កម្ពុជាដំណឹង

រដ្ឋាភិបាលកម្ពុជា​ព្រមាន​បណ្ដាជន ​ដែល​ត្រៀម​ទៅទទួល សម រង្ស៊ី ចូលស្រុក

ការប្រើប្រាស់ ការវិលត្រឡប់របស់«លោក សម រង្ស៊ី ចូលស្រុក»វិញ បើទោះបីជាតាមរយៈក្រុម ឬអង្គការណាក៏ដោយ ដើម្បីបង្កើតជារូបភាពនយោបាយ ពាក់ព័ន្ធទៅនឹងសកម្មភាព នៃគណបក្សសង្គ្រោះជាតិ ដែលត្រូវរបបដឹកនាំលោក ហ៊ុន សែន រំលាយបានសម្រេច ទៅហើយនោះ គឺជាអំពើប្រឆាំង នឹងអំណាចតុលាការ។

នេះ បើតាមការអះអាងឡើង របស់ការិយាល័យអ្នកនាំពាក្យរដ្ឋាភិបាលកម្ពុជា ដែលចេញផ្សាយ កាលពីប៉ុន្មានម៉ោងមុន។

កាលពីម្សិលម៉ិញ កិច្ចប្រជុំមួយ របស់គណៈកម្មាធិការអចិន្ត្រៃយ៍ គណបក្សសង្គ្រោះជាតិ បានសម្រេចឲ្យមាន នូវគម្រោងវិលត្រឡប់ របស់លោក សម រង្ស៊ី សព្វថ្ងៃជាប្រធានស្ដីទីគណបក្ស ចូលប្រទេសកម្ពុជាវិញ។ សេចក្ដីសម្រេចនោះ បានលើកឡើងពីវិធានការ ចំនួន៥ ដើម្បីត្រៀមការធ្វើមាតុភូមិនិវត្តន៍ របស់មេដឹកនាំប្រឆាំង បន្ទាប់ពីបាននិរទេសខ្លួន តាំងពីឆ្នាំ២០១៥នោះមក។

សេចក្ដីថ្លែងការណ៍ របស់ការិយាល័យអ្នកនាំពាក្យ បានចាត់ទុក ដំណើររបស់«លោក សម រង្ស៊ី ចូលស្រុក» ថាគឺជាឆន្ទៈបុគ្គល ដោយបញ្ជាក់ពីមូលហេតុថា ការចាកចេញពីមាតុភូមិ របស់មេដឹកនាំប្រឆាំង ជាជម្រើសផ្ទាល់ខ្លួន និងមានចរិតជាឯកជន របស់រូបលោក។

លិខិតរបស់អ្នកនាំពាក្យ ដែលសរសេរជាបីភាសានោះ បានបញ្ជាក់ថា៖

«ការប្រើប្រាស់មាតុភូមិនិវត្តន៍ របស់ សម រង្ស៊ី ទោះបីជាតាមរយៈក្រុម ឬអង្គការណាក៏ដោយ ដើម្បីបង្កើតជារូបភាពនយោបាយ ពាក់ព័ន្ធទៅនឹងសកម្មភាព នៃអតីតគណបក្ស ដែលត្រូវបាន​រំលាយចោលទៅហើយ តាមអំណាចសាលដីកា របស់តុលាការកំពូល កាលពីថ្ងៃទី១៦ ខែវិច្ឆិកា ឆ្នាំ២០១៧ ត្រូវបានចាត់ទុក ជាអំពើប្រឆាំង នឹងអំណាចតុលាការពិតប្រាកដ ដែលច្បាប់បានកំណត់ និងហាមប្រាម។»

សេចក្ដីថ្លែងការណ៍ ឲ្យដឹងបន្ថែមថា៖

«រាជរដ្ឋាភិបាលកម្ពុជា សូមបញ្ជាក់ថា គឺនៅតែរក្សា និងគោរពអនុវត្ត នូវគោលការណ៍ប្រជាធិបតេយ្យ នៃការបែងចែកអំណាច ដាច់ដោយឡែកពីគ្នា រវាងអំណាច នីតិប្រតិបត្តិនិងអំណាចតុលាការ ក៏ដូចជាអំណាចនីតិប្បញ្ញត្តិផងដែរ។»

«នៅក្នុង​បរិការណ៍នេះ បើមាន​ការស្នើសុំ​ណាមួយ​ពីតុលាការ រាជរដ្ឋាភិបាលក៏ដូចជាសមត្ថកិច្ចពាក់ព័ន្ធ នឹងចាត់វិធានការអនុវត្ត តាមអំណាចផ្លូវច្បាប់»៕



លំអិតបន្ថែមទៀត

កម្ពុជា

ក្រុងភ្នំពេញថា អន្តរជាតិ​ចាត់ទុក សម រង្ស៊ី ជា​«ជនប្រជាភិថុតិ»​ដ៏​គ្រោះថ្នាក់

របបដឹកនាំក្រុងភ្នំពេញ តាមរយៈក្រសួងការបរទេសរបស់ខ្លួន បានអះអាងថា នៅក្នុងបណ្ដាប្រទេសអ៊ឺរ៉ុប និងបណ្ដាប្រទេសធំៗផ្សេងទៀត លោក សម រង្ស៊ី ត្រូវបានចាត់ទុកថា ជា«ជនប្រជាភិថុតិ ជនប្រជាកលនិយមប្រកបដោយគ្រោះថ្នាក់ ជាតិនិយមហួសហេតុ និងប្រកាសពូជសាសន៍» ...
កម្ពុជា

សម រង្ស៊ី ស្នើ កឹម សុខា «កុំរវើរវាយ»​ចំពោះមាតុភូមិនិវត្តន៍​របស់ មូរ សុខហួរ

ជាលើកដំបូងហើយ ដែលលោក សម រង្ស៊ី បានប្រើវោហាស័ព្ទខុសពីសព្វដង ដោយបាន​ស្នើឲ្យ​លោក កឹម សុខា «កុំរវើរវាយ»ចំពោះមាតុភូមិ​និវត្តន៍ របស់អ្នកស្រី មូ សុខហួរ ដែលនឹងគ្រោងធ្វើ ...
កម្ពុជា

សម រង្ស៊ី ថាហ្វេសប៊ុក​គ្រោង​«បិទគណនី ហ៊ុន សែន»

មេដឹកនាំប្រឆាំងរបស់ប្រទេសកម្ពុជា លោក សម រង្ស៊ី បានឲ្យដឹងថា ក្រុមហ៊ុនម្ចាស់បណ្ដាញសង្គមធំជាងគេ មានគម្រោង«បិទគណនី»របស់លោក ហ៊ុន សែន ដែលជាហេតុធ្វើឲ្យបុរសខ្លាំងកម្ពុជា ដែលអង្គុយក្នុងតំណែងជានាយករដ្ឋមន្ត្រី ជាច្រើនសិបឆ្នាំមកនោះ ក្ដៅក្រហាយរហូតធ្វើការព្រមាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...