កម្ពុជាដំណឹង

ក្រុងភ្នំពេញ​ព្រមាន​ចាត់វិធានការ ប្រឆាំង​ការជួបជុំ​ធ្វើបុណ្យ​ឧទ្ទិសជូន កែម ឡី

ជនទាំងឡាយណា ដែលជួបជុំគ្នា ដើម្បីធ្វើបុណ្យឧទ្ទិស ឬបុណ្យគម្រប់ខួប៤ឆ្នាំ នៃ​មរណភាព​​លោក កែម ឡី នៅ​បរិវេណ​ស្ថានីយប្រេងឥន្ធនៈកាល់តិច ស្តុបបូកគោ នឹងរង​ការចាត់​វិធានការ ពីសំណាក់អាជ្ញាធរ។ នេះ បើតាមការលើកឡើង របស់អាជ្ញាធរ​ខណ្ឌ​ចំការមន នៅក្នុងសេចក្ដីប្រកាស​ព័ត៌មាន​មួយ ចុះថ្ងៃអង្គារ ទី៧ ខែកក្កដានេះ។

សេចក្ដីប្រកាសនោះ បានធ្វើ​ការព្រមាន​ដូច្នេះ បន្ទាប់ពីមានព័ត៌មាន បានផ្សាយឲ្យដឹង​ថា នឹងមាន​ការរៀបចំ​ពិធីជួបជុំ គម្រប់ខួប៤ឆ្នាំ នៃមរណភាពរបស់លោក កែម ឡី ដែល​ត្រូវ​ចាប់ធ្វើ​ពីថ្ងៃទី០៨ ដល់ថ្ងៃទី១០ ខែកក្កដា ឆ្នាំ២០២០ នៅបរិវេណស្ថានីយ​ប្រេងឥន្ធនៈ កាល់តិច ស្តុបបូកគោ ស្ថិតនៅក្នុងភូមិ១៣ សង្កាត់ទន្លេបាសាក់ ខណ្ឌ​ចម្ការមន រាជធានី​ភ្នំពេញ។

ប្រភពជាច្រើន​បានអះអាងថា បើសិនជាមានការជួបជុំនោះ វាគ្រាន់តែការជួបជុំ ដើម្បី​ធ្វើ​ពិធីសាសនា​តូចតាច ជាលក្ខណៈឯកជនប៉ុណ្ណោះ មិនមែនជួបជុំគ្នា ដើម្បីធ្វើ​បាតុកម្ម​នោះទេ។ សិទ្ធិធ្វើពិធីសាសនា ឬពិធីជំនឿអ្វីមួយ ត្រូវបានការពារ នៅក្នុងរដ្ឋធម្មនុញ្ញ​កម្ពុជា។

ប៉ុន្តែអាជ្ញាធរខណ្ឌចំការមក បានលើកហេតុផលមកសំអាងថា គឺដោយសារ​មានការស្នើសុំ​ពីម្ចាស់​ស្ថានីយ​ប្រេងឥន្ទនៈ – ដើម្បីធានាសន្តិសុខ​សណ្ដាប់ធ្នាប់​សាធារណៈ – យោងតាម​ច្បាប់​​​ស្ដីពី​ការធ្វើ​បាតុកម្ម ដោយសន្តិវិធី (អ្នកចង់សម្ដែងមតិ ត្រូវជួបជុំនៅ ទីលាន​ប្រជាធិបតេយ្យ) និងដោយសារ​ស្ថានភាពជំងឺកូវីដ១៩ ដែលក្រសួងសុខាភិបាល បានបិទ​នូវការ​ជួបជុំ គ្រប់ប្រភេទ​នៅទូទាំងប្រទេស។

សេចក្ដីជូនដំណឹង បានអះអាងថា សាលាខណ្ឌមួយនេះ គ្មានជម្រើសអ្វី ក្រៅពីចាត់​វិធានការ ទៅលើ​រាល់​ការជួបជុំ​ទាំងនោះ។ សេចក្ដីជូនដំណឹង បានសរសេរថា៖

«រដ្ឋបាលខណ្ឌគ្មានជម្រើសអ្វី ក្រៅពីការអនុវត្ត​វិធានការរដ្ឋបាល និងវិធានការច្បាប់ ចំពោះ​ជនទាំងឡាយណា ដែលប្រព្រឹត្តផ្ទុយនឹងច្បាប់ និងលិខិតបទដ្ឋានគតិយុត្តិនានា។»

អ្នកវិភាគ និងជាអ្នកធ្វើអត្ថាធិប្បាយនយោបាយ ដ៏ល្បីឈ្មោះ ត្រូវបានឃាតករ​ឈាម​ត្រជាក់​បាញ់សម្លាប់ កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅខណៈលោក កំពុង​ទទួលទាន​កាហ្វេ នៅក្នុងហាងលក់ទំនិញ ស្តាម៉ាត នៃ​ស្ថានីយ​ចាក់ប្រេងឥន្ទនៈខាងលើ។ មកដល់ថ្ងៃនេះ មានតែបុរស អឿត អាង ហៅ ជួប សម្លាប់ តែម្នាក់គត់ ដែលត្រូវបាន​ចាប់​ខ្លួន និងផ្ដន្ទាទោស នៅចំពោះអំពើ​មនុស្សឃាត​ខាងលើ៕



លំអិតបន្ថែមទៀត

កម្ពុជា

វិមាន​ឈ្នះឈ្នះ​ចាយ​ប្រាក់​សាលារាជធានី​អស់​១២លាន​ដុល្លារ និង​នៅ​មាន​ចំណាយ​ផ្សេងទៀត

សាលារាជធានីភ្នំពេញ បានចំណាយប្រាក់អស់ ១២លានដុល្លារ ក្នុងការសាងសង់វិមានឈ្នះ-ឈ្នះ។ នេះ បើតាមការអះអាង របស់លោកនាយករដ្ឋមន្ត្រី ហ៊ុន សែន ក្នុងពិធីសម្ពោធស្ដូបចងចាំនេះ នាព្រឹកថ្ងៃទី២៩ ខែធ្នូ ឆ្នាំ២០១៨នេះ។ ...
កម្រមាន

កាណាដា ៖ ឃាតករទាំងពីរសារភាពពីទង្វើខ្លួន មុនធ្វើអត្តឃាត

កាណាដា ៖ យុវជនពីរនាក់ ដែលត្រូវបានអាជ្ញាធរតាមប្រមាញ់ អស់រយៈពេលច្រើនសប្តាហ៍ បាននិយាយសារភាព អំពីទង្វើរបស់ផងខ្លួន នៅក្នុងខ្សែវីដេអូជាច្រើន បន្ទាប់ពីពួកគេទាំងពីរ ត្រូវបានរកឃើញស្លាប់ ដោយធ្វើអត្តឃាត កាលពីដើមខែសីហា។ នេះ ...
របាយការណ៍

កូនប្រុស ឈុត វុទ្ធី សង្ស័យ​មន្ត្រីរដ្ឋាភិបាល នៅក្រោយឃាតកម្ម​លើឪពុក

លោក ឆឺយ ឧត្ដមរស្មី ដែលជា«កូនប្រុស»លោក ឈុត វុទ្ធី បានសំដែងការសង្ស័យ ដោយត្រង់ៗថា គឺមន្ត្រីរដ្ឋាភិបាលកម្ពុជាតែម្ដង ដែលនៅពីក្រោយឃាតកម្ម បាញ់សម្លាប់លោក ឈុត វុទ្ធី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...