កម្ពុជាដំណឹង

សម រង្ស៊ី ថ្លែង​ឲ្យបណ្ដាជន​លោតចេញ​ពី«កប៉ាល់ ហ៊ុន សែន»ដែល​កំពុងលិច

«យើងត្រូវតែជួយសង្គ្រោះ អ្នកដែលលោតចេញ មុនកប៉ាល់លិច ពីព្រោះជាខ្មែរដូចគ្នា» នេះ ជាការអះអាងឡើង របស់លោក សម រង្ស៊ី តបទៅនឹងការអះអាងរបស់លោកខ្លួនឯង ដែលប្រៀបធៀបស្ថានការណ៍ របស់រដ្ឋាភិបាលលោក ហ៊ុន សែន សព្វថ្ងៃ ទៅនឹង«កប៉ាល់» ដែលកំពុងលិចចូលក្នុងសមុទ្រ។

ការថ្លែងរបស់មេដឹកនាំប្រឆាំង ទំនងជាចង់ធៀប នឹងព្រឹត្តិការណ៍​ចុងក្រោយ​បំផុត នៃការប្រកាស​កាលពីដើមសប្ដាហ៍នេះ របស់សហភាពអ៊ឺរ៉ុប ជុំវិញការបើកដំណើរការនីតិវិធី ឈានទៅទៅព្យួរប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន ហៅថា «គ្រប់មុខទំនិញទាំងអស់ លើកលែងតែសព្វាវុធ – EBA»។

១៣ កុម្ភៈ ២០១៩ / 13 February 2019 – The Hun Sen regime is like a sinking ship (*)ទណ្ឌកម្មអន្តរជាតិមកដល់ហើយ ក្នុងឆ្នាំ …

Gepostet von Sam Rainsy am Mittwoch, 13. Februar 2019

លោក សម រង្ស៊ី បានសរសេរ​ដោយអមមកជាមួយ នូវរូបភាព​នាវាទីតានិក (Titanic) ដែល​កំពុងលិច​ចូលក្នុងសមុទ្រ ដូច្នេះថា៖

«ទណ្ឌកម្មអន្តរជាតិមកដល់ហើយ ក្នុងឆ្នាំ ២០១៩ នេះ បើ ហ៊ុន សែន មិនព្រម ឬមិនចេះកែខ្លួន។ របប ហ៊ុន សែន ប្រៀបទៅនឹង”កប៉ាល់”មួយ ដែលធ្លុះធ្លាយ ជួសជុលលែងបាន ហើយដែលនឹងលិចកណ្តាលសមុទ្រ ក្នុងឆ្នាំ ២០១៩ នេះ។ អ្នកដែលនៅលើកប៉ាល់នោះ មិនត្រូវចាំទាល់តែកប៉ាល់នោះលិចទេ តែត្រូវលោតចេញពីកប៉ាល់នោះភ្លាមឥលូវនេះ បើចង់រួចផុតពីការស្លាប់ ឬការវិនាសអន្តរាយ។»

ប្រធានស្ដីទីគណបក្សសង្គ្រោះជាតិ ដែលជាគណបក្សធំមួយ ត្រូវបានរំលាយដោយតុលាការកំពូល នៃរបបដឹកនាំក្រុងភ្នំពេញ បានបន្តថា៖

«ការលោតចេញមុននេះ គឺជាសេចក្តីសម្រេចដ៏ត្រឹមត្រូវ របស់អ្នកវិនិយោគបរទេស និងអ្នករកស៊ីខិលខូចជាច្រើន ដែលមានវត្តមាននៅប្រទេសកម្ពុជាសព្វថ្ងៃ។ សូម្បីតែអ្នកបញ្ជាទិញពីក្រៅប្រទេស ក៏គេផ្អាក ឬលុបចោលតែម្តង ការបញ្ជាទិញរបស់គេ តាំងពីឥលូវនេះដែរ ពីព្រោះគេមិនចង់ភ្ជាប់ឈ្មោះគេ ទៅនឹងឈ្មោះដ៏អាក្រក់នៃរបបផ្តាច់ការ ហ៊ុន សែន ដែលនឹងទទួលទណ្ឌកម្មពីអន្តរជាតិ។»។



You may also like

កម្ពុជា

ក្រុងភ្នំពេញ​រំលឹក​ខួប​ទី៤០ នៃ​ថ្ងៃ៧មករា ដោយ​សរសេរ​បដា​ផ្ទៃ​ពណ៌ក្រហម

បដាផ្ទៃពណ៌ក្រហម ដែលត្រូវបានគេគិតថា ជាពណ៌តំណាងឲ្យឈាម និងលទ្ធិកុម្មុយនីស្ដិ៍ បានពន្លេចខ្លួនមកវិញ នៅក្នុងឱកាសនៃការប្រារព្ធ ពិធីរំលឹកខួបលើកទី៤០ នៃថ្ងៃ៧មករា ឆ្នាំ១៩៧៩-២០១៩ ក្នុងថ្ងៃនេះ នាពហុកីឡដ្ឋានជាតិអូឡាំពិក កណ្ដាលរាជធានីភ្នំពេញ។ សាក្សីរស់ជាច្រើន ...
កម្ពុជា

សម រង្ស៊ី ថានឹងវិល​មកកម្ពុជា​ដើម្បីចាប់ ហ៊ុន សែន យកទៅ​កាត់ទោស

មេដឹកនាំប្រឆាំងបានបង្ហាញជំនឿមុតមាំថា ដំណើរវិលត្រឡប់ចូលប្រទេសកម្ពុជា មិនមែនដើម្បីដើរចូល ទៅឲ្យអាជ្ញាធរបញ្ជាដោយលោកនាយករដ្ឋមន្ត្រី ហ៊ុន សែន ចាប់ខ្លួនលោកនោះទេ។ លោក សម រង្ស៊ី បានថ្លែងពីក្រុងសៀតថល សហរដ្ឋអាមេរិកមកថា លោកត្រឡប់ចូលស្រុកវិញ ...
កម្ពុជា

សម រង្ស៊ី ស្វែងរកជនម្នាក់ ដែលត្រកងជនរងគ្រោះពីព្រឹត្តិការណ៍គប់គ្រាប់បែក

មេដឹកនាំប្រឆាំង លោក សម រង្ស៊ី បានប្រកាសស្វែងរកបុរសម្នាក់ ដែលបានបីត្រកងជនរងគ្រោះ ក្នុងហេតុការណ៍គប់គ្រាប់បែកច្រើនគ្រាប់ កាលពីថ្ងៃទី៣០ ខែមិនា ឆ្នាំ១៩៩៧ នៅខាងមុខរដ្ឋសភាចាស់។ នៅលើបណ្ដាញសង្គម លោក ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...