កម្ពុជាដំណឹង

ថិក គ្រូស ថ្លែង​ពីភាពចាំបាច់​ ដែល​អាមេរិក​ត្រូវ​សើរើ​ការអនុគ្រោះពន្ធពីកម្ពុជា

សមាជិកព្រឹទ្ធសភាអាមេរិក ដ៏ល្បីឈ្មោះ លោក ថិក គ្រូស (Ted Cruz) បានបញ្ចេញប្រតិកម្មរបស់លោក តបនឹងនាយករដ្ឋមន្ត្រីកម្ពុជា ដែលបានគម្រាម កាលពីប៉ុន្មានថ្ងៃមុន ថានឹងកម្ទេចគណបក្សប្រឆាំងចោល ប្រសិនណាជាសហគមន៍អន្តរជាតិ ដាក់ទណ្ឌកម្មសេដ្ឋកិច្ច ប្រឆាំងរបបដឹកនាំក្រុងភ្នំពេញ។

នាយករដ្ឋមន្ត្រីកម្ពុជា លោក ហ៊ុន សែន បានថ្លែងដូច្នេះ នៅក្នុងពិធី​បើកការដ្ឋាន​សាងសង់ ផ្លូវក្រវាត់ក្រុងទី៣ ក្នុងខេត្តកណ្ដាល ដោយចាត់ទុកការដាក់ទណ្ឌកម្មសេដ្ឋកិច្ច មកលើរបបដឹកនាំរបស់លោក គឺដូចសម្លាប់បក្សប្រឆាំង។ បុរសខ្លាំងដែលអង្គុយក្នុងតំណែង ជាង៣ទសវត្សន៍ បាន​ព្រមាន​ប្រទេស​លោកខាងលិច​ទាំងនោះ ថាឲ្យឈប់​មកនិយាយ ជាមួយលោក ពីបញ្ហាសិទ្ធិមនុស្ស និងប្រជាធិបតេយ្យអ្វីទៀត។

សម្រាប់ លោក ថិក គ្រូស សមាជិកព្រឹទ្ធសភាអាមេរិក មកពីរដ្ឋតិចសាស់ បានបញ្ជាក់ជំហររបស់លោក នៅលើបណ្ដាញសង្គមទ្វីសធើរថា ការគម្រាមរបស់លោក ហ៊ុន សែន កាន់តែជំរុញ ឲ្យសហរដ្ឋអាមេរិក ត្រូវមានភាពចាំបាច់ ដើម្បីសើរើប្រព័ន្ធអនុគ្រោះពន្ធ ផ្នែកពាណិជ្ជកម្ម ជាមួយប្រទេសកម្ពុជា។

លោកបានសរសេរថា៖

«វាជាការចាំបាច់ណាស់ សម្រាប់សហរដ្ឋអាមេរិក ដើម្បីពិនិត្យឡើងវិញ នូវលក្ខខណ្ឌពាណិជ្ជកម្មរបស់យើង ជាមួយប្រទេសកម្ពុជា។ កាលពីសប្ដាហ៍មុន ខ្ញុំបានស្នើច្បាប់មួយ ជាមួយសមាជិកព្រឹទ្ធសភា លោក “Chris Coons” ដើម្បីអនុញ្ញាត ឲ្យធ្វើដូច្នេះបាន។ ឥឡូវនេះ លោក ហ៊ុន សែន និយាយពី “ការស្លាប់” របស់សមាជិកគណបក្សប្រឆាំង ប្រសិន​​បើសម្ព័ន្ធមិត្ត​​​របស់​យើង ព្យាយាមឲ្យគាត់​ទទួលខុសត្រូវ ចំពោះ​ទង្វើ​របស់​គាត់។»

សេចក្ដីស្នើច្បាប់ ហៅថា «ច្បាប់​ពាណិជ្ជកម្ម​កម្ពុជា ​ឆ្នាំ​២០១៩» ត្រូវបាន​សមាជិក​ព្រឹទ្ធសភា​​អាមេរិក​ទាំងពីររូប ​ស្នើឡើង​ដើម្បីឈាន​ទៅសើរើ ប្រព័ន្ធអនុគ្រោះពន្ធ របស់សហរដ្ឋអាមេរិក ហៅថា «GSP» ចេញពីប្រទេសកម្ពុជា។

សមាជិកព្រឹទ្ធសភាទាំងពីរ បានថ្លែងថា ច្បាប់នេះ​នឹងដាក់ទណ្ឌកម្ម ចំពោះការទទួលខុសត្រូវ របស់លោក ហ៊ុន សែន និង​រដ្ឋាភិបាល​របស់លោក នៅចំពោះង្វើ​រំលោភបំពានទាំង​ឡាយ ហើយច្បាប់នេះ ក៏នឹងពង្រឹង​ជំហរ ដែល​សហភាព​អ៊ឺរ៉ុប ​កំពុង​ចាត់​វិធានការ‍ នៅ​ពេលនេះ​ដែរ។​

កាលពីដើមខែតុលា ឆ្នាំ២០១៨ សហភាពអ៊ឺរ៉ុបបានបើកនីតិវិធី ដែលមានរយៈពេល៦ខែ និងបន្ថែម៦ខែទៀត ដើម្បីឈានទៅដក ប្រព័ន្ធអនុគ្រោះពន្ធ «EBA» ចេញពីប្រទេស​កម្ពុជា។ ចំណាត់ការនេះ ធ្វើឡើង បន្ទាប់ពីសហភាពអ៊ឺរ៉ុប បានមើលឃើញ ពីការមិនអើពើនៃរបបដឹកនាំ របស់លោក ហ៊ុន សែន ក្នុងការងាកត្រឡប់ មករកការដឹកនាំ បែបប្រជាធិបតេយ្យសេរី ពហុបក្ស និងការគោរពសិទ្ធិមនុស្ស ឲ្យបានត្រឹមត្រូវវិញ។

ការសម្រេចចិត្តនេះ ក៏ត្រូវបានសហភាពអ៊ឺរ៉ុប ធ្វើសេចក្ដីជូនដំណឹង ទៅកាន់រដ្ឋាភិបាលលោក ហ៊ុន សែន ក្នុងពេលនោះដែរ។ តែរបបដឹកនាំក្រុងភ្នំពេញ តាមរយៈក្រសួងការបរទេសរបស់ខ្លួន បានប្រតិកម្មតបទៅសហភាពអ៊ឺរ៉ុបវិញ ដោយហៅការបើកនីតិវិធីខាងលើ ថាជាទង្វើដ៏«អយុត្តិធម៌»បំផុត៕



លំអិតបន្ថែមទៀត

កម្ពុជា

ហ៊ុន សែន ថាសំណង់​ព្រលាន​យន្ដហោះ​ថ្មី សម្រេច​បាន​៣០%​ហើយ

ការប្រកាស​របស់លោកនាយករដ្ឋមន្ត្រី ហ៊ុន សែន បានផ្ដល់ក្ដីសង្ឃឹមថា ក្នុងរយៈពេល​៣ឆ្នាំខាងមុខ កម្ពុជានឹងមានព្រលានយន្ដហោះអន្តរជាតិ ដ៏ធំមួយ ប្រភេទ «4F» ដែល​ពេលនេះ បានសាងសង់ចេញជារូបរាង សម្រេច​បាន​៣០%​ហើយ ។ ...
កម្ពុជា

ហ៊ុន សែន ប្រកាស​ឈប់​លេង​​«ភ្នាល់»​​ជាមួយ សម រង្ស៊ី

នាយករដ្ឋមន្ត្រីកម្ពុជា បានសំដែងកំហឹង ក្នុងការថ្លែងរបស់លោក នារសៀលថ្ងៃអង្គារនេះ ដាក់«អាខ្លះ»ណាមួយនោះ ដែលលោកអះអាងថា មិនហានស្បថជាមួយលោកទេ តែមកបបួល«ភ្នាល់»ជាមួយលោក។ បើទោះជា«អាខ្លះ»នោះ មិនត្រូវបានបញ្ចេញឈ្មោះឲ្យដឹងក្ដី តែដំណើររឿង​«ភ្នាល់»​និង​«ស្បថ» ដែលបានកើតឡើង ក្នុងមជ្ឈដ្ឋានអ្នកនយោបាយ ...
ទស្សនៈប្រិយមិត្ត

លិខិតចំហ សម រង្ស៊ី ជូន​តំណាង​រាស្ត្រ​ពិភពលោក ឲ្យ​ការពារ​ភាព​ជា​តំណាង​រាស្ត្រ​ពិត

ក្នុងខណៈពេលដែលរដ្ឋសភា គណបក្សប្រជាជនកម្ពុជា បានអនុម័តការធ្វើវិសោធនកម្ម លើច្បាប់ចំនួន៤ ដើម្បីឈានទៅយកអាសនៈ របស់គណបក្សប្រឆាំង ទៅបែងចែកឲ្យគណបក្សដទៃនោះ លោក សម រង្ស៊ី អតីតប្រធានគណបក្សសង្គ្រោះជាតិ បានផ្ញើរ«លិខិតចំហ»មួយ ពីរដ្ឋធានីប៉ារីស ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...