កម្ពុជាដំណឹង

អ្នកវិភាគ​ស្នើឲ្យ ហ៊ុន សែន ក្លាហាន​បង្ហាញ​រូបភាព​ឃាតកម្ម​លើ កែម ឡី

សម្រាប់លោក គឹម សុខ បានពន្យល់ថា ការបង្ហាញរូបភាព នៅក្នុងអង្គចងចាំ (Memory Card) ដែលយកចេញពិត ពីកាម៉េរ៉ាសុវត្ថិភាព នៅក្នុងហាងស្ដាម៉ាត នៃស្ថានីយចាក់សាំងកាល់តិច បូកគោ នឹងជួយលោក ហ៊ុន សែន ឲ្យជម្រះមន្ទិលគ្រប់យ៉ាង ជាពិសេសពីការចោទប្រកាន់ទាំងឡាយ ដែលសង្ស័យថា បុរសខ្លាំងកម្ពុជា​នៅពីក្រោយ​ឃាតកម្ម សម្លាប់​លោក​បណ្ឌិត កែម ឡី កាលពីខែកក្កដា ឆ្នាំ២០១៦។

បណ្ដឹងប្ដឹងលោក ផែង វណ្ណៈ ទៅកាន់តុលាការ កាលពីដើមសប្ដាហ៍នេះ បានអះអាងថា ករណីឃាតកម្មទាំងកណ្ដាលថ្ងៃ នៃការបាញ់សម្លាប់លោក កែម ឡី កំពុងបន្តលងនាយករដ្ឋមន្ត្រីកម្ពុជា នៅឡើយទេ។

បណ្ដឹងនោះ កើតចេញពីការបង្ហោះសារប្រៀបធៀប របស់លោក ផែង វណ្ណៈ ដែលពន្យល់ថា តើមានអ្វីខុសគ្នារវាង ការនាំប្រាក់របស់លោក ផែង វណ្ណៈ ទៅចូលបុណ្យ​សពជនរងគ្រោះ ដែលស្លាប់ក្នុងគ្រោះថ្នាក់ចរាចរណ៍ កាលពីសប្ដាហ៍មុន និងការនាំប្រាក់របស់មេសារព័ត៌មាន «Fresh News» ទៅជួយធ្វើចេតិយ៍សពលោក កែម ឡី កាលពីប៉ុន្មានខែមុន?

អ្នកផងបានសំដែងមន្ទិលថា បណ្ដឹងប្រឆាំងលោក ផែង វណ្ណៈ និងជំហានទៅចាប់ចងលោក នៅពេលនេះ មានលក្ខណៈ ជា«គោដំបៅខ្នង» និងជាទង្វើ របស់«មនុស្សមានខ្លួន»។ ដូចលោក ជុន ច័ន្ទបុត្រ អ្នកសារព័ត៌មានរបស់វិទ្យុអាស៊ីសេរី បានលើកឡើង​ពីចំងល់នេះ នៅលើគណនីហ្វេសប៊ុក​របស់លោកថា៖

គោដំបៅខ្នង ក្អែកហើររំលង រំសាយកន្ទុយ…

Posted by Chun Chanboth Vuthy Huot on Tuesday, April 2, 2019


បណ្ឌិត កែម ឡី ត្រូវបានឃាតករ​​ឈាមត្រជាក់​​បាញ់សម្លាប់ កាលពីព្រឹកថ្ងៃទី១០ ខែកក្កដា ឆ្នាំ២០១៦ នៅខណៈលោក កំពុងទទួលទានកាហ្វេ នៅក្នុងហាងលក់ទំនិញ ស្តាម៉ាត នៃស្ថានីយចាក់ប្រេងឥន្ទនៈ កាល់តិច ស្ថិតនៅស្ដុបបូកគោ កណ្ដាលរាជធានីភ្នំពេញ។ នៅក្នុងឃាតកម្មដ៏ព្រៃផ្សៃនេះ មានតែបុរស ជួប សម្លាប់ ប្រកបដោយ​«មន្ទិល»​តែម្នាក់គត់ ដែលត្រូវបានចាប់ខ្លួន​ និងផ្ដន្ទាទោស។

សម្រាប់ លោក គឹម សុខ ដំណោះស្រាយក្នុងឃាតកម្ម លើលោក កែម ឡី នេះ មិនពិបាកឲ្យវែងឆ្ងាយច្រើនទេ ហើយក៏ងាយ​ជួយលាងសម្អាត ឲ្យលោក ហ៊ុន សែន បានជ្រះស្រឡះនោះដែរ។

