កម្ពុជាដំណឹង

សម រង្ស៊ី ចូលរួម​មរណទុក្ខ ហ៊ុន សែន ដោយ​បញ្ជាក់​ពីទឹកចិត្ត​ផ្ទាល់ខ្លួន

លោក សម រង្ស៊ី មេដឹកនាំប្រឆាំងមួយរូបទៀត ដែលកំពុងនិរទេសខ្លួន នៅក្រៅប្រទេស បានផ្ញើលិខិត​«ចូលរួម​មរណទុក្ខ» របស់លោកនាយករដ្ឋមន្ត្រី ហ៊ុន សែន ដែលទើបនឹង​បាន​បាត់បង់​ម្ដាយក្មេក កាលពីព្រឹកថ្ងៃទី៤ ខែឧសភា​កន្លងមក។ ប្រធានស្ដីទី​គណបក្ស​សង្គ្រោះជាតិ បានបញ្ជាក់​​នៅក្នុងលិខិតនោះ អំពី​ទឹកចិត្ត​ផ្ទាល់ខ្លួន​របស់លោក នៅចំពោះ​​ការបាត់បង់​​សាច់ឈាម​ណាមួយ នៅក្នុងរង្វង់គ្រួសារ​យ៉ាងដូច្នេះ។

នៅក្នុងលិខិត ដែលផ្ញើជូនលោក ហ៊ុន សែន តាំងពីថ្ងៃទី៤ ខែមេសា ឆ្នាំ២០២០ លោក សម រង្ស៊ី បានសរសេរថា៖

«ទោះជាគោលជំហរនយោបាយ របស់យើងម្នាក់ ខុសពីគ្នាយ៉ាងណាក៏ដោយ តែទុក្ខសោក​បណ្ដាលមក​ពីការបាត់បង់​មនុស្ស ដែលយើងស្រឡាញ់ អាចកើតមានដូចគ្នា នៅគ្រប់​ពេលវេលា។»

លោកយាយ ប៊ុន ស៊ាងលី ដែលត្រូវជាម្ដាយបង្កើត របស់អ្នកស្រី ប៊ុន រ៉ានី ហ៊ុនសែន និងជា​ម្តាយក្មេក របស់លោក ហ៊ុន សែន បានទទួលមរណភាព នាថ្ងៃចន្ទទី០៤ ខែឧសភា ឆ្នាំ​២០២០ វេលាម៉ោង ២និង១២នាទី​ទៀបភ្លឺ ដោយជរាពាធ ក្នុងជន្មាយុ៩៦ឆ្នាំ។ នេះ បើតាម​សេចក្ដី​ប្រកាស​ព័ត៌មាន ជាផ្លូវការ ដែលផ្សាយនៅលើទំព័រហ្វេសប៊ុក របស់លោក ហ៊ុន សែន។

គូបដិបក្ខផ្នែកនយោបាយ ដ៏ស្រួចស្រាវរបស់លោក ហ៊ុន សែន ដែលកំពុងរស់នៅ​ក្នុងរដ្ឋធានី ប៉ារីស (បារាំង) បានលើកយក​មកពន្យល់ ពីការរំលែកទុក្ខសោក​គ្រួសារលោក ពីសំណាក់​លោក ហ៊ុន សែន នៅ​ខណៈពេល​ដែលលោកយាយ ញឹក ជូឡុង មាសកេត សមភ័ក្រ ម្ដាយក្មេកលោក សម រង្ស៊ី បានទទួល​មរណភាព កាលពីខែវិច្ឆិកា​ ឆ្នាំ២០១៦។

លោក សម រង្ស៊ី ថា នៅពេលនោះ លោក ហ៊ុន សែន បានទូរស័ព្ទ​ផ្ទាល់ ទៅភរិយា​របស់​លោក ដើម្បីចូលរួម​មរណទុក្ខ ហើយថាលោក ហ៊ុន សែន ថែមទាំងបានចាត់លោក ហ៊ុន ម៉ានី ដែលជាកូន ឲ្យមកចូលរួមបុណ្យសព ដោយផ្ទាល់នោះទៀត។

«ចូលរួម​មរណទុក្ខ» កាយវិការដ៏ប្រពៃ… ចំពោះ«ខ្ញុំ និងក្រុមគ្រួសារខ្ញុំ»

ប្រធានស្ដីទីគណបក្សប្រឆាំង បានបញ្ជាក់ នៅក្នុងលិខិតទៀតថា៖

«ទោះជា​កាលៈទេសៈពេលនោះ មិនបានអនុញ្ញាតឲ្យខ្ញុំ ចូលរួមក្នុងពិធីបុណ្យសព អ្នកម្ដាយក្មេកខ្ញុំ ដែលខ្ញុំចាត់ទុក ដូចជាម្ដាយបង្កើតរបស់ខ្ញុំ ក៏ខ្ញុំមិនភ្លេច​ពីកាយវិការ​ដ៏ប្រពៃ របស់សម្ដេច [ហ៊ុន សែន] និងក្រុមគ្រួសារ ចំពោះខ្ញុំ និងក្រុមគ្រួសារខ្ញុំឡើយ៕»



លំអិតបន្ថែមទៀត

កម្ពុជា

អ្នកគាំទ្រ CNRP គ្រោង​ធ្វើបាតុកម្មថ្ងៃ​១៩មករា នៅមុខសេតវិមាន​និង​រដ្ឋសភា​អាមេរិក

បណ្ដាជនអ្នកគាំទ្រគណបក្សសង្គ្រោះជាតិ នៅក្រៅប្រទេស ជាពិសេស​នៅក្នុង​ទ្វីបអាមេរិក​ខាងជើង បានប្រកាសត្រៀមធ្វើបាតុកម្មមួយ នៅរសៀល​ថ្ងៃសៅរ៍ ទី១៩ ខែមករា ឆ្នាំ២០១៩ខាងមុខ ក្នុងរដ្ឋធានី វ៉ាស៊ីនតោន សហរដ្ឋអាមេរិក។ អ្នករៀបចំបាតុកម្មមួយរូប បានថ្លែងឡើងថា ...
វិភាគ អត្ថាធិប្បាយ

អ្នកវិភាគថាព្រះរាជាសព្វថ្ងៃ មិនខុសពីព្រះចៅអធិរាជជប៉ុន មុនឆ្នាំ១៨៦៨

«សព្វថ្ងៃនេះ ព្រះមហាក្សត្រខ្មែរ ដូចជាមិនខុសពីព្រះចៅអធិរាជជប៉ុន មុនឆ្នាំ១៨៦៨ ប៉ុន្មានទេ» នេះ ជាការអះអាងឡើង របស់លោក ឡៅ ម៉ុងហៃ អ្នកវិភាគនយោបាយ និងសង្គម ដោយពន្យល់ថា ...
កម្ពុជា

សម រង្ស៊ី៖ ចិន​យក​កម្ពុជា​ធ្វើអាណានិគម តាម​លក្ខណៈ២

មេដឹកនាំប្រឆាំង លោក សម រង្ស៊ី បានថ្លែងពន្យល់ថា តាម​លក្ខណៈ២ ដែលមហាយក្សចិន អាចយកប្រទេសកម្ពុជា ធ្វើជាអាណានិគម។ លក្ខណៈទាំងពីរនោះ ត្រូវបានប្រធានស្ដីទីគណបក្សប្រឆាំង ទម្លាក់កំហុសទាំងស្រុង ទៅលើលោកនាយករដ្ឋមន្ត្រី ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...