កម្ពុជាដំណឹង

លិខិត​ចុងក្រោយ​ដែល ហ៊ុន សែន សរសេរ​ជូន​«អ៊ំ ឡេ ឌឹកអាញ់»

នៅចំពោះសពលោក ឡេ ឌឹកអាញ់ អតីតប្រធានាធិបតីវៀតណាម លោក ហ៊ុន សែន ក្នុងឋានៈលោកជាប្រមុខរដ្ឋាភិបាលកម្ពុជា បានសរសេរលិខិតមរណទុក្ខមួយច្បាប់ ហៅអតីតមេដឹកនាំវៀតណាម ថាជា«អ៊ំ» រួមនឹងពាក្យពេជន៍«រួមសុខរួមទុក្ខ»ជាច្រើន។

នៅក្នុងលិខិតផ្ញើរជូនសពលោក ឡេ ឌឹកអាញ់ នោះ លោក ហ៊ុន សែន បានលើកឡើង ពីការចូលរួមរបស់លោក ឡេ ឌឹកអាញ់ ក្នុងការរំដោះប្រជាជនកម្ពុជា ចេញពីរបបប្រល័យពូជសាសន៍ ខ្មែរក្រហម ប៉ុលពត និងបានការពារលោក ឡេ ឌឹកអាញ់ ថាក្នុងអំឡុងពេលមានវត្តមាននៅកម្ពុជា លោក«អ៊ំ»ម្នាក់នេះ បាន«គោរព​ឯករាជ្យ អធិបតេយ្យភាពកម្ពុជា»​យ៉ាងម៉ឺងម៉ាត់។

នាយករដ្ឋមន្ត្រីកម្ពុជាបានសរសេរថា៖

«ក្នុងពេលបំពេញភារកិច្ចនៅកម្ពុជា លោកអ៊ំបានតំណាងឲ្យបក្ស រដ្ឋាភិបាល និងកងទ័ពស្ម័គ្រចិត្តវៀតណាម អនុវត្តបានយ៉ាងពេញលេញ នូវគោលការណ៍ គោរព​ឯករាជ្យ អធិបតេយ្យភាពកម្ពុជា គោរពយ៉ាងម៉ឺងម៉ាត់ នូវការជ្រើសរើសរបស់ប្រជាជនកម្ពុជា នូវ​ប្រព័ន្ធនយោបាយ សេដ្ឋកិច្ចសង្គមរបស់កម្ពុជា។»

កម្រងរូបភាពមួយចំនួន ក្នុងដំណើររបស់លោក ហ៊ុន សែន ចូលជួបមេដឹកនាំរូបនេះ កាលពីអំឡុងចុងខែធ្នូ ឆ្នាំ២០១៣ ពោលគឺនៅប៉ុន្មានថ្ងៃ មុនការបង្ក្រាបយ៉ាងហិង្សា ទៅលើបាតុកម្មរបស់គណបក្សប្រឆាំង និងកម្មករ-នយោជិត នៅក្នុងប្រទេស​កម្ពុជា នៅដើមខែមករា ឆ្នាំ២០១៤ (រូបថតរបស់សារព័ត៌មានវៀតណាម)។

បន្ថែមពីលើនេះ លោក ហ៊ុន សែន បានយកទំនាក់ទំនងឯកជន រវាងគ្រួសារលោក និងលោក ឡេ ឌឹកអាញ់ មកលាតត្រដាង នៅក្នុងលិខិតនោះផង។ លោកសរសេរថា៖

«តាំងពីពេលស្គាល់គ្នា រហូតមកដល់ពេលបែកគ្នា លោកអ៊ំ តែងយកចិត្តទុកដាក់​ ដល់​រូប​ខ្ញុំ ភរិយា និងកូនៗ របស់ខ្ញុំ ដូចឪពុក និងកូន ជីតានិងចៅ។ ខ្ញុំនៅចាំបានថា នៅក្នុងគ្រាដែល ​ខ្ញុំ​លំបាកបំផុត ពេលកសាងកងទ័ពដំបូង លោកអ៊ំបានផ្តល់នូវការឧបត្ថម្ភគ្រប់យ៉ាង ដើម្បីឲ្យ​កងទ័ព​កម្ពុជា បានរីកធំធាត់យ៉ាងឆាប់រហ័ស។»

«លោកអ៊ំមិនពិសារបារីទេ តែលោកអ៊ុំមិនភ្លេច​ផ្ញើ​បារីឲ្យខ្ញុំ ដោយសាអ៊ុំដឹងថា ខ្ញុំជាអ្នកជក់បារីច្រើន។ លោកអ៊ំតែងផ្តល់យោបល់ ឲ្យខ្ញុំថែសុខភាព។»

បើតាមលោក ហ៊ុន សែន អតីតប្រធានាធិបតីវៀតណាម ដែលបានទទួលមរណភាព កាលពីថ្ងៃទី២២ ខែមេសា ឆ្នាំ២០១៩នោះ គឺជាវីរជន ជាអ្នកមានគុណ និងជាកំពូលអ្នក​យុទ្ធសាស្ត្រ​ផ្នែកយោធា ដែលគ្មាននរណាដូច។

តែសម្រាប់លោក គីម សុខ អ្នកវិភាគនយោបាយ បានចាត់ទុកលោក ឡេ ឌឹកអាញ់ ថាជា​ជន«ឈ្លានពាន ធ្វើទុក្ខបុកម្នេញ សម្លាប់ ធ្វើបាប និង​កម្ទេច​ប្រទេស​កម្ពុជា» ឲ្យបែកបាក់​រហូតមកដល់សព្វថ្ងៃនេះ។ អ្នកវិភាគរូបនេះ បានថ្លែងតាមវិទ្យុអាស៊ីសេរីថា ទង្វើរបស់លោក ហ៊ុន សែន ក្នុងការទៅគោរព​សព​អតីត​មេដឹកនាំ​វៀតណាមខាងលើ មានន័យស្មើ​នឹង«ការមាក់ងាយ»​ពលរដ្ឋខ្លួនឯង។

លោកនាយករដ្ឋមន្ត្រី ហ៊ុន សែន បានដឹកនាំមន្ត្រីរដ្ឋាភិបាល កងទ័ព និងមន្ត្រីគណបក្សប្រជាជនកម្ពុជា ចំនួនសរុប២៥រូប ទៅគោរពសពលោក ឡេ ឌឹកអាញ់ ក្នុងរដ្ឋធានី ហាណូយ ប្រទេសវៀតណាម។ ប្រតិភូបានចេញពីកម្ពុជា កាលពីរសៀលថ្ងៃទី២ និងត្រឡប់មកកម្ពុជាវិញ នៅរសៀលថ្ងៃទី៣ ខែឧសភា ឆ្នាំ២០១៩ ខណៈការចូលគោរពសព និងសរសេរលិខិតមរណទុក្ខ ធ្វើឡើងនៅវេលាព្រឹក(ថ្ងៃទី៣)៕



លំអិតបន្ថែមទៀត

កម្ពុជា

ព្រឹទ្ធសមាជិក​បារាំង៖ ហ៊ុន សែន ជា​អ្នកបំផ្លាញ EBA ខណៈ EU មិនដកថយ

លោក អង់ឌ្រេ ហ្គាតូឡាំង (André Gattolin) សមាជិកព្រឹទ្ធសភា​​មកពី​គណបក្ស​​កាន់អំណាច របស់ប្រទេសបារាំង បានថ្លែងខ្លាំងៗ​ទម្លាក់​ការទទួល​ខុសត្រូវ នៃការបាត់បង់ ប្រព័ន្ធ​​អនុគ្រោះ​ពន្ធ «EBA» ទៅលើការដឹកនាំ របស់លោកនាយករដ្ឋមន្ត្រី ...
កម្ពុជា

ហ៊ុន សែន៖ «គ្មានការដកតំណែង សាយ ឈុំ និង ស ខេង ទេ»

នាយករដ្ឋមន្រ្តី នៃរបបក្រុងភ្នំពេញ បានថ្លែងច្រានចោល ដំណឹងលេចឮទាំងឡាយ ដែលថានឹងមានការដកតំណែង អនុប្រធានគណបក្សប្រជាជនកម្ពុជាទាំងពីររូប គឺលោក សាយ ឈុំ ប្រធានព្រឹទ្ធសភា និងលោក ស ខេង ...
កម្ពុជា

ហ៊ុន សែន ព្រមាន​ចាប់ខ្លួន អ្នកថាលោកទៅព្យាបាលយ៉ាងសម្ងាត់នៅសិង្ហបូរី

លោក ហ៊ុន សែន បាន«ព្រមាន​ចាប់ខ្លួន» ជនម្នាក់ដែលបង្ហើបដំណឹង​លេចឮមួយថា រូបលោកត្រូវបានបញ្ជូនចេញ ពីកម្ពុជា «យ៉ាងសម្ងាត់» ទៅព្យាបាលជំងឺរលាកផ្លូវដង្ហើម ឬ«Covid-19» នៅឯមន្ទីរពេទ្យ ក្នុងប្រទេសសិង្ហបូរី។ ថ្លែងក្នុងពិធីសម្ពោធ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...