កម្ពុជាដំណឹង

អភិបាល​ខណ្ឌ​ឫស្សីកែវ ចេញមុខ​សុំទោស​ករណី​«គេងលក់»​ក្នុង​អង្គប្រជុំ

ការបង្ហោះរូបភាពលោក ជា ពិសី អភិបាល​ខណ្ឌ​ឫស្សីកែវ ដោយទំព័រហ្វេសប៊ុក របស់ទស្សនាវដ្ដីមនោរម្យ.អាំងហ្វូ កាលពីម្សិលម៉ិញ ទទួលបានប្រតិកម្មពីរូបលោកផ្ទាល់ នៅថ្ងៃនេះ។

មេដឹកនាំថ្នាក់មូលដ្ឋានរូបនេះ បានសុំការអភ័យទោស ចំពោះ«កាយវិការមិនសមរម្យ»​របស់លោក ដោយលើកមូលហេតុថា លោកមានបញ្ហាសុខភាពផ្ទាល់ខ្លួន និងបាននៅមើលថែទាំ ម្ដាយមានជំងឺរបស់លោក ដល់ម៉ោង២រំលងអាធ្រាត កាលពីយប់ថ្ងៃទី២៥ ចូលមកថ្ងៃទី២៦ ខែមិថុនា។

ប្រតិកម្ម​របស់អភិបាលខណ្ឌឫស្សីកែវ ធ្វើឡើងតាមបណ្ដាញសង្គម ទាំងនៅក្នុងគណនីផ្ទាល់ខ្លួន ទំព័រហ្វេសប៊ុកផ្លូវការ ​របស់លោក ជា ពិសី រួមទាំងតាមរយៈទំព័រហ្វេសប៊ុក របស់សាលាខណ្ឌឫស្សីកែវផង។ ប្រតិកម្មទាំងនោះ ជាសំណេររបស់លោកផ្ទាល់ និងបានផ្តិតយករូបភាព នៃការបង្ហោះរបស់ទំព័រហ្វេសប៊ុក «MONOROOM.info» ភ្ជាប់មកជាមួយ។

រូបភាពនោះ បង្ហាញពីការគេងលង់លក់ របស់លោក ជា ពិសី នៅខណៈសុន្ទរកថា របស់លោក កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន ក្នុងទិវាប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០១៩ម្សិលម៉ិញ នៅមជ្ឈមណ្ឌលកោះពេជ្រ។

ក្រោមវត្តមាន​របស់អ្នកសារព័ត៌មានច្រើននាក់ ទំព័រហ្វេសប៊ុកផ្លូវការរបស់លោក ស ខេង ឧបនាយករដ្ឋមន្ត្រី និងជារដ្ឋមន្ត្រីមហាផ្ទៃ ដែលបានផ្សាយបន្តផ្ទាល់ ពីទិវាដ៏ធំមួយនេះ ក៏បានចាប់រូបភាពលោក ជា ពិសី កំពុងទទួលទានដំណេក នៅក្នុងពិធីនោះ មកផ្សាយជាសាធារណៈដែរ។

#ចែកគ្នាដឹង «នៅពេលណាខ្ញុំគេងបានឆ្អែត គឺពេលនោះហើយ ដែលខ្ញុំសម្រេចលទ្ធផលជូនជាតិ បានខ្ពស់បំផុត» ( ផ្ញើររូបភាព ឬវីដេអូប្រិយមិត្ត មកកាន់ https://m.me/MONOROOM.info )

Posted by MONOROOM.info on Wednesday, June 26, 2019


នៅក្នុងប្រតិកម្មរបស់លោក នៅថ្ងៃទី២៧ ខែមិថុនា ឆ្នាំ២០១៩នេះ អភិបាល​ខណ្ឌ​ឫស្សីកែវ បានទទួលស្គាល់ថា លោកពិតជា«បានបិទភ្នែភ សំងំមួយសន្ទុះ» ដែលបណ្ដាលមកពី «ភាពអស់កម្លាំង បូករួមទាំង បញ្ហាសុខភាពផ្ទាល់ខ្លួន»។ លោក ជា ពិសី បានសរសេរឆ្លើយតប នៅលើបណ្ដាញសង្គមថា៖

«ប៉ុន្មានថ្ងៃមកនេះ ម្ដាយជរារបស់ខ្ញុំ អាយុ ៨០ឆ្នាំ កំពុងមានជម្ងឺជាទម្ងន់ និងកំពុងសម្រាកព្យាបាល នៅឯមន្ទីរពេទ្យ។ កាតព្វកិច្ចដ៏ធំបំផុតរបស់ខ្ញុំ ក្នុងនាមជាកូនកត្តញ្ញូមួយរូប ខ្ញុំតែងតែទៅមើលថែរទាំ ម្ដាយរបស់ខ្ញុំ ស្ទើរតែរៀងរាល់យប់ ក្រោយបានសម្រាក ពីការដឹកនាំការងាររដ្ឋបាលរួចមក។»

«គាប់ជួន នៅយប់ថ្ងៃទី២៥ ខែមិថុនាកន្លងមកនេះ ខ្ញុំបាទបានទៅមើលថែម្ដាយជរា ឈឺធ្ងន់ រហូតដល់ម៉ោងជាង២យប់ រំលងអាធ្រាតថ្ងៃទី២៦ ខែមិថុនា ទើបនឹងបានសម្រាកប៉ុន្មានម៉ោងប៉ុណ្ណោះ នៅក្នុងថ្ងៃដដែលនោះ វេលាម៉ោង ៥ព្រឹក ខ្ញុំបាទត្រូវក្រោក ពីព្រឹកព្រលឹម ដើម្បីទៅដឹកនាំកម្លាំងមហាជន ចូលរួមកម្មវិធី នៅឯកោះពេជ្រទៀត។»

លោកអភិបាលបានសរសេរសុំទោសថា៖

«ខ្ញុំបាទសូមការអធ្យាស្រ័យ ពីសាធារណៈមតិ ទូទាំងប្រទេស ពិសេស ខ្ញុំបាទសូមការអភ័យទោស​ដ៏ខ្ពង់ខ្ពស់ ពីថ្នាក់ដឹកនាំគ្រប់ជាន់ថ្នាក់ ចំពោះកាយវិការមិនសមរម្យ ក្នុងអង្គពិធីកាលពីម្សិលមិញ ដោយអចេតនានេះ ដោយសារតែបញ្ហាសុខភាពផ្ទាល់ខ្លួន របស់ខ្ញុំបាទ៕»



លំអិតបន្ថែមទៀត

កម្ពុជា

COVID-19៖ កម្ពុជា​មាន​១ករណី​ថ្មី បន្ថែម​តួលេខ​សរុប ដល់​១២៦នាក់

មកដល់ព្រឹកថ្ងៃអាទិត្យនេះ រាជាណាចក្រកម្ពុជា មានករណីឆ្លងជំងឺ«Covid-19» កើនឡើង ដល់​១២៦នាក់ បន្ទាប់ពីបានរកឃើញ​ករណីឆ្លងមួយទៀត នៅក្នុង​សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ។ នេះ បើតាមសេចក្ដីប្រកាសព័ត៌មាន របស់​ក្រសួង​សុខាភិបាលកម្ពុជា។ សេចក្ដីប្រកាសព័ត៌មាន ...
កម្ពុជា

ហ៊ុន សែន ថា​គណៈប្រតិភូ EU គ្មាន​«ឋានានុក្រមស្មើ»​ត្រូវជួប​លោកទេ

លោកនាយករដ្ឋមន្ត្រី ហ៊ុន សែន បានលើកឡើងបញ្ជាក់ថា អវត្តមាននៃជំនួបរវាងរូបលោក និងគណៈប្រតិភូនៃសហភាពអ៊ឺរ៉ុប «EU» ដែលធ្វើដំណើរមកប្រទេសកម្ពុជា ក្នុងរយៈពេល២ថ្ងៃមកនេះ គឺដោយសារគណៈប្រតិភូទាំងនោះ មិនមាន«ឋានានុក្រមស្មើ» ដែលអាចជួបជាមួយរូបលោក ដែលមានឋានៈជានាយករដ្ឋមន្ត្រីនោះទេ។ ...
កម្ពុជា

អគ្គិភ័យ​ឆេះ​«ក្លិបកម្សាន្ដ» នៅ​ក្បែរ​ទូត​រុស្ស៊ី ផ្សែងខ្មៅ​គ្រប​ភ្នំពេញ

«ក្លិបកម្សាន្ដ»មួយ ដែលមានឈ្មោះ «EDM» កណ្ដាលរាជធានីភ្នំពេញ បានត្រូវ​ព្រះអគ្គិ​ត្របាក់ ក្នុងរសៀលថ្ងៃទី២៤ ខែឧសភានេះ។ ក្លឹបនេះ មានទីតាំងក្បែរផ្សារទំនើប អ៊ីអន១ (AeOn1) និងខាងកើត​ស្ថានទូតរុស្ស៊ី ក្នុងសង្កាត់ទន្លេបាសាក់ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...