើង​អ៊ីតាលី

សង្វៀនកីឡា ឬព្រលានប្រកួតកីឡា ដែលមានវ័យ​ដ៏ចំណាស់មួយនេះ ស្ថិតនៅកណ្ដាលក្រុង​«Vérone» នៃខេត្ត«Vénétie» (ប្រទេសអ៊ីតាលី)។ វាត្រូវបានសង់ឡើង នៅឆ្នាំ៣០ នៃគ្រឹះសករាជ នាសម័យកាល​ចក្រភពរ៉ូម «ROME» ដ៏ខ្លាំងក្លា។ នៅពេលសាងសង់រួច ...