[ សន្តិវង្សត្រកូល ហ៊ុន ] លោក ហ៊ុន សែន នាយករដ្ឋមន្ត្រី មិនតិចជាង៣៧ឆ្នាំ នៅកម្ពុជា បានអះអាងឲ្យដឹងជាថ្មីថា លោកកំពុងត្រៀមដកខ្លួន ហើយដាក់កូនរបស់លោក គឺលោក ហ៊ុន ម៉ាណែត ឲ្យស្នងតំណែងបន្តពីលោក។ ការធ្លោយមាត់បញ្ជាក់ជាថ្មី របស់បុរសខ្លាំង ធ្វើឡើងក្នុងឱកាសនាំលោក ហ៊ុន ម៉ាណែត ចូលគាល់ព្រះមហាក្សត្រ ព្រះបាទ នរោត្តម សីហមុនី កាលពីថ្ងៃសៅរ៍ ទី២២ ខែមករាកន្លងមកថ្មីៗ។

ក្រុមអ្នកវិភាគឯករាជ្យទាំងឡាយ បានរិះគន់ការដឹកដៃ​នាំកូនប្រុស ចូលថ្វាយបង្គុំព្រះមហាក្សត្រ ថាជាការធ្វើឡើង ជាលក្ខណៈ«គ្រួសារនិយម» និងខុសតួនាទី ជាពិសេសតួនាទីរបស់លោក ហ៊ុន ម៉ាណែត ដែលពួកអ្នកវិភាគចាត់ទុកថា មិនបានធ្វើអ្វីធំដុំ សម្រាប់ប្រទេសជាតិ។

នៅចំពោះការរិះគន់នេះ លោក ហ៊ុន សែន បានយកពិធីបើកការដ្ឋានសាងសង់ស្ពាន តាមបណ្ដោយផ្លូវជាតិលេខ៥ ក្នុងខណ្ឌឬស្សីកែវ (រាជធានីភ្នំពេញ) ត្រង់ចំណុចប្រសព្វស្ពានឬស្សីកែវ ឆ្លងកាត់ទន្លេសាប ក្នុងព្រឹកថ្ងៃចន្ទ ងៃទី៣១ ខែមករា ឆ្នាំ២០២២ ធ្វើការវាយបកទៅកាន់ក្រុមអ្នកវិភាគវិញ យ៉ាងចាស់ដៃថា៖

«ខ្ញុំគ្រាន់តែផ្ដាំអ្នក[វិភាគ]ឲ្យស្គាល់[ថា] ម៉ាណែត ក្នុងមួយរយៈកាល នៃការប្រឆាំងកូវិដនេះ ខិតខំយ៉ាងខ្លាំងដើម្បីការពារព្រះបុរមរាជវាំង រៀបចំដើម្បីឲ្យព្រះបរមរាជវាំង មានសុវត្ថិភាព។ អញ្ចឹង ការដែលខ្ញុំនាំកូនទៅ ដើម្បីទូលថ្វាយ… ហើយខ្ញុំនិយាយឲ្យត្រង់ទៅ ក៏ដើម្បីបញ្ជាក់ថ្វាយព្រះអង្គដែរថា ថ្ងៃក្រោយទូលបង្គុំដកខ្លួនហើយ ឲ្យកូនបន្តទៅ។»

លោកហៅក្រុមអ្នកវិភាគទាំងនោះ ថាជាក្រុម«អត់ការងារធ្វើ»។ លោកបន្តថា៖

«អើយផ្ដាំផ្ញើរទៅ ប្រឹងរៀនសូត្រទៅ ! ក្រែងលោបានចេះដឹងអី ថ្ងៃក្រោយទៅ មកធ្វើនយោបាយអី នៅស្រុកខ្មែរ កុំនាំគ្នាវិភាគឡប់ៗអញ្ចឹង។ ប៉ិនសំណាងដែរ ស្រុកយើង… ដោយសារតែវាឡប់ហ្នឹងហើយ បានជាវាមិនដែលឈ្នះ៕»



You may also like

កម្ពុជា

COVID-19 ៖ ករណីឆ្លង​នៅ​កម្ពុជា កើនឡើង​ដល់ ៩៦នាក់

មកដល់យប់នេះ ករណីឆ្លងជំងឺ «Covid-19» នៅក្នុងប្រទេសកម្ពុជា បានកើនឡើងដល់ចំនួន ៩៦នាក់ បន្ទាប់ពីបានរកឃើញថា មានជនជាតិបារាំងពីរនាក់ និងជនជាតិខ្មែរបីនាក់ បានឆ្លងមេរោគនេះ បន្ថែមពីលើតួលេខពីម្សិលម៉ិញ ដែលមាន៩១នាក់។ សេចក្ដីប្រកាសព័ត៌មាន ...
កម្ពុជា

អន្ទិត កក្កដា សុភ័ណ្ឌ បាន​ទៅដល់​អាមេរិក មួយថ្ងៃ​បន្ទាប់​ពី​ត្រូវបាន​ផ្សឹក

វេលានេះ អន្ទិត កក្កដា សុភ័ណ្ឌ ដែលត្រូវបានចាប់ផ្សឹក ដោយគណៈសង្ឃរាជធានី កាលពីយប់ថ្ងៃអាទិត្យទី២១ ចូលមកថ្ងៃចន្ទទី២២ ខែកក្កដា ឆ្នាំ២០១៩ បានធ្វើដំណើរទៅដល់សហរដ្ឋអាមេរិកហើយ។ ពីទីនោះ អតីតព្រះភិក្ខុ ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...