កម្ពុជាដំណឹង

ហ៊ុន សែន ថារូបលោកនៅខ្លាំងពូកែ ដូច​យុវជន​អាយុ​២៥ឆ្នាំ

នាយករដ្ឋមន្ត្រីបីទសវត្សន៍ជាង របស់ប្រទេសកម្ពុជា បានលើកឡើងក្នុងន័យធៀបថា លោកនៅខ្លាំងពូកែ ដូច​យុវជន​អាយុ​២៥ឆ្នាំ ដោយនៅលេងកីឡា វាយកូនគោលបាន។ ប៉ុន្តែទន្ទឹមនឹងការប្រៀបធៀបនេះ បុរសខ្លាំងវ័យ៦៦ឆ្នាំរូបនេះ បានរំលឹកខ្លួនលោក ទាំងមិនដាច់ស្នូរថា លោកត្រូវធ្វើកីឡាឲ្យបានច្រើន ដើម្បីកុំឲ្យលោកឡើងទម្ងន់ និងដើម្បីរក្សាសុខភាព។

ជាមួយរូបថតប៉ុន្មានសន្លឹក ដែលបង្ហាញពីសកម្មភាព លេងកីឡាវាយកូនគោល ដែលបង្ហោះនៅលើបណ្ដាញសង្គម លោកនាយករដ្ឋមន្ត្រី ហ៊ុន សែន បានសរសេរដោយខ្លួនលោកថា៖

«គេថាខ្ញុំចាស់ ពាក្យច្រើនណាស់ ចេញខាងពីស្រីៗ។ មិនទាន់ចាស់ទេ នៅវាយកូនគោល ដូច​យុវជន​អាយុ​២៥ឆ្នាំ អីចឹង។»

លោក ហ៊ុន សែន បន្តថា៖

«កីឡាបានជួយច្រើនណាស់ ដល់ការរក្សាសុខភាព។ ការងាររបស់ខ្ញុំក្នុងសប្តាហ៏នេះ គឺថ្ងៃចន្ទ័ធ្វើដំណើរ ទៅទីក្រុងបាងកកប្រទេសថៃ ដើម្បីថ្លែងសុន្ទរកថា ក្នុងសន្និបាត “UN.ESCAP”។ ថ្ងៃអង្គារដល់ថ្ងៃសុក្រ ធ្វើការយ៉ាងច្រើន នៅទីក្រុងតូក្យូប្រទេសជប៉ុន ដែលការងារនោះភាគច្រើន អង្គុយនិងផឹកទឹក ដែលធ្វើឱ្យឡើងទម្ងន់។»

«ថ្ងៃសៅរ៏នេះ ប្រឹងដើរឲ្យបានច្រើន ដើម្បីឲ្យបែកញើស បន្ថយទម្ងន់មកវិញ ទោះមិនបានទាំងអស់ ក៏បានមួយផ្នែកដែរ។»

កាលពីចុងខែធ្នូ ឆ្នាំកន្លងទៅ លោក ហ៊ុន សែន បានបង្ហើបជាសាធារណៈ ជុំវិញជំងឺរបស់លោកមួយ ដែលគ្រូពេទ្យបានហាមលោក មិនឲ្យឈរឬអង្គុយយូរ។ លោកនាយករដ្ឋមន្ត្រី បានអះអាងក្នុងពេលនោះថា គ្រូពេទ្យរបស់លោក បានបញ្ជាមិនឲ្យលោក លេងកីឡាវាយកូនគោល ក្នុងរយៈពេលមួយខែ នៃការព្យាបាលជំងឺនោះ។