អ្នកវិភាគនយោបាយរូបនេះ ដែលធ្លាប់ត្រូវលោក ហ៊ុន សែន ប្ដឹងចាប់ដាក់គុក ព្រោះករណីនេះដែរនោះ ថែមទាំងបញ្ជាក់ថា បើលោក ហ៊ុន សែន ក្លាហានហ៊ានធ្វើដូច្នេះមែន លោកនឹងវេចបង្វេច​ត្រឡប់ចូលកម្ពុជា ដើម្បីទទួលទោសជាថ្មីទៀតនោះផង។

លោក គឹម សុខ បានសរសេរនៅលើបណ្ដាញសង្គមថា៖

«ថាតើពេលណាទៅ [ទើប]លោកនាយករដ្ឋមន្ត្រីបង្គ្រប់កិច្ច មានផែនការចាក់បង្ហាញអង្គចងចាំពិត នៅស្តាម៉ាតស្តុបបូកគោ រយៈពេលមួយថ្ងៃពេញ ចំថ្ងៃឃាតកម្មលើលោកបណ្ឌិត កែម ឡី ដែលជាភស្តុតាងសំខាន់ជាងគេ ក្នុងរឿងក្តី ហ៊ុន សែន​-គឹម សុខ?»

«រឿងដែលខ្ញុំចង់ស្ដាប់បំផុតនេះ មិនដឹងថ្ងៃណា ទើបបានឮប្រធានគណបក្សប្រជាជនកម្ពុជា ហ៊ានបើកមាត់ និយាយចេញមកទេ។ បើគាត់ក្លាហានលាតត្រដាងរូបភាពពិត នៃអង្គចងចាំនោះមែន ខ្ញុំរៀបចំវ៉ាលីសចូលស្រុកភ្លាម៕»



លំអិតបន្ថែមទៀត

កម្ពុជា

ហ៊ុន សែន ព្រមាន​កុំឲ្យ​យក​«នំបញ្ចុក» ទៅភ្ជាប់​នឹង​នយោបាយ

«នំបញ្ចុក ជារបស់ជាតិ មិនមែនជារបស់បក្សនយោបាយណាមួយទេ» នេះ ជាការអះអាង​ឡើង របស់លោកនាយករដ្ឋមន្ត្រី ហ៊ុន សែន ទាក់ទងនឹងយុទ្ធនាការ​ទទួលទាននំបញ្ចុក នៅទូទាំងប្រទេស ដែលលោកបានបញ្ជាឲ្យធ្វើ កាលពីថ្ងៃចន្ទកន្លងមក។ បុរសខ្លាំងកម្ពុជា ...
កម្ពុជា

សេរីភាព​សារព័ត៌មាន​នៅ​កម្ពុជា​ បន្ត​ជាប់លេខ​ដ៏អាក្រក់ ក្នុង​ឆ្នាំ២០១៩

ពណ៌ក្រហមជាពណ៌របស់ក្រុមប្រទេស ដែលមានសេរីភាពសារព័ត៌មានដ៏អាក្រក់ រាប់ទាំងប្រទេសកម្ពុជាមួយផង។ នេះបើតាមរបាយការណ៍សន្ទស្សន៍ ក្នុង​ឆ្នាំ២០១៩ របស់អង្គការអ្នកយកព័ត៌មានគ្មានព្រំដែន (RSF-RWB) ដែលទើបនឹងចេញផ្សាយ កាលពីថ្ងៃទី១៦ ខែមេសា ឆ្នាំ២០១៩។ នៅក្នុងបញ្ជីសន្ទស្សន៍នោះ កម្ពុជាជាប់លេខ១៤៣ ...
កម្ពុជា

ហេតុផលពីរយ៉ាង ដែល​នាំស្ថានទូត​អាមេរិក​លូកដៃ​ចូល​ក្នុង​ករណី កឹម សុខា

ស្ថានទូត​សហរដ្ឋអាមេរិក​ពិតជាមានសិទ្ធិ ក្នុងកិច្ចអន្តរាគមន៍លូកដៃ ចូលករណីលោក កឹម សុខា ដោយសារ«ហេតុផលពីរយ៉ាង»។ នេះ បើតាមការអះអាង​របស់អ្នកនាំពាក្យ​ស្ថានទូត​ នៃប្រទេសមហាអំណាច ប្រចាំក្នុងរាជធានីភ្នំពេញ ដើម្បីប្រតិកម្មតប​ទៅសេចក្ដី​ថ្លែងការណ៍ របស់ក្រសួងការបរទេស​កម្ពុជា ដែលចេញផ្សាយ​ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...