កម្ពុជាដំណឹង

ស្នងការ​ពាណិជ្ជកម្ម EU មិន​សង្ឃឹម​ថា ហ៊ុន សែន ងាក​មក​វិថី​ប្រជាធិបតេយ្យ

ស្នងការជាន់ខ្ពស់នៃសហភាពអ៊ឺរ៉ុប «EU» ទទួលបន្ទុកគោលនយោបាយ​ពាណិជ្ជកម្ម អ្នកស្រី សេស៊ីលីយ៉ា ម៉ាលស្ត្រម (Cecilia Malmström) បានសំដែងក្ដីទុទិដ្ឋិនិយម នៅចំពោះជំហររបស់លោក ហ៊ុន សែន ក្នុងការងាកមករកការដឹកនាំប្រទេសកម្ពុជា តាមបែបលទ្ធិប្រជាធិបតេយ្យ សេរីពហុបក្ស និងការគោរពសិទ្ធិមនុស្សត្រឹមត្រូវវិញ។

ការកត់សម្គាល់ ពីចរិតនយោបាយរបស់លោក ហ៊ុន សែន ដោយមេដឹកនាំអ៊ឺរ៉ុបរូបនេះ ធ្វើឡើងក្នុងកិច្ចសម្ភាសផ្ដាច់មុខមួយ ជាមួយវិទ្យុអាស៊ីសេរី កាលពីពេលថ្មីៗនេះ ដើម្បីបញ្ជាក់ពីដំណើរនីតិវិធី របស់សហភាពអ៊ឺរ៉ុប ក្នុងជំហាន ទៅព្យួរប្រព័ន្ធអនុគ្រោះពន្ធ «EBA» ចេញពីប្រទេសកម្ពុជា។

ឆ្លើយតបនឹងសំនួរ របស់អ្នកសារព័ត៌មាន លោក មាន ឫទ្ធិ ដែលចង់ដឹង ពីក្ដីសង្ឃឹម​របស់មេដឹកនាំ​សហភាពអ៊ឺរ៉ុប ចំពោះដំណើរជឿនលឿន ជាយថាហេតុ នៃការគោរពសិទ្ធិមនុស្ស និងការដឹកនាំតាមគន្លងប្រជាធិបតេយ្យ ពីសំណាក់​បុរសខ្លាំង​កម្ពុជា​នោះ អ្នកស្រី សេស៊ីលីយ៉ា ម៉ាលស្ត្រម បានមានប្រសាសន៍ថា៖

«រឿងនេះ គឺស្ថិតក្នុងកណ្ដាប់ដៃទាំងស្រុង របស់លោក ហ៊ុន សែន និងរដ្ឋបាលរបស់លោក។ ពីព្រោះយើងគិតថា ស្ថានភាពបានដើរថយក្រោយ ជុំវិញវិស័យសិទ្ធិមនុស្ស ក្នុងរយៈពេលចុងក្រោយនេះ ដែលគណបក្សប្រឆាំងត្រូវគេរំលាយ ការបោះឆ្នោតជាតិមិនត្រូវបានទទួលស្គាល់ ដោយប្រទេសជាច្រើន​លើពិភពលោក យើងឃើញមានការកំហិតលំហ សម្រាប់សង្គមស៊ីវិល និងប្រព័ន្ធសារព័ត៌មានជាដើម។ ក៏មានការព្រួយបារម្ភជាច្រើន អំពីបទដ្ឋានការងារ និងការច្បាមយកដីធ្លី។»

EU – កម្ពុជា និងលោក ហ៊ុន សែន

អ្នកស្រី ម៉ាលស្ត្រម បន្តថា៖

«យើងគិតថា មានការកែលំអតិចតួចដែរ ខាងវិស័យសង្គមកិច្ច ដែលជារឿងល្អ។ ប៉ុន្តែយើងសង្ឃឹមថា នឹងមានការកែប្រែច្រើនជាងនេះ។ អ្វីៗ អាចកើតមានឡើងបាន ប៉ុន្តែនៅក្នុងកណ្ដាប់ដៃ របស់លោក ហ៊ុន សែន ទំនងជាមិនអាចកើតឡើង បានច្រើននោះទេ។»

