«ភ្លើ និង​ចោលម្សៀត» ៖ ការខ្វែងគំនិតគ្នា រវាងក្រុម សម រង្ស៊ី និយម និងក្រុម កឹម សុខា និយម នៅតែបន្តមាន ហើយការទម្លាយ​ឯកសារ​ឯកជន ក៏ចេះតែកើតមាន ជាហូហែរ។ បន្ទាប់ពីឯកសារឯកជន ដែលត្រូវបានទម្លាយចេញ ជាសាធារណៈ កាលពី​ម្សិលម៉ិញ នៅថ្ងៃនេះ ឯកសារឯកជន ប្រមាណជាជិត១០ទំព័រផ្សេង ត្រូវបានលោក អេង ពន្លក អ្នកគាំទ្រគណបក្ស​សង្គ្រោះជាតិមួយរូបទៀត បង្ហោះចេញជាសាធារណៈ ដោយអះអាង​អមមកជាមួយថា កូនស្រីច្បងលោក កឹម សុខា រូបនេះ ធ្លាប់ហៅលោក កែម ឡី ថា«ជាមនុស្សអាក្រក់ ភ្លើ​ និងចោលម្សៀត» ដែលចង់បាន​តំណែង ​ពីលោក កឹម សុខា។

ឯកសារសំណេរទាំងនោះ ទំនងជាការជជែក ជាលក្ខណៈឯកជន រវាងលោក អេង ពន្លក ខ្លួនលោក ជាមួយកញ្ញា កឹម មនោវិទ្យា ដែលជា​កូនស្រី​ច្បង​លោក កឹម សុខា និងដែលជាមន្ត្រីជាន់ខ្ពស់ របស់គណបក្សសង្គ្រោះជាតិ។ ហើយគេ​ត្រូវវិលត្រឡប់ ទៅអំឡុងឆ្នាំ២០១៤ វិញ ដើម្បីយល់ពីរឿងរ៉ាវនេះ ពោលគឺនៅមុនពេល គណបក្ស​ប្រជាធិបតេយ្យ​មូលដ្ឋាន (GDP) ត្រូវបានបង្កើតឡើង។

នៅក្នុងសំណេរ ជាភាសាអង់គ្លេសផង ជាខ្មែរផង ដែលគេជឿថា សរសេរដោយកញ្ញា កឹម មនោវិទ្យា គេឃើញ​មាន​សំណេរ ហៅលោក កឹម ឡី ថាជាមនុស្ស«ភ្លើ» ហើយថា លោក កែម ឡី បាននិយាយកុហក អំពីប្រាក់បៀវត្សរ៍​របស់​លោក កឹម សុខា ថាមានចំនួនដល់ទៅ១៥០០០ដុល្លារ ក្នុងមួយខែ។

ដោយឡែក សារឯកជន​ជាខេមរភាសា បានសរសេរច្បាស់ៗថា៖

«កែម ឡី ភ្លើណាស់ ធ្វើមិនបានអីទេ។ ការពិត ចង់​បានតំណែង ពីបក្សយើង។ សាកឲ្យឈរឈ្មោះ ជាតំណាង​រាស្ត្រ​មើល នឹងស្ងាត់មាត់។ មនុស្សចោលម្សៀត មកងោចៗ​ដាក់ប៉ាយូរហើយ។ ដល់អត់បានតំណែង វាយប្រហារ។»។

លោក អេង ពន្លក ដែលគេស្គាល់ថា ជាប្អូនប្រុសលោក អេង ឆៃអ៊ាង អនុប្រធានគណបក្ស បានបញ្ជាក់បន្ថែម ជាមួយ​នឹងការបង្ហោះនេះថា៖

«មុនពេលបណ្ឌិត​ កែម​ ឡី​ ត្រូវគេសម្លាប់​ គាត់បាននិយាយប្រាប់ខ្ញុំថា បណ្ឌិត កែម​ ឡី​ ជាមនុស្សអាក្រក់​រួមទាំង​ដៀលគាត់ ថាភ្លើ​ និងជាមនុស្សចោលម្សៀត ចង់បានតំណែង ពីឪពុកគាត់។ តែឥឡូវនេះ​ គាត់ធ្វើជាល្អ ជាមួយ​ភរិយា​លោកបណ្ឌិត​ កែម​ ឡី​ ដើម្បីឲ្យជួយស្អប់​ និងវាយប្រហារ​​លោក​ សម​ រង្សុី​ ជាមួយគាត់។»។

លោកបញ្ជាក់ថា៖

«កុំធ្វើជាអ្នកនយោបាយ ឆ្អិនក្បាល​សុីក្បាល ឆ្អិនកន្ទុយ​សុីកន្ទុយ»។

ទស្សនាវដ្ដីមនោរម្យ.អាំងហ្វូ មិនអាចសុំការបញ្ជាក់ ពីកញ្ញា កឹម មនោវិទ្យា បានទេ ក្នុងករណីនេះ។ កាលពីម្សិលម៉ិញ កញ្ញាបានទប់ស្កាត់ ឬប្លុក (Blocked) គណនីទ្វីសធើររបស់ទស្សនាវដ្ដី ដែលធ្វើឲ្យទស្សនាវដ្ដីមិនអាចចូល ទៅ​សាកសួរ​កញ្ញាដោយផ្ទាល់ នៅទីនោះបានទៀតឡើយ៕



លំអិតបន្ថែមទៀត

កម្ពុជា

សម រង្ស៊ី បន្តអំពាវនាវ​ឲ្យអ្នកគាំទ្រ និងពលរដ្ឋ ពង្រឹងជំហរ

លោក សម រង្ស៊ី មេដឹកនាំប្រឆាំង បានបន្តធ្វើសេចក្ដីអំពាវនាវ ឲ្យអ្នកគាំទ្រនិងពលរដ្ឋ ពង្រឹងជំហរ  និងស្មារតីតស៊ូ ទល់នឹងរបបដឹកនាំរបស់លោកនាយករដ្ឋមន្ត្រី ហ៊ុន សែន សព្វថ្ងៃ ដែលលោកហៅថា ...
កម្ពុជា

ហ៊ុន សែន អះអាងថាពូជលោក មិនដែលមាន«ជំងឺខួរក្បាល»ទេ

មេដឹកនាំរបបក្រុងភ្នំពេញ លោក ហ៊ុន សែន បានថ្លែងចំអក ឲ្យក្រុមអ្នកនយោបាយប្រឆាំង ដែលលោកអះអាងថា រង់ចាំឲ្យលោកស្លាប់នោះ ថា«សូមរង់ចាំជាតិក្រោយចុះអូន» ដោយលោកអះអាងថា ពូជរបស់លោក តាំងពីជីដូនជីតាមក មិនដែលមាននរណាម្នាក់ ...
វប្បធម៌ និងជីវិត

អារម្ភកថា​បង្កប់​ស្មារតី​ជាតិ​និយម​របស់ ប៊ុណ្ណចន្ទ ម៉ុល ក្នុង​សៀវភៅ “គុក​នយោបាយ”

សៀវភៅ “គុកនយោបាយ” ដែលនិពន្ធដោយ លោក ប៊ុណ្ណចន្ទ ម៉ុល បានពិពណ៌នាយ៉ាងលម្អិត អំពីស្ថានភាពនយោបាយស្រុកខ្មែរ នាសម័យអាណានិគមបារាំង។ តែនៅទំព័រដំបូង នៃសៀវភៅនេះ លោក ប៊ុណ្ណចន្ទ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...