កម្ពុជាដំណឹង

ស ខេង ពាក់«ម៉ាស់​បែប​វេជ្ជសាស្ត្រ» ទោះបី​មាន​ក្រមា​បង់ ក

រដ្ឋមន្ត្រីមហាផ្ទៃ លោក ស ខេង បានពាក់ ម៉ាស់​បែប​វេជ្ជសាស្ត្រ បើទោះជាលោកមានក្រមា នៅជាប់នឹង ក លោកក្ដី។ រូបភាពនៃការពាក់ម៉ាស់ របស់បុរសខ្លាំងលេខពីរ ក្នុងរដ្ឋាភិបាលក្រុងភ្នំពេញ ហាក់ផ្ទុយពីការលើកឡើង របស់លោក ហ៊ុន សែន បុរសខ្លាំងលេខ១ ដែលបានថ្លែងជាទូទៅ ឲ្យមន្ត្រី និងពលរដ្ឋ នាំគ្នាយកក្រមា មកខ្ទប់មាត់និងច្រមុះ ជំនួស​ឲ្យ«ម៉ាស់​បែប​វេជ្ជសាស្ត្រ»។

ការប្រកាសឲ្យប្រើក្រមា ជំនួសម៉ាស់ការពារមាត់ និងច្រមុះ តាមបែបវេជ្ជសាស្ត្រ ត្រូវបានលោកនាយករដ្ឋមន្ត្រី ហ៊ុន សែន ថ្លែងឡើងកាលពីថ្ងៃចន្ទ ទី៩ ខែមីនា ឆ្នាំ២០២០ ក្នុងពិធីសម្ពោធផ្លូវមួយ នៅខេត្តពោធិសាត់។ បុរសខ្លាំងកម្ពុជាអះអាងថា ក្រមានឹងជួយទប់ស្កាត់មេរោគ«កូរូណា» ឬ«Covid-19»បាន។

ក្នុងព្រឹកថ្ងៃពុធ ទី២៥ ខែមីនានេះ នៅចំពោះក្រុមគ្រូពេទ្យស្ម័គ្រចិត្ត ច្រើនរយនាក់ លោក ហ៊ុន សែន ក៏បានបញ្ជាឲ្យមន្ត្រី ដើរទិញក្រមា ដើម្បីចែកឲ្យពលរដ្ឋដែរ។ ក្នុងពិធីនោះ គេឃើញលោកនាយករដ្ឋមន្ត្រី កូនប្រុស​និងកូនប្រសារ​លោក រួមនឹងមន្ត្រីគ្រាក់ៗ និងក្រុមគ្រូពេទ្យស្ម័គ្រចិត្តផង សុទ្ធតែបង់ ក នឹងក្រមា។

ផ្ទុយទៅវិញ លោក ស ខេង ឧបនាយករដ្ឋមន្ត្រី និងជារដ្ឋមន្ត្រីមហាផ្ទៃ រួមនឹងមន្ត្រីអមដំណើរ របស់លោកផង បានពាក់ម៉ាស់ តាមបែបវេជ្ជសាស្ត្រ តាំងពីលោកទៅធ្វើជាអធិបតី ក្នុងពិធីជួបសំណេះសំណាល ជាមួយមន្ត្រីនគរបាលអន្តោប្រវេសន៍ នៅអាកាសយានដ្ឋានអន្តរជាតិភ្នំពេញ កាលពីព្រឹកថ្ងៃអង្គារ ទី២៤ ខែមីនា ឆ្នាំ២០២០ម្សិលម៉ិញ។

នៅថ្ងៃពុធ ទី២៥ ខែមីនានេះ ក្នុងដំណើរទៅកាន់ខេត្តបាត់ដំបង និងខេត្តប៉ៃលិន លោក ស ខេង ដែលមានក្រមានៅបង់ ក បានពាក់ម៉ាស់ ខ្ទប់មាត់និងច្រមុះ នៅរៀងរាល់ការធ្វើដំណើររបស់លោក។ មន្ត្រីអមដំណើរ និងមន្ត្រីចូលរួមប្រជុំ ជាមួយលោក ស ខេង ក៏ពាក់«ម៉ាស់​បែប​វេជ្ជសាស្ត្រ» ដូចគ្នានេះដែរ៕



លំអិតបន្ថែមទៀត

កម្ពុជា

ហ៊ុន សែន ក្រុងខ្លួន​ក្នុងផ្ទះ ខណៈ​កម្ពុជា​គ្មាន​ការឆ្លង​«Covid-19»ធំដុំ

ខណៈប្រទេសកម្ពុជា អួតអាងថាខ្លួនគ្មានការឆ្លងជំងឺ «Covid-19» នៅក្នុងសហគមន៍ទេ និងបាន​ព្យាបាល​អ្នកជំងឺ​ជាសះ សឹងតែទាំងអស់នោះ លោកនាយករដ្ឋមន្ត្រី ហ៊ុន សែន ឯណោះ បែរជា​អះអាងថា លោកកំពុង​ស្ថិត​​ក្នុងស្ថានភាព ក្រុងខ្លួន​ក្នុងផ្ទះ ...
កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
កំសាន្ដ

អេស្ប៉ាញ៖ នៅពេល​ដែលកូន​​«ឌីណូស័រ»​មួយក្បាល ចេញដើរ​យកខ្យល់…

បម្រាមដែលហាមពលរដ្ឋ មិនឲ្យដើរចេញក្រៅផ្ទះ បើគ្មានការចាំបាច់នោះ ទំនងជាមិនត្រូវបានកូន«ឌីណូស័រ»មួយក្បាលនេះ គោរពតាមនោះទេ នៅក្នុងប្រទេសអេស្ប៉ាញ រហូតលុះត្រាមានអន្តរាគមន៍ ពីកងកម្លាំងនគរបាល ទើបកូនសត្វដ៏ចម្លែកមួយនេះ វិលត្រឡប់ចូលគេហដ្ឋានវិញ។ រឿងរ៉ាវនេះ កើតឡើងកាលពីថ្ងៃចន្ទ ដើមសប្ដាហ៍នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...