យ៉ាងណា អ្នកស្រីបន្តលើកឡើងថា កម្ពុជានៅមានពេលនៅឡើយ ចំពោះដំណើរធ្វើឲ្យប្រសើរឡើង ពាក់ព័ន្ធនឹងអ្វី ដែលកម្ពុជាខ្លួនឯង បានចុះកិច្ចព្រមព្រៀង ជាមួយសហភាពអ៊ឺរ៉ុប ដើម្បីទទួលបានប្រព័ន្ធអនុគ្រោះ ដែលបានផ្ដល់ផលប្រយោជន៍ ដល់ការនាំចេញ និងផ្ដល់ការងារសម្រាប់ពលរដ្ឋ របស់ប្រទេស។

ស្នងការជាន់ខ្ពស់ នៃសហភាពអ៊ឺរ៉ុបបានថ្លែងថា៖

«នៅក្នុងអត្ថបទផ្លូវច្បាប់ នៃកិច្ចព្រមព្រៀងនេះ មានចែងយ៉ាងច្បាស់ថា ប្រសិនជាមានការធ្លាក់ចុះដុនដាប នៃការគោរពសិទ្ធិមនុស្ស និងសិទ្ធិការងារ ប្រព័ន្ធអនុគ្រោះពន្ធនេះ អាចនឹងត្រូវដកហូត ដោយផ្នែកឬទាំងស្រុង។ ដូច្នេះហើយ ក្នុងនាមជាស្នងការ យើងមានកាតព្វកិច្ច ក្នុងការត្រួតពិនិត្យមើល​បញ្ហា​ទាំងអស់​នេះ៕»



លំអិតបន្ថែមទៀត

កម្ពុជា

ហ៊ុន សែន ថា«កំពុង​ជិះឡាន»​ខណៈ​​មិនបានបង្ហាញខ្លួន​តាំងពី​ច្រើន​សប្ដាហ៍

លោកនាយករដ្ឋមន្ត្រី ហ៊ុន សែន បានអះអាងនៅថ្ងៃនេះ ថាលោក​«កំពុង​ជិះឡាន»​ធ្វើ​ដំណើរ​នៅតាមដងផ្លូវ ដោយអើត«មើលពីក្នុងរថយន្ដ» ឃើញប្រជាពលរដ្ឋកម្ពុជា ខិតខំ​ប្រឹងប្រែងធ្វើការងារ។ ប៉ុន្តែអវត្តមានរបស់លោក ដែលមិនបាន​បង្ហាញខ្លួន​ជា​សាធារណៈ តាំងពីច្រើនសប្ដាហ៍មកនោះ បានបង្កមន្ទិល ជុំវិញ​បញ្ហាសុខភាព​របស់​លោក។ ...
កម្ពុជា

សមាជ​អ្នក​ប្រជាធិបតេយ្យ​នៅ​កូរ៉េ ចេញ​សេចក្ដី​សម្រេ​ច​«៧ចំណុច»

សមាជ​អ្នកប្រជាធិបតេយ្យ ក្នុង​ក្រុងក្វាងយូ ប្រទេសកូរ៉េខាងត្បូង ក្នុង​រយៈពេល​បីថ្ងៃ រាប់ពី​ថ្ងៃទី១៩ ដល់ថ្ងៃទី២១ ខែមេសា ឆ្នាំ២០១៩នេះ បាន​ចេញសេចក្ដី​សម្រេច​ដ៏វែងអន្លាយ​មួយ មាន«៧ចំណុច»។ មន្ត្រីអង្គការសង្គមស៊ីវិឡ និងគណបក្សប្រឆាំងជាច្រើន រួមមានទាំងលោក ...
ដំណឹង

បូរីស ចនសុន ក្លាយជា​នាយករដ្ឋមន្ត្រី​​ថ្មី​នៃ​ចក្រភព​អង់គ្លេស

ចាប់ពីយប់ថ្ងៃពុធ ទី២៤ ខែកក្កដា ឆ្នាំ២០១៩នេះទៅ ចក្រភពអង់គ្លេសមាននាយករដ្ឋមន្ត្រីថ្មីមួយរូប ឈ្មោះ បូរីស ចនសុន (Boris Johnson) មេដឹកនាំមកពីគណបក្សអភិរក្សនិយម (ប្រកាន់ស្ដាំ)។ លោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...