បន្ទាប់ពីនោះ គឺនៅអំឡុងចុងខែមករា ចាប់ពីថ្ងៃទី២៥ (ខែមករា) លោកនាយករដ្ឋមន្ត្រីមិនបានបង្ហាញខ្លួន ជាសាធារណៈ អស់ប្រមាណជា២០ថ្ងៃ។ ក្នុងពេលនោះ លោកមិនបានជួបភ្ញៀវជាតិ-អន្តរជាតិ ឬជួបសំណេះ​សំណាល​ ជាមួយមន្ត្រីរាជការ សិស្សនិស្សិត កម្មករកសិករនោះ ដែលខុសពីទម្លាប់រាល់ដង របស់លោក ហ៊ុន សែន។

ក្រុមមន្ត្រីគណបក្សប្រឆាំង បានអះអាងពីការទទួលដំណឹងផ្ទៃក្នុង បញ្ជាក់ថា លោក ហ៊ុន សែន មានជំងឺជាទម្ងន់ និងងើបមិនរួចពីគ្រែផងទេ។ តែដំណឹងនេះ ត្រូវបានលោកនាយករដ្ឋមន្ត្រី ឆ្លើយតបវិញយ៉ាងចាស់ដៃ ដោយចាត់ទុកការនិយាយ ពីសុខភាពលោក ថាជាការប្រមាថដល់អាយុជីវិត៕



លំអិតបន្ថែមទៀត

កម្ពុជា

ក្រសួង​ការបរទេស​ចោទគណៈកម្មការ​អ៊ឺរ៉ុប ថា​«លំអៀងយ៉ាងគឃ្លើន»

មានគណបក្សនយោបាយចំនួន១៩ទៀត ដែលប្រកួតប្រជែងជាមួយគណបក្សប្រជាជនកម្ពុជា តែគណៈកម្មការអ៊ឺរ៉ុបសម្លឹងឃើញ តែគណបក្សសង្គ្រោះជាតិមួយ! នេះ បង្ហាញយ៉ាងច្បាស់ពីភាព«លំអៀងយ៉ាងគឃ្លើន» របស់គណៈកម្មការអ៊ឺរ៉ុប ដែលបានសម្រេចបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធរបស់ខ្លួន។ ខាងលើនេះ ជាខ្លឹមសារសំខាន់មួយ ដែលត្រូវបានដកស្រង់ចេញ ...
កម្ពុជា

អ្នកវិភាគថា ក្រោយយួន«ដកទ័ព» កម្ពុជាមិនអាចដួលរលំបានទេ

នៅចំពោះការអះអាង របស់នាយករដ្ឋមន្ត្រីចាស់វស្សា នៅកម្ពុជា ដែលថ្លែងអួតអាង ដោយមោទនភាព អំពីការដឹកនាំជិត៤០ឆ្នាំរបស់ខ្លួននោះ អ្នកឃ្លាំមើលស្ថានការណ៍នយោបាយ និងសង្គមកម្ពុជា បានប្រតិកម្មយ៉ាងសាមញ្ញថា គឺស្ថានការណ៍ភូមិសាស្ត្រនយោបាយតំបន់ និងពិភពលោក បង្ខំឲ្យយួនត្រូវ«ដកទ័ព» ចេញពីកម្ពុជា ...
កម្ពុជា

ហ៊ុន ម៉ានី ខឹង​នាយករដ្ឋមន្ត្រី​សិង្ហបូរី​ដែល​រំលឹកថា យួន​ចូល​ឈ្លានពានខ្មែរ

សម្រាប់លោក ហ៊ុន ម៉ានី កូនប្រុសរបស់លោកនាយករដ្ឋមន្ត្រី ហ៊ុន សែន បើមេដឹកនាំបរទេសទាំងឡាយ សរសេរសំបុត្រឆ្លើយឆ្លងគ្នា ដោយលើកពីផ្នែកមួយ ដែលមានទាក់ទងពីប្រវត្តិសាស្ត្រកម្ពុជា មកបញ្ជាក់នោះ មេដឹកនាំបរទេសទាំងនោះគួរសរសេរ ពីគ្រប់ចំណុចទាំងអស់ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...