កម្ពុជាដំណឹង

សម រង្ស៊ី បន្តផ្ញើរសារឲ្យ «ស ខេង វ៉ៃ ហ៊ុន សែន មុន ហ៊ុន សែន វ៉ៃ ស ខេង»

ជាថ្មីម្ដងទៀត មេដឹកនាំប្រឆាំងកម្ពុជា លោក សម រង្ស៊ី បានថ្លែងឲ្យដឹងថា រវាងលោក ហ៊ុន សែន នាយករដ្ឋមន្ត្រី និងលោក ស ខេង រដ្ឋមន្ត្រីមហាផ្ទៃ មិនមានភាពល្អូកល្អើនជាមួយគ្នាណាស់ណាទេ។ លោក សម រង្ស៊ី បានបញ្ជូនសារលើកនេះ ប្រាប់ទៅលោក ស ខេង ឲ្យចាត់ការលោក ហ៊ុន សែន ជាជាងរង់ចាំឲ្យលោក ហ៊ុន សែន ចាត់ការលើរូបលោក (ស ខេង) មុន។

យ៉ាងណា ក៏វោហាស័ព្ទរបស់លោក សម រង្ស៊ី ទាក់ទងនឹងករណីប្រហាក់ប្រហែលគ្នានេះ នាពេលកន្លងមក ត្រូវបានលោក ស ខេង ច្រានចោល និងអះអាងថា លោកមិនទៅល្ងង់ធ្វើដូច្នេះឡើយ។

ការថ្លែងជាថ្មីរបស់លោក សម រង្ស៊ី ធ្វើឡើងកាលពីម្សិលម៉ិញ នៅចំពោះអ្នកគាំទ្ររាប់សិបនាក់ ក្នុងក្រុង សាន ចូហ្សេ (San Jose) រដ្ឋកាលីហ្វ័នី ភាគខាងលិចសហរដ្ឋអាមេរិក។

ប្រធានស្ដីទីគណបក្សប្រឆាំងរូបនេះ បានអះអាងដំបូងឡើយថា លោកស្គាល់មនុស្សជុំវិញលោកនាយករដ្ឋមន្ត្រី ហ៊ុន សែន ជាច្រើននាក់ ដែលមិនពេញចិត្តជាមួយលោក ហ៊ុន សែន ហើយរង់ចាំឱកាស ដើម្បីឲ្យមាន«ការផ្លាស់ប្ដូរ»មួយ។

លោក សម រង្ស៊ី បានថ្លែងថា៖

«ខ្ញុំស្គាល់មនុស្សនៅជុំវិញលោក ហ៊ុន សែន ច្រើនណាស់ គេអស់ជំនឿលើ ហ៊ុន សែន ហើយបងប្អូន គេចាំតែឱកាស… ២០១៩ហ្នឹងមានឱកាសហើយបងប្អូន ទម្លាក់ ហ៊ុន សែន ចេញទៅ!»

បន្ទាប់មក គូបដិបក្ខនយោបាយដ៏ស្រួចស្រាវ របស់លោក ហ៊ុន សែន បានថ្លែងទៅកាន់លោក ស ខេង ដែលជាបុរសមានអំណាចទី២ នៅក្នុងរដ្ឋាភិបាលគណបក្សប្រជាជនកម្ពុជាថា៖

«ស ខេង យើងធ្លាប់និយាយជាមួយគ្នា ថាយើងនឹងរៀបចំឲ្យមានការផ្លាស់ប្ដូរ តែ ស ខេង ឯងនិយាយថា​ខ្លាចអាតាមួយនោះ។ ឥឡូវកុំខ្លាចអាតានោះទៀត។ ហើយបើ ស ខេង ឯងមិនវៃអាតានោះមុនទេ អាតានោះវ៉ៃ ស ខេង ឯងមុនហើយ។ ដាក់អាតាហ្នឹងឲ្យឆាប់ទៅ យើងមកជួយ… សម រង្ស៊ី សង្គ្រោះជាតិមកជួយ។»

ចុងខែធ្នូកន្លងទៅ លោក សម រង្ស៊ី ធ្លាប់បានលើកឡើងថា គឺលោក ស ខេង ជាអ្នកនៅពីក្រោយ​ការនិរទេសខ្លួន​របស់លោក​ កាលពីអំឡុងចុងឆ្នាំ២០១៥ ដើម្បីទុកឱកាសឲ្យលោក​រៀបចំផ្ទៃក្នុង​គណបក្សប្រជាជនកម្ពុជា​សិន។ ប៉ុន្តែលោកឧបនាយករដ្ឋមន្ត្រី​និងជារដ្ឋមន្ត្រីមហាផ្ទៃ​បានតបវិញថា លោកមិនល្ងង់ធ្វើទង្វើបែបនេះ ដែលអាចបើកផ្លូវឲ្យលោក សម រង្ស៊ី វាយប្រហារមកលើលោកវិញនៅពេលក្រោយ​ដូច្នេះឡើយ។

លោក ស ខេង បានអះអាងថា៖

«ប្រការនេះខុសទាំងស្រុង ពីច្បាប់រដ្ឋធម្មនុញ្ញ និងអាចផ្តល់ឱកាសគ្រប់ពេលវេលា ឲ្យ សម រង្ស៊ី មានលេសវាយប្រហារ មកលើរូបខ្ញុំវិញ នៅពេលដែលសមត្ថកិច្ច បានទទួលដីកា ដើម្បីចាប់ខ្លួន សម រង្ស៊ី រួចហើយ»៕



លំអិតបន្ថែមទៀត

កម្ពុជា

សម រង្ស៊ី និងមន្ត្រី CNRP បង្កើត​គណៈកម្មការ​ធ្វើ​មាតុភូមិនិវត្តន៍​ក្នុងឆ្នាំនេះ

គណៈកម្មការពិសេសមួយ ដែលមានអនុគណៈកម្មការចំនួន៦ ត្រូវបានគណបក្សសង្គ្រោះជាតិ (CNRP) នៅក្រៅប្រទេសបង្កើតឡើង នៅចុងសប្ដាហ៍កន្លងមកនេះ ដើម្បីរៀបចំដំណើរធ្វើមាតុភូមិនិវត្តន៍ របស់លោក សម រង្ស៊ី និងមន្ត្រី CNRP ដទៃទៀត ...
កម្ពុជា

CNRP ប្រកាស​បើកផ្លូវ​ឲ្យមាន​«កិច្ចសន្ទនា​នយោបាយ» ដើម្បី​ចេញ​ពី​វិបត្តិ

គណបក្សសង្គ្រោះជាតិ បានប្រកាសបើកផ្លូវ ឲ្យមាន«កិច្ចសន្ទនា​នយោបាយ (ឬកិច្ចចរចា)» ដោយទូលំទូលាយ និងដោយផ្ទាល់ ដើម្បីដោះស្រាយវិបត្តិនយោបាយ ដែលគណបក្សនេះអះអាងថា មានលក្ខណៈកាន់តែធ្ងន់ធ្ងរ។ នេះ បើតាមសេចក្ដីថ្លែងការណ៍មួយ របស់គណបក្សប្រឆាំង ដែលចេញផ្សាយពីក្រៅប្រទេស ...
កម្ពុជា

ហ៊ុន សែន ថានឹងប្រើ​«កាំភ្លើងយន្ដ»​បាញ់ សម រង្ស៊ី បើចូលស្រុក​តាមព្រំដែន

លោកនាយករដ្ឋមន្ត្រី ហ៊ុន សែន បានប្រកាសនៅថ្ងៃចន្ទនេះ ថាលោកនឹងបញ្ជា​ឲ្យប្រើ«កាំភ្លើងយន្ដ» ដែលដាក់សម្រាប់ការពារព្រំដែន ដើម្បីបាញ់លោក សម រង្ស៊ី ប្រសិនជាមេដឹកនាំប្រឆាំងរូបនេះ ធ្វើមាតុភូមិនិវន្តន៍តាមព្រំដែនគោក។ ថ្លែងដោយមិនបញ្ចេញឈ្មោះ នៅក្នុងពិធីប្រគល់សញ្ញាបត្រ